قازاقستان رەسپۋبليكاسى قارجى مينيسترلىگىنىڭ بۇيرىعى №649

2010 جىلعى 24 جەلتوقسان №649 استانا قالاسى «ترانسفەرتتىك باعا بەلگىلەۋدى قولدانۋ بويىنشا كەلىسىم جاساسۋ ەرەجەسىن بەكىتۋ تۋرالى» قازاقستان رەسپۋبليكاسى قارجى ءمينيسترىنىڭ 2009 جىلعى 12 اقپانداعى № 63 بۇيرىعىنا وزگەرىستەر مەن تولىقتىرۋلار ەنگىزۋ تۋرالى بۇيىرامىن: 1. «ترانسفەرتتىك باعا بەلگىلەۋدى قولدانۋ بويىنشا كەلىسىم جاساسۋ ەرەجەلەرىن بەكىتۋ تۋرالى» قازاقستان رەسپۋبليكاسى قارجى ءمينيسترىنىڭ 2009 جىلعى 12 اقپانداعى №63 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2009 جىلعى 10 ناۋرىزدا №5584 بولىپ تىركەلگەن, «زاڭ گازەتى» گازەتىندە 2009 جىلعى 3 ساۋىردەگى №49 (1472) جاريالانعان) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن بۇيرىقپەن بەكىتىلگەن ترانسفەرتتىك باعا بەلگىلەۋدى قولدانۋ بويىنشا كەلىسىم جاساسۋ ەرەجەنسىندە (بۇدان ءارى – ەرەجە): 1-تارماق مىناداي رەداكتسيادا جازىلسىن: «1. وسى ترانسفەرتتىك باعا بەلگىلەۋدى قولدانۋ بويىنشا كەلىسىم جاساسۋ ەرەجەسىندە (بۇدان ءارى – ەرەجە) «ترانسفەرتتىك باعا بەلگىلەۋ تۋرالى» 2008 جىلعى 5 شىلدەدەگى قازاقستان رەسپۋبليكاسىنىڭ زاڭىنا (بۇدان ءارى – زاڭ) سايكەس ازىرلەنگەن, ول ۋاكىلەتتى ورگاندار – قازاقستان رەسپۋبليكاسى قارجى مينيسترلىگىنىڭ سالىق كوميتەتى (بۇدان ءارى – سالىق كوميتەتى), قازاقستان رەسپۋبليكاسى قارجى مينيسترلىگىنىڭ كەدەندىك باقىلاۋ كوميتەتى (بۇدان ءارى - كەدەندىك باقىلاۋ كوميتەتى) مەن مامىلەگە قاتىسۋشى اراسىندا ترانسفەرتتىك باعا بەلگىلەۋدى قولدانۋ بويىنشا كەلىسىم (بۇدان ءارى – كەلىسىم) جاساسۋ ءتارتىبىن ايقىندايدى.»; 3-تارماعىندا: 3-تارماقتىڭ ءبىرىنشى ابزاتسى مىناداي رەداكتسيادا جازىلسىن: «3. مامىلەگە قاتىسۋشى سالىق كوميتەتىنە تومەندەگىلەردى قامتيتىن كەلىسىم جاساسۋ ءۇشىن قاجەتتى نوتاريالدى كۋالاندىرىلعان كوشىرمەلەرى قوسا بەرىلەتىن كەلىسىم جاساسۋعا ءوتىنىشتى تابىس ەتەدى:»; 2), 3) تارماقشالار الىپ تاستالسىن; 6) تارماقشادا «تاۋارلاردى وتكىزۋ جانە ساتىپ الۋ بويىنشا» دەگەن سوزدەر «تاۋارلاردى وتكىزۋگە جانە ساتىپ الۋعا» دەگەن سوزدەرمەن اۋىستىرىلسىن; 7) تارماقشادا «جەر قويناۋىن پايدالانۋعا ارنالعان» دەگەن سوزدەردىڭ الدىنان «قازاقستان رەسپۋبليكاسىنىڭ قۇزىرەتتى ورگانىمەن جاسالعان» دەگەن سوزدەرمەن تولىقتىرىلسىن; 10) تارماقشادا «باعا بەلگىلەۋگە» دەگەن سوزدەر الىپ تاستالسىن; 4-تارماق مىناداي رەداكتسيادا جازىلسىن: «4. تاۋارلاردى (جۇمىستاردى, قىزمەت كورسەتۋلەردى) ءوزارا بايلانىستى كومپانيالارعا وتكىزگەن (ساتىپ العان) جاعدايدا كەلىسىم جاساساتىن مامىلەگە قاتىسۋشى سونىمەن قاتار ءوزارا بايلانىستى كومپانيالارعا وسى تاۋارلاردى (جۇمىستاردى, قىزمەت كورسەتۋلەردى) وتكىزۋمەن (ساتىپ الۋمەن) بايلانىستى قۇجاتتاردى دا تاپسىرادى.»; 5-تارماق مىناداي رەداكتسيادا جازىلسىن: «5. مامىلەگە قاتىسۋشىنىڭ كەلىسىم جاساسۋعا ءوتىنىشىن ۋاكىلەتتى ورگاندار مامىلەگە قاتىسۋشىدان اتالعان ءوتىنىشتى العان كۇننەن باستاپ كۇنتىزبەلىك توقسان كۇن ىشىندە مىناداي تارتىپتە قارايدى: سالىق كوميتەتى مامىلەگە قاتىسۋشىنىڭ ءوتىنىشىن قوسىپ كەلىسىم جوباسىن كەلىسۋگە كەدەندىك باقىلاۋ كوميتەتىنە جىبەرەدى; كەدەندىك باقىلاۋ كوميتەتى سالىق كوميتەتىنە كەلىسىم جوباسىنا ۇسىنىستاردى ون بەس جۇمىس كۇنى ىشىندە بەرەدى; ۋاكىلەتتى ورگاندار وڭ شەشىم قابىلداعان جاعدايدا شەشىم قابىلداعان كۇننەن باستاپ ون جۇمىس كۇنى ىشىندە سالىق كوميتەتى مامىلەگە قاتىسۋشىعا قول قويىلعان كۇنىنەن باستاپ ءۇش جىلدان اسپايتىن مەرزىم ىشىندە قولدانىلاتىن قول قويىلعان كەلىسىمدى جولدايدى; مامىلەگە قاتىسۋشى قول قويىلعان كەلىسىمدى قول قويىلعان كۇنىنەن باستاپ ون جۇمىس كۇنى ىشىندە ۋاكىلەتتى ورگاندارعا جىبەرەدى. كەلىسىم جاساسۋدان باس تارتۋ تۋرالى شەشىم قابىلدانعان جاعدايدا سالىق كوميتەتى مامىلەگە قاتىسۋشىنىڭ كەلىسىم جاساسۋعا ءوتىنىشىن قاراۋ ناتيجەلەرى بويىنشا شەشىم قابىلدانعان كۇننەن باستاپ بەس جۇمىس كۇنى ىشىندە كەدەندىك باقىلاۋ كوميتