شاحماتتان بىرنەشە دۇركىن الەم چەمپيونى جانسايا ابدىمالىكتىڭ الماتىداعى شاحمات اكادەمياسىندا «قازاق گازەتتەرى» جاۋاپكەرشىلىگى شەكتەۋلى سەرىكتەستىگىنە قاراستى «اقيقات» جۋرنالىنىڭ جۇلدەسى ءۇشىن جۋرناليستەر اراسىندا ۇيىمداستىرىلعان شاxمات ءتۋرنيرى بيىل ءتورتىنشى رەت وتكىزىلدى.
ءتۋرنيردىڭ اشىلۋ سالتاناتىندا ءسوز سويلەگەن «قازاق گازەتتەرى» جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى, رەداكتورلار كەڭەسىنىڭ توراعاسى جۇمابەك كەنجالين جارىسقا قاتىسۋشىلارعا ساتتىلىك ءتىلەي وتىرىپ, وسى ءبىر اسا جوعارى دەڭگەيدەگى ينتەللەكتۋالدىق ويىندى قولداۋعا ىنتالى كاسىپورىندار مەن ازاماتتاردىڭ قاتارى كوبەيۋىنە تىلەكتەستىك ءبىلدىردى. بۇدان كەيىن اتالعان اكادەميا ديرەكتورىنىڭ ورىنباسارى, جانسايانىڭ اناسى الما ءاشىروۆا, «اقيقات» جۋرنالىنىڭ باس رەداكتورى, اقىن امانحان ءالىم ءسوز سويلەدى.
جارىس قورىتىندىسىندا ءبىرىنشى ورىندى «ۇيعىر اۆازي» گازەتىنىڭ مەنشىكتى ءتىلشىسى ارسيلان الاحۋنوۆ جەڭىپ الدى. ەكىنشى ورىنعا جۋرناليست اسقار بەكوۆ كوتەرىلسە, ءۇشىنشى ورىندى قازاق راديوسىنىڭ قىزمەتكەرى امانگەلدى جولامانوۆ پەن «انا ءتىلى» گازەتىنىڭ ءبولىم رەداكتورى نۇرلان قۇمار مەن قازاقستان ۇلتتىق ارناسىنىڭ قىزمەتكەرى تالعات ەرۋباەۆ ءوزارا ءبولىستى. ال «ارىس» باسپاسىنىڭ قىزمەتكەرى ماقسوت ءىزىم ۇلى, «ەكونوميكا» گازەتى رەداكتورىنىڭ ورىنباسارى امانگەلدى شوپان, ارداگەر جۋرناليستەر ايان نىسانالين مەن ماماديار جاقىپ ارنايى ءجۇلدەگە يە بولىپ, العىس حاتتارمەن ماراپاتتالدى.
راۋان قايدار,
«ەگەمەن قازاقستان»