2016 جىلعى 24 ماۋسىم, استانا قالاسى
«شيكى مۇنايدى جانە (نەمەسە) گاز كوندەنساتىن وڭدەۋگە مۇناي بەرۋشىلەردىڭ قول جەتكىزۋ قاعيداسىن بەكىتۋ تۋرالى» قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 2 اقپانداعى № 51 بۇيرىعىنا وزگەرىستەر ەنگىزۋ تۋرالى
بۇيىرامىن:
1. «شيكى مۇنايدى جانە (نەمەسە) گاز كوندەنساتىن وڭدەۋگە مۇناي بەرۋشىلەردىڭ قول جەتكىزۋ قاعيداسىن بەكىتۋ تۋرالى» قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 2 اقپانداعى № 51 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10389 بولىپ تىركەلگەن, 2015 جىلعى 20 ناۋرىزدا «ادىلەت» اقپاراتتىق-قۇقىقتىق جۇيەدە جاريالانعان) مىناداي وزگەرىستەر ەنگىزىلسىن:
تاقىرىبى مىناداي رەداكتسيادا جازىلسىن:
«شيكى مۇنايدى جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن وڭدەۋگە مۇناي بەرۋشىلەردىڭ كول جەتكىزۋ قاعيداسىن بەكىتۋ تۋرالى»;
1-تارماق مىناداي رەداكتسيادا جازىلسىن:
«1. قوسا بەرىلىپ وتىرعان شيكى مۇنايدى جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن وڭدەۋگە مۇناي بەرۋشىلەردىڭ قول جەتكىزۋ قاعيدالارى بەكىتىلسىن.»;
كورسەتىلگەن بۇيرىقپەن بەكىتىلگەن شيكى مۇنايدى جانە (نەمەسە) گاز كوندەنساتىن وڭدەۋگە مۇناي بەرۋشىلەردىڭ قول جەتكىزۋ قاعيدالارى وسى بۇيرىقتىڭ قوسىمشاسىنا سايكەس جاڭا رەداكتسيادا جازىلسىن.
2. قازاقستان رەسپۋبليكاسى ەنەرگەتيكا مينيسترلىگىنىڭ مۇناي ونەركاسىبىن دامىتۋ دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇن ىشىندە قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى;
3) وسى بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى بەرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ەنەرگەتيكا ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ەنەرگەتيكا ءمينيسترى ق. بوزىمباەۆ
قازاقستان رەسپۋبليكاسى ەنەرگەتيكا ءمينيسترىنىڭ 2016 جىلعى 24 ماۋسىمداعى
№ 270 بۇيرىعىنا قوسىمشا
قازاقستان رەسپۋبليكاسى ەنەرگەتيكا ءمينيسترىنىڭ 2016 جىلعى 24 ماۋسىمداعى №
270 بۇيرىعىمەن بەكىتىلگەن
مۇناي بەرۋشىلەردىڭ شيكى مۇنايدى جانە (نەمەسە) گاز كوندەنساتىن جانە
(نەمەسە) قايتا وڭدەۋ ونىمدەرىن وڭدەۋگە قول جەتكىزۋ قاعيداسى
1-تاراۋ. جالپى ەرەجەلەر
1. وسى مۇناي بەرۋشىلەردىڭ شيكى مۇنايدى جانە (نەمەسە) گاز كوندەنساتىن وڭدەۋگە قول جەتكىزۋ قاعيداسى (بۇدان ءارى - قاعيدا) «مۇناي ونىمدەرىنىڭ جەكەلەگەن تۇرلەرىن ءوندىرۋدى جانە ولاردىڭ اينالىمىن مەملەكەتتىك رەتتەۋ تۋرالى» قازاقستان رەسپۋبليكاسىنىڭ 2011 جىلعى 20 شىلدەدەگى زاڭىنىڭ مۇناي 7-بابىنىڭ 18-تارماعىنا (بۇدان ءارى - زاڭ) سايكەس ازىرلەندى جانە مۇناي بەرۋشىلەردىڭ شيكى مۇنايدى جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن قول جەتكىزۋ ءتارتىبىن بەلگىلەيدى.
