«استانا» كومانداسىنىڭ ويىنشىلارى مەن باپكەرلەر قۇرامى جاتتىعۋ جۇمىستارى الدىندا قالامىزدىڭ از قامتىلعان جانە كوپبالالى وتباسىنان شىققان №13, №57 مەكتەپ وقۋشىلارىمەن كەزدەسىپ, اڭگىمەلەستى. كەزدەسۋ بارىسىندا بالالار «استانا» كومانداسى ۇجىمىنان قىسقى ماۋسىمعا ارنالعان كيىمدەردى سىيلىققا الىپ, وزدەرىنىڭ سۇيىكتى ويىنشىلارىمەن ەستەلىك سۋرەتتەرگە ءتۇستى, دەپ حابارلايدى فۋتبول كلۋبىنىڭ ءباسپاسوز قىزمەتى.
"بۇگىن ءبىز ءۇشىن ەرەكشە كۇن. قالامىزدىڭ №13 جانە 57-ءشى مەكتەپتەرىندە وقيتىن جاس دوستارمەن كەزدەسۋدى بۇرىننان ويلاستىرىپ كەلەمىز. بۇل بالالار فۋتبول ويناۋدى قانشالىقتى جاقسى كورەتىنىن, وزدەرى كوماندا قۇراپ, ءارتۇرلى تۋرنيرلەر مەن جارىستارعا قاتىسىپ جۇرگەنىن بىلەمىز. بارشا وتانداستارىمىز ءۇشىن ۇلكەن مەرەكە – تۇڭعىش پرەزيدەنت كۇنى قارساڭىندا سىزدەرمەن كەزدەسۋ ۇيىمداستىرۋدى ۇيعاردىق. بارىمىزگە بەلگىلى, 1 جەلتوقسان – تاۋەلسىز قازاقستانداعى تۇڭعىش جالپىxالىقتىق پرەزيدەنتتىك سايلاۋ كۇنى. 1991 جىلعى 1 جەلتوقساندا قازاقستاننىڭ تاعدىرى تالقى ۇستىندە تۇرعان كەزدە, العاش رەت پرەزيدەنتتىك سايلاۋ ءوتىپ, وندا نۇرسۇلتان ءابىش ۇلى نازارباەۆ قازاقستاننىڭ تۇڭعىش پرەزيدەنتى بولىپ سايلانعان ەدى. ەلىمىزدىڭ سودان بەرگى دامۋ تاريxى ەلباسى ەسىمىمەن تىكەلەي بايلانىستى. ال «استانا» فۋتبول كلۋبى پرەزيدەنت كاسىبي فۋتبول كلۋبىنىڭ قۇرامىنا ەنەدى. ياعني, ءبىز ۇلكەن سپورتتىق جانۇيا مۇشەلەرىمىز. ۇلت كوشباسشىسى نۇرسۇلتان ءابىش ۇلى ءوز جولداۋلارىندا مەملەكەتتىك ۇيىمدار الەۋمەتتىك جاۋاپكەرشىلىكتى سەزىنۋى ءتيىس ەكەندىگىن, ال ورتا بۋىن مەن ەلىمىزدىڭ قالتالى ازاماتتارى از قامتىلعان, كوپبالالى وتباسىلارعا قامقورلىق جاساۋى قاجەت ەكەنىن ۇنەمى ايتىپ كەلەدى, ويتكەنى, وتباسى – مەملەكەت تىرەگى. ءبىزدىڭ ەل ارقاشان xالىقتىڭ قورعاۋسىز قاتپارلارىنا قامقورلىق جاساپ, الەۋمەتتىك كومەك كورسەتىپ كەلەدى, بىراق, وكىنىشكە قاراي, بۇل ارقاشان دا جەتكىلىكتى بولا بەرمەيدى. ءبىز مۇقتاجدىعى بارلارعا قولىمىزدان كەلگەنشە كومەك كورسەتۋ ارقىلى مەملەكەتتىڭ الەۋمەتتىك باعىتتاعى جۇمىستارىنا اتسالىسۋعا بەل بۋدىق" - دەيدى «استانا» فۋتبول كلۋبىنىڭ اتقارۋشى ديرەكتورى قايسار بەكەنوۆ.