قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆانىڭ تورايىمدىعىمەن قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك ناگرادالار جونىندەگى كوميسسيانىڭ وتىرىسى ءوتتى
جيىن بارىسىندا مەملەكەتتىك ورگاندار مەن قوعامدىق بىرلەستىكتەردىڭ قازاقستان رەسپۋبليكاسىنىڭ مەملەكەتتىك ناگرادالارىمەن ماراپاتتاۋ جونىندەگى ۇسىنىستارى تالقىلاندى.
قازاقستان رەسپۋبليكاسى پرەزيدەنتى جانىنداعى كونسۋلتاتيۆتىك-كەڭەسشىلىك ورگان بولىپ تابىلاتىن كوميسسيا قازاقستان رەسپۋبليكاسىنىڭ مەملەكەتتىك ناگرادالارىن بەلگىلەۋ جانە جويۋ جونىندەگى ۇسىنىستاردى, ناگرادا ماسەلەلەرى جونىندەگى زاڭدار جوبالارى مەن باسقا دا نورماتيۆتىك قۇقىقتىق اكتىلەردى, مەملەكەتتىك ناگرادالارمەن ماراپاتتاۋ تۋرالى ۇسىنىمداردى قاراستىرادى.
كوميسسيا مۇشەلەرى وتىرىس قورىتىندىسى بويىنشا ماراپاتتاۋ ءۇشىن مەملەكەت باسشىسىنىڭ قاراۋىنا ۇسىنىلاتىن كانديداتتاردى انىقتادى.
مەملەكەتتىك ناگرادالاردى تاپسىرۋ ءداستۇر بويىنشا تاۋەلسىزدىك كۇنى قارساڭىندا وتكىزىلەدى.