ادەبيەت بويىنشا 2016 جىلعى نوبەل سىيلىعىنىڭ لاۋرەاتى ناگرادا تاپسىرىلاتىن شۆەتسياعا بارۋدان باس تارتتى. "ينتەرفاكستىڭ" حابارلاۋىنشا, امەريكاندىق اقىن جانە كومپوزيتور بوب ديلان بۇل جايلى شۆەدتىك اكادەمياعا حات جازعان.
بوب ديلاننىڭ سوزىنە قاراعاندا, ول جەلتوقساندا سىيلىق تاپسىرىلۋى ءتيىس سالتاناتتى شاراعا قاتىسا المايدى. بۇدان بۇرىن 75 جاستاعى مۋزىكانت اتالمىش ماراپاتقا ريزا ەكەندىگىن جانە مۇمكىندىك بولسا ءوز قولىمەن العىسى كەلەتىندىگىن ءمالىم ەتكەن ەدى.
ديلاننىڭ شىن اتى - روبەرت اللەن تسيممەرمان. ول 1941 جىلى امەريكاندىق ميننەسوتا شتاتىندا دۇنيەگە كەلگەن. ديلان روك مۋزىكاداعى ءىرى تۇلعا بولىپ ەسەپتەلەدى. ونىڭ ەڭ تانىمال ءانى - Like a Rolling Stone.