دجوكوۆيچ جاڭا جىلدى جەڭىسپەن باستادى

اتر رەيتينگىندە ەكىنشى تۇرعان سەرب تەننيسشىسى نوۆاك دجو­كوۆيچ قاتار استاناسى دوحادا وتكەن تۋرنيردە توپ جاردى. جۇلدە قورى 1 237 190 اقش دوللارىن قۇرايتىن جارىستىڭ فينالىندا سەرب تەننيسشىسى الەمنىڭ ءبىرىنشىسى راكەتكاسى بري­تاندىق ەندي مار­­رەي­دەن 6:3, 5:7, 6:4 ەسە­بىمەن باسىم ءتۇستى. سوڭعى رەت ەكى تەننيسشى بىل­تىر قا­راشا ايىن­دا لوندوندا وتكەن تۋرنير­دە كەزدەسكەن بولاتىن. وندا مار­رەيدىڭ باعى جانعان ەدى. بۇل جولى سەرب تەننيسشىسى ەسە قايتاردى. وسىل­ايشا, 2 ساعات 54 مينۋتقا سوزىلعان ماتچتا باسىمدىق تانىتقان دجوكوۆيچ اتر رەي­تينگىسى بويىنشا 150 ۇپاي ەن­شى­لەپ, وزىنە تيەسىلى 209 665 دول­لاردى قالتاعا باس­تى. ال فينالعا دەيىن جەتكەن مار­رەيدىڭ (100 ۇپاي) قورجىنى 110 420 دوللارعا ۇلعايدى. بۇعان دەيىن قوس شەبەر ءوزارا 35 رەت كەزدەسكەن ەكەن. سونىڭ 24-ىندە دجوكوۆيچ باسىمدىق تانىتسا, قالعان 11 كەزدەسۋدە مار­رەيدىڭ مەرەيى ۇستەم بولعان. الماس ماناپ, «ەگەمەن قازاقستان»