Boxingnews24.com ءتىلشىسى ەريك بولدۋين 18 ناۋرىز كۇنى گەننادي گولوۆكين (36-0, 33 كو) مەن دەننيەل دجەيكوبس (32-1, 29 كو) اراسىندا وتەتىن جەكپە-جەك جايلى ءوز پىكىرىن ءبىلدىردى. بۇل تۋرالى sports.kz حابارلادى.
«بالكىم بۇل گولوۆكيننىڭ مانسابىنداعى ەڭ اۋىر جەكپە-جەك بولار. بىراق جاتتىقتىرۋشىسىنىڭ ايتۋىنشا ول دجەيكوبستى ەش قيىندىقسىز جەڭە الادى ەكەن. ەسكەرە كەتۋ كەرەك, امەريكالىق وڭاي قارسىلاس ەمەس, وعان اسقان ساقتىقپەن قاراۋ قاجەت. GGG-ءدىڭ قىسىمىنا توتەپ بەرە الاتىن بىردەن-ءبىر سپورتشى. ورايى كەلگەن ساتتە جويقىن سوققىلارىن باعىتتاپ, جىلدامدىعىن ۇدەتە الادى. دەنني نە ىستەۋى كەرەك ەكەنىن جاقسى بىلەدى. دەگەنمەن, گولوۆكيننىڭ كۇشىنە قارسى تۇرۋ دا قيىننىڭ قيىنى», – دەپ جازادى اۆتور.
ايتا كەتەيىك, قوس بوكسشىنىڭ اراسىنداعى كەزدەسۋ 18 ناۋرىز كۇنى اقش-تىڭ نيۋ-يورك قالاسىنداعى Madison Square Garden ارەناسىندا وتەدى.