پرەزيدەنتتىكتەن ۇمىتكەرلەردى تىركەۋ باستالعاندا, ءبىزدىڭ قكحپ دا ءوزىنىڭ بەلسەندى ءبىر مۇشەسىن ساياسات دوداسىنا قوسۋدى دۇرىس دەپ تاپتى. ۇمىتكەرىمىز اقمولا وبلىسىنىڭ قورعالجىن اۋدانىنداعى جانتەكە اتتى شالعاي ەلدى مەكەندە ون ءبىر بالا تۋىپ, ءتاربيەلەپ وسىرگەن ارداقتى اتا-انانىڭ شاڭىراعىندا ءدۇنيەگە كەلىپتى. دەمەك, بىرلىك پەن تىرلىكتىڭ, قيىندىق پەن جەڭىستىڭ نە ەكەنىن كىتاپتان ەمەس, ءومىردىڭ ءوزى ارقىلى ءبىلىپ وسكەن ازامات دەپ سەنەمىز وعان.
شىنىندا, ون ەكى جاسىندا قارا جۇمىسقا جەگىلىپ, ون بەس جاسىندا تراكتور تىزگىنىن ۇستاۋ قاي جاسوسپىرىمگە دە وڭاي ەمەس. بىراق ونىڭ جاستىق جىگەرى قيىندىقتان مۇقالماپتى. جيىرما ءتورت جاسىندا قىزىلساي اۋىلدىق وكرۋگىندە دەپۋتات بولعان ول ءوزىنىڭ ەل ءۇشىن تۋعان ەر ەكەنىن ءتۇرلى لاۋازىمدى قىزمەتتەرگە قول جەتكىزۋ ارقىلى ودان ارى دالەلدەي تۇسكەن. ءسويتىپ, اق-قارانى ايىرا بىلەتىن ءادىل, قاراپايىم حالىق جاعىندا ءجۇرەتىن قايىرىمدى ازامات رەتىندە اۋىل, اۋدان جانە وبلىس جاناشىرىنا اينالعان. ال سىبايلاس جەمقورلىق پەن پايداكۇنەمدىك پيعىلىنا قارسى تۇرۋ نيەتى ونى قكحپ مۇشەلىگىنە الىپ كەلگەن.
قكحپ جامبىل وبلىستىق كوميتەتىنىڭ 6 مىڭعا جۋىق ءمۇشەسى بار بولسا, سونىڭ بارلىعى ءوز ءۇمىتكەرىن قولدايتىنى بەلگىلى. باسقا سايلاۋشىلاردان دا ءۇمىتتىمىز. ول ءۇشىن ءبىز بۇگىندە سايلاۋالدى شتاب قۇرىپ, ۇمىتكەرىمىزدى قولداۋعا بايلانىستى ۇگىت-ناسيحات جۇمىستارىنىڭ جوسپارىن جاسادىق. جوسپار بويىنشا, سايلاۋشىلاردى «قالالىقتار» جانە «دالالىقتار» دەپ بولمەي, ۇگىت-ناسيحات جۇمىستارىن ەل تۇرعىندارى اراسىندا بىردەي جۇرگىزۋگە ءمان بەرمەكپىز.
ال پرەزيدەنتتىكتەن ۇمىتكەرلەر اراسىنان كىمدى تاڭداپ, كىمگە داۋىس بەرەدى, ول – حالىق قالاۋىندا. وعان ەشكىم قول سۇعا المايدى.
ءابدىراحمان ماماشەۆ, قكحپ جامبىل وبلىستىق كوميتەتىنىڭ ءبىرىنشى حاتشىسى.
تاراز.