پرەمەر-ءمينيستردىڭ ورىنباسارى – اۋىل شارۋاشىلىعى ءمينيسترى اسقار مىرزاحمەتوۆ يتاليانىڭ Inalca Eurasia كومپانياسىنىڭ وكىلدەرىمەن كەزدەستى, دەپ حابارلادى ۇكىمەت باسشىسىنىڭ ءباسپاسوز قىزمەتى.
قازىرگى تاڭدا 5 ينستيتۋتتىق رەفورمانى جۇزەگە اسىرۋ جونىندەگى 100 ناقتى قادامنىڭ 61-قادامىنا سايكەس, «ەت ءوندىرىسى مەن وڭدەۋدى دامىتۋ ءۇشىن ستراتەگيالىق ينۆەستورلاردى تارتۋ» بويىنشا مينيسترلىك پەن Inalca Eurasia كومپانياسى ء(سremonىni Group اتىنان) اراسىندا الماتى وبلىسىندا ەت كلاستەرىن قۇرۋ ينۆەستيتسيالىق جوباسىن دامىتۋ ماسەلەلەرىن شەشۋدە بىرقاتار جۇمىس اتقارىلۋدا.
مال بورداقىلاۋ الاڭدارىنىڭ قۋاتتىلىعى 10 000-نان 20 000-عا دەيىن مال باسىن قامتىپ, ەت كومبيناتىندا مال سويۋ كورسەتكىشى اپتاسىنا 1500-2000 باستى قۇرايتىن بولادى.
اعىمداعى جىلدىڭ قاڭتار ايىندا Inalca Eurasia كومپانياسى ەلىمىزدىڭ مال شارۋاشىلىعى سالاسىنداعى ءىرى كاسىپورىنداردىڭ ءبىرى – اقتوبە وبلىسىنداعى «اكتەپ» جشس-مەن مەموراندۋمعا قول قويدى.
وسى كەلىسىم اياسىندا اقتوبە, قوستاناي, باتىس قازاقستان وبلىستارىندا جالپى قۋاتتىلىعى ءبىر مەزگىلدە 44 مىڭ باس مالدى قامتي الاتىن بورداقىلاۋ الاڭدارىن سالۋ ءۇشىن تىگىنەن ينتەگراتسيالانعان كومپانيا قۇرۋ, سونىمەن قاتار ەت كومبيناتىنىڭ قۋاتىن 20 مىڭ توننا ەت جانە ەت ونىمدەرىنە دەيىنگى شەككە ۇلعايتا وتىرىپ جاڭعىرتۋ جۇمىستارىن جۇرگىزۋ قاراستىرىلعان.