2. وسى قاعيدادا مىناداي ۇعىمدار قولدانىلادى:
1) مۇناي بەرۋشى – وسى زاڭدا بەلگىلەنگەن شارتتارمەن وزدەرى وندىرگەن, قازاقستان رەسپۋبليكاسىنىڭ سالىق زاڭناماسىنا سايكەس زاتتاي نىساندا تولەنەتىن سالىقتار رەتىندە قازاقستان رەسپۋبليكاسى العان, يمپورتتالعان نەمەسە جەر قويناۋىن پايدالانۋشىدان تىكەلەي ساتىپ الىنعان شيكى مۇنايدى جانە (نەمەسە) گاز كوندەنساتىن مۇناي ونىمدەرىن وندىرۋشىگە, سونداي-اق قازاقستان رەسپۋبليكاسىنان تىسقارى جەرلەردە ورنالاسقان مۇناي وڭدەۋ زاۋىتتارىنا بەرەتىن جەكە نەمەسە زاڭدى تۇلعا;
2) مۇناي ونىمدەرىن ءوندىرۋشى – مەنشىك قۇقىعىندا جانە (نەمەسە) وزگە دە زاڭدى نەگىزدەردە مۇناي وڭدەۋ زاۋىتى بار جانە ءوندىرىس پاسپورتىنا سايكەس مۇناي ونىمدەرىن ءوندىرۋدى, سونداي-اق وندىرىلگەن مەنشىكتى مۇناي ونىمدەرىن وتكىزۋدى جانە (نەمەسە) الىس-بەرىس شيكىزاتىن قايتا وڭدەۋ ءونىمى بولىپ تابىلاتىن مۇناي ونىمدەرىن بەرۋدى جۇزەگە اسىراتىن زاڭدى تۇلعا;
3) قۋاتى از مۇناي ونىمدەرىن ءوندىرۋشى - جوبالىق قۋاتى جىلىنا سەگىز ءجۇز مىڭ توننادان كەم شيكى مۇنايدى جانە (نەمەسە) گاز كوندەنساتىن وڭدەۋ كولەمىن كوزدەيتىن تەحنولوگيالىق قوندىرعىلاردا مۇناي ونىمدەرىن ءوندىرۋدى جۇزەگە اسىراتىن مۇناي ونىمدەرىن ءوندىرۋشى;
4) وسى قاعيدالاردا پايدالانىلاتىن وزگە دە 2015 جىلعى 29 قازانداعى قازاقستان رەسپۋبليكاسىنىڭ كاسىپكەرلىك كودەكسىنە جانە زاڭعا سايكەس ۇعىمدار قولدانىلادى.
3. مۇناي ونىمدەرىن وندىرۋشىلەر وزدەرىنىڭ ينتەرنەت-رەسۋرستارىندا مۇناي بەرۋشىلەر ءۇشىن شيكى مۇنايدى جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن وڭدەۋ جونىندەگى قىزمەتتەر تىزبەسى, باعالار, الىم ستاۆكالارى, وندىرىلەتىن مۇناي ونىمدەرىنىڭ نومەنكلاتۋراسى تۋرالى, سونداي-اق مۇناي وڭدەۋ ءۇشىن بوس قۋاتىنىڭ بولۋى, شيكى مۇنايدى جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن وڭدەۋ جونىندەگى قىزمەتىنە جۇرگىزۋگە بەرىلگەن وتىنىشتەردى قابىلداۋدىڭ باستالۋى تۋرالى اقپاراتتى ورنالاستىرادى.
2-تاراۋ. مۇناي بەرۋشىلەردىڭ شيكى مۇنايدى جانە (نەمەسە)
گاز كوندەنساتىن وڭدەۋگە قول جەتكىزۋ ءتارتىبى
4. مۇناي ونىمدەرىن ءوندىرۋشىنىڭ قىزمەتتەرىنە قول جەتكىزۋ ءۇشىن مۇناي بەرۋشى مۇناي ونىمدەرىن وندىرۋشىگە تاپسىرىس حاتپەن نەمەسە قولما-قول شيكى مۇنايدى جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن وڭدەۋ جونىندە قىزمەت كورسەتۋگە ءوتىنىش (بۇدان ءارى - ءوتىنىش) بەرەدى. وتىنىشكە وسى قاعيدانىڭ 11-تارماعىندا كورسەتىلگەن تالاپتاردىڭ ساقتالعانىن راستايتىن قۇجاتتار قوسا بەرىلەدى.
5. مۇناي ونىمدەرىن ءوندىرۋشى ءوتىنىش كەلىپ تۇسكەن كەزدە ونى وتىنىشتەردى تىركەۋ جۋرنالىندا تىركەيدى, ول نومىرلەنۋى, تىگىلۋى جانە مۇناي ونىمدەرىن ءوندىرۋشىنىڭ مورىمەن بەكىتىلۋى ءتيىس. وتىنىشتەردى تىركەۋ جۋرنالىندا ءوتىنىشتىڭ كەلىپ تۇسكەن كۇنى مەن ۋاقىتى, سونداي-اق ونىڭ تىركەۋ ءنومىرى جازىلادى. 6. مۇناي بەرۋشى مۇناي ونىمدەرىن ءوندىرۋشى ءوتىنىش كوشىرمەسىنە تىركەۋ ءنومىرى, كۇنى جانە ءوتىنىشتىڭ كەلىپ تۇسكەن ۋاقىتى كورسەتىلگەن ءتيىستى بۇرىشتاما قويادى. 7. مۇناي بەرۋشى مۇناي ءوندىرۋشىنىڭ مۇناي جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن وڭدەۋ جونىندەگى قىزمەتتەرىنەن باس تارتقان جاعدايدا, مۇناي ونىمدەرىن ءوندىرۋشى ءتيىستى قىزمەتتەردى كەزەك بويىنشا كەلەسى تۇرعان جانە ءوتىنىشى تىركەۋ جۋرنالىندا تىركەلگەن مۇناي بەرۋشىگە كورسەتەدى.
8. مۇناي بەرۋشى ءوتىنىش ۇسىنعان كەزدە مۇناي ونىمدەرىن ءوندىرۋشى وعان شيكى مۇنايدى جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن وڭدەۋ جونىندە كورسەتىلەتىن قىزمەتتەر تۋرالى, ولاردىڭ قۇنى, ولاردىڭ وندىرىلەتىن مۇناي ونىمدەرىنىڭ نومەنكلاتۋراسى تۋرالى, ولاردىڭ شيكى مۇنايدى جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن وڭدەۋ جونىندەگى قىزمەتتەرگە قول جەتكىزۋ, ولاردىڭ مۇناي ونىمدەرىن ءوندىرۋشىنىڭ شيكى مۇنايدى جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن وڭدەۋ جونىندەگى وندىرىستىك قۋاتىنىڭ شەكتەلۋى تۋرالى حابارلايدى.
9. زاڭنىڭ 4-بابىنىڭ 1-تارماقشاسىنا سايكەس ءوتىنىشتى قاراعان كەزدە مۇناي ونىمدەرىن ءوندىرۋشى مۇناي بەرۋشىلەردىڭ شيكى مۇنايدى جانە (نەمەسە) گاز كوندەنساتىن وڭدەۋگە قول جەتكىزۋ كەستەسىن ەسكەرەدى. مۇناي ونىمدەرىن ءوندىرۋشىنىڭ بوس قۋاتى بولعان جاعدايدا شيكى مۇنايدى جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن وڭدەۋ جونىندەگى قىزمەتتەر مۇناي بەرۋشىگە ءوتىنىشتى تىركەۋ جۋرنالىندا كورسەتىلگەن كەزەككە سايكەس ۇسىنىلادى.
10. مۇناي بەرۋشىنىڭ شيكى مۇنايدى جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن وڭدەۋ جونىندەگى قىزمەتتەردى الۋعا ارنالعان ءوتىنىشىن مۇناي ونىمدەرىن ءوندىرۋشى مالىمدەلگەن كولەمگە قاراماستان تەڭ جاعدايدا قابىلدايدى.
11. زاڭنىڭ 18-بابىنىڭ 5-تارماعىنا سايكەس مۇناي ونىمدەرىن ءوندىرۋشى بىردەي قول جەتكىزۋ مۇمكىندىگىن, سونىڭ ىشىندە مىناداي تالاپتار ساقتالعان جاعدايدا:
1) مۇناي بەرۋشىدە ساتىپ الىناتىن (قابىلداناتىن) شيكى مۇنايدىڭ جانە (نەمەسە) گاز كوندەنساتىنىڭ جانە (نەمەسە) قايتا وڭدەۋ ونىمدەرىنىڭ شىعارىلعان جەرىن راستايتىن قۇجاتتىڭ بولۋى;
2) مۇناي بەرۋشىدە بەرىلەتىن شيكى مۇنايدىڭ جانە (نەمەسە) گاز كوندەنساتىنىڭ جانە (نەمەسە) قايتا وڭدەۋ ونىمدەرىنىڭ ساپاسىن راستايتىن قۇجاتتىڭ (ساپا پاسپورتىنىڭ) بولۋى ءتيىس.
12. مۇناي بەرۋشىنىڭ شيكى مۇنايدى جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن وڭدەۋ جونىندەگى قىزمەتتەردى الۋعا ارنالعان ءوتىنىشىن مۇناي ونىمدەرىن ءوندىرۋشى وتىنىشتەردى تىركەۋ جۋرنالىندا تىركەلگەن ساتتەن باستاپ بەس جۇمىس كۇنى ىشىندە قارايدى. مۇناي بەرۋشىنىڭ ءوتىنىشىن قاراۋ ناتيجەسى تۋرالى مۇناي ونىمدەرىن ءوندىرۋشى وعان جازباشا نىساندا حابارلايدى.
13. شيكى مۇنايدى جانە (نەمەسە) گاز كوندەنساتىن وڭدەۋگە العان كەزدە كۇنتىزبەلىك ون كۇننىڭ ىشىندە مۇناي ونىمدەرىن ءوندىرۋشى اككرەديتتەلگەن تاۋەلسىز زەرتحانادا تەكسەرۋدى جۇزەگە اسىرۋعا جانە ساپا كورسەتكىشتەرى بۇرىن مالىمدەگەندەرگە سايكەس كەلگەن كەزدە كۇنتىزبەلىك ون كۇننىڭ ىشىندە شيكى مۇنايدى جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن وڭدەۋدەن باس تارتۋعا بولادى.
14. مۇددەلى تۇلعانىڭ وتىنىمدەردى قاناعاتتاندىرۋدان باس تارتۋعا نەگىز بولىپ ونىڭ وسى ەرەجەنىڭ 11-تارماعىندا ءوتىنىش بەرۋشىنىڭ قويىلاتىن تالاپتارىنا سايكەس كەلمەۋى بولىپ تابىلادى.
15. مۇناي ونىمدەرىن ءوندىرۋشى تاراپىنان كۇنتىزبەلىك ون كۇننىڭ ىشىندە شيكى مۇنايدى جانە (نەمەسە) گاز كوندەنساتىن جانە (نەمەسە) قايتا وڭدەۋ ونىمدەرىن وڭدەۋ جونىندە قىزمەتتەر كورسەتۋدەن باس تارتۋ مۇنداي باە تارتۋ سەبەپتەرىن نەگىزدەي وتىرىپ, جازباشا نىساندا بەرىلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 25 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13980 بولىپ ەنگىزىلدى.