2006
* 28 تامىزدا جاپونيانىڭ پرەمەر-ءمينيسترى د.كويدزۋمي ەكى كۇندىك رەسمي ساپارمەن قازاقستاندا بولدى. ەلباسى نۇرسۇلتان نازارباەۆ پەن د.كويدزۋميدىڭ قاتىسۋىمەن كەڭەيتىلگەن قۇرامدا ەكىجاقتى كەلىسسوزدەر ءوتتى. سونىڭ ناتيجەسىندە قازاقستان مەن جاپونيا اراسىنداعى دوستىقتى جانە ىنتىماقتاستىقتى ءارى قاراي دامىتۋعا ارنالعان بىرلەسكەن مالىمدەمەگە, سونداي-اق, ەكى ەل ۇكىمەتتەرى اراسىنداعى اتوم ەنەرگياسىن بەيبىت ماقساتتا پايدالانۋ سالاسىنداعى ىنتىماقتاستىقتى ىلگەرىلەتۋ تۋرالى مەموراندۋمعا قول قويىلدى. بۇل تۋرالى «ەگەمەن قازاقستان» گازەتىنىڭ 29 تامىزداعى نومىرىندە «قازاقستا ‑ جاپونيا ىنتىماقتاستىعى جاڭا ساپالىق دەڭگەيگە كوتەرىلەدى» تاقىرىبىمەن ماقالا جاريالاندى.
* 1 قىركۇيەكتە استانادا ورتالىق ازيا مەملەكەتتەرى باسشىلارىنىڭ بەيرەسمي ءسامميتى ءوتىپ, وندا وڭىرلىك ىنتىماقتاستىقتىڭ ماڭىزدى ماسەلەلەرى تالقىلاندى. وسى كۇنى ەلوردادا بەيبىتشىلىك جانە كەلىسىم سارايىنىڭ اشىلۋ ءراسىمى ءوتتى. سالتاناتتى جيىنعا ەلباسى نۇرسۇلتان نازارباەۆ جانە قازاقستانعا ساپارمەن كەلگەن وزبەكستان, قىرعىزستان, تاجىكستان رەسپۋبليكالارىنىڭ پرەزيدەنتتەرى ي.كاريموۆ, ق.باكيەۆ, ە.راحمونوۆ قاتىستى.
* 4 قىركۇيەكتە وزبەكستان پرەزيدەنتى ي.كاريموۆتىڭ قازاقستاندا مەملەكەتتىك ساپارى ءوتتى. ساپار قورىتىندىسى بويىنشا 9 ەكىجاقتى قۇجاتقا قول قويىلدى.
* 12-13 قىركۇيەك كۇندەرى پرەزيدەنت ن.ءا.نازارباەۆتىڭ توراعالىعىمەن استانادا الەمدىك جانە ءداستۇرلى دىندەر كوشباسشىلارىنىڭ II سەزى ءوتتى. «ءدىن, قوعام جانە حالىقارالىق قاۋىپسىزدىك» تاقىرىبىنا ارنالعان سەزدە ەلباسى ءسوز سويلەدى.
* 26-29 قىركۇيەك ارالىعىندا پرەزيدەنت ن.ءا.نازارباەۆتىڭ اقش-قا رەسمي ساپارى ءوتتى. ساپار شەڭبەرىندە ەلباسى اقش پرەزيدەنتى دجوردج بۋشپەن, اقش كونگرەسى پالاتالارىنىڭ وكىلدەرىمەن, باستى مينيسترلىكتەر مەن ۆەدومستۆولاردىڭ, ءىرى ەنەرگەتيكالىق كومپانيالاردىڭ باسشىلارىمەن, كورنەكتى قوعام جانە ءدىني قايراتكەرلەرىمەن كەزدەسۋلەر وتكىزدى. نۇرسۇلتان نازارباەۆ پەن دجوردج بۋشتىڭ كەزدەسۋىندە قازاقستان – اقش قارىم-قاتىناستارىن ودان ءارى دامىتۋدىڭ باسىمدىقتارىن ايقىنداپ, حالىقارالىق ساياساتتىڭ وزەكتى ماسەلەلەرى تالقىلاندى.
* 3 قازاندا ورال قالاسىندا قازاقستان مەن رەسەي پرەزيدەنتتەرى نۇرسۇلتان نازارباەۆ پەن ۆلاديمير ءپۋتيننىڭ قاتىسۋىمەن ەكى ەلدىڭ شەكارالاس ايماقتارىنىڭ فورۋمى ءوتتى. ونىڭ بارىسىندا ەكى جاق شەكارادا كولىك وتكىزەتىن بەكەتتەردى بىرلەسە سالۋ تۋرالى كەلىسىم, شەكارالاس ايماق تۇرعىندارىنىڭ ءارى-بەرى قاتىناسىن جەڭىلدەتۋ تۋرالى كەلىسىم جانە تاعى بىرقاتار قۇجاتتارعا قول قويىلدى.
* 4 قازاندا بريۋسسەل قالاسىندا سىرتقى ىستەر ءمينيسترى ق.توقاەۆ ناتو باس حاتشىسى يا.دە حووپ سحەففەرمەن كەزدەستى. سۇحبات بارىسىندا تاراپتار جوعارى ساياسي دەڭگەيدەگى ءۇنقاتىسۋدىڭ ودان ءارى دامۋىنىڭ ءجانە قورعانىس پەن قاۋىپسىزدىك سالاسىنداعى ىنتىماقتاستىقتىڭ نىعايۋىنىڭ ماڭىزدىلىعىن اتاپ ءوتتى.
* 3 قاراشادا قازاقستان پرەزيدەنتى ن.ءا.نازارباەۆ جۇمىس ساپارىمەن وزبەكستان رەسپۋبليكاسىندا بولىپ, پرەزيدەنت ي.كاريموۆپەن كەزدەستى. تاشكەنتتە ەكى مەملەكەت باسشىلارىنىڭ باستاماشىلىعىمەن مەملەكەتارالىق ۇيلەستىرۋ كەڭەسىنىڭ العاشقى وتىرىسى بولىپ ءوتتى.
* 6 قاراشادا ارمەنيا رەسپۋبليكاسىنىڭ پرەزيدەنتى روبەرت كوچاريان رەسمي ساپارمەن قازاقستانعا كەلدى. ەلباسى نۇرسۇلتان نازارباەۆ پەن روبەرت كوچاريان ەكى ەلدىڭ ىنتىماقتاستىعىن ودان ءارى دامىتۋ ماسەلەلەرىن تالقىلادى. ساپار شەڭبەرىندە ەكونوميكالىق جانە كونسۋلدىق سالالارداعى قۇجاتتارعا قول قويىلدى, سونىمەن قاتار, قازاقستان مەن ارمەنيانىڭ ىسكەر توپتارى وكىلدەرىنىڭ قاتىسۋىمەن بيزنەس-فورۋم وتكىزىلدى.
* 7-8 قاراشا كۇندەرى مىسىر پرەزيدەنتى مۇحامماد حوسني مۇباراكتىڭ قازاقستانعا رەسمي ساپارى بولىپ ءوتتى. شاعىن جانە كەڭەيتىلگەن قۇرامداعى كەلىسسوزدەر كەزىندە مەملەكەتتەر باسشىلارى ساۋدا-ەكونوميكالىق, مادەني-گۋمانيتارلىق سالالاردا ەكىجاقتى ىنتىماقتاستىقتى دامىتۋ مۇمكىندىكتەرىن, سونداي-اق, وزەكتى حالىقارالىق ماسەلەلەردى, سونىڭ ىشىندە تاياۋ شىعىس پەن ورتالىق ازياداعى احۋالدى تالقىلادى.
* 17 قاراشادا پرەزيدەنت نۇرسۇلتان نازارباەۆ انتاليا قالاسىندا (تۇركيا) وتكەن تۇركىتىلدەس مەملەكەتتەر باسشىلارىنىڭ VIII سامميتىنە قاتىستى. سامميت بارىسىندا «انتاليا دەكلاراتسياسىنا» قول قويىلدى. بۇل تۋرالى «ەگەمەن قازاقستان» گازەتىنىڭ 18 قاراشا كۇنگى نومىرىندە «تۇگەل بول, تۇركىتىلدەس تۋىستار!» تاقىرىبىمەن ماقالا جاريالاندى.
* 20-22 قاراشا ارالىعىندا پرەزيدەنت نۇرسۇلتان نازارباەۆتىڭ ۇلىبريتانيادا رەسمي ساپارى ءوتتى. ساپار بارىسىندا ەلباسى ۇلىبريتانيا جانە سولتۇستىك يرلانديا بىرىككەن كورولدىگىنىڭ كورولەۆاسى II ەليزاۆەتامەن, پرەمەر-مينيستر توني بلەرمەن جانە بريتانيانىڭ ساياسي جانە ىسكەر توپتارىنىڭ تانىمال وكىلدەرىمەن كەزدەسۋلەر وتكىزدى.
* 28 قاراشادا پرەزيدەنت نۇرسۇلتان نازارباەۆ مينسكىدە وتكەن تاۋەلسىز مەملەكەتتەر دوستاستىعىنا قاتىسۋشى مەملەكەتتەر باسشىلارى كەڭەسىنىڭ ماجىلىسىنە قاتىستى.
* 30 قاراشادا پرەزيدەنت نۇرسۇلتان نازارباەۆ يوردانيا حاشيميت كورولدىگىنە رەسمي ساپارمەن باردى. ساپار بارىسىندا ن.ءا.نازارباەۆ يوردانيا كورولى ءىى ابداللامەن كەزدەستى. قازاقستان مەن يوردانيا باسشىلارى شاعىن جانە كەڭەيتىلگەن قۇرامداعى كەلىسسوزدەر وتكىزىپ, ەكىجاقتى قارىم-قاتىناستاردىڭ كەشەندى ماسەلەلەرىن, قازاقستان مەن يوردانيا اراسىنداعى ىنتىماقتاستىق پەن ءوزارا ءىس-قيمىلدى جانداندىرۋدىڭ جولدارىن تالقىلادى. سونداي-اق, تاراپتار بىرقاتار وزەكتى وڭىرلىك جانە حالىقارالىق ماسەلەلەر بويىنشا پىكىر الماستى.
* 4 جەلتوقساندا ەلباسى نۇرسۇلتان نازارباەۆ بەلگيا كورولدىگىنىڭ استاناسى بريۋسسەلدە جۇمىس ساپارىمەن بولىپ, ەۋروپالىق وداق جانە ناتو باسشىلارىمەن كەزدەستى.
* 15 جەلتوقساندا بەيبىتشىلىك جانە كەلىسىم سارايىندا قازاقستان رەسپۋبليكاسى تاۋەلسىزدىگىنىڭ 15 جىلدىعىنا ارنالعان سالتاناتتى جيىن ءوتتى. وندا پرەزيدەنت نۇرسۇلتان نازارباەۆ «قازاقستاندىق جول: تۇراقتىلىقتان – جاڭارۋ ارقىلى وركەندەۋگە» تاقىرىبىندا بايانداما جاسادى.
* 19 جەلتوقساندا ەلباسى نۇرسۇلتان نازارباەۆ قىتاي حالىق رەسپۋبليكاسىنا مەملەكەتتىك ساپارمەن باردى. ساپار اياسىندا مەملەكەت باسشىسى قحر توراعاسى حۋ تسزينتاومەن كەزدەسىپ, تاراپتار ەكىجاقتى ىنتىماقتاستىقتى ودان ءارى تەرەڭدەتۋگە نەگىز قالايتىن بىرقاتار قۇجاتتارعا قول قويدى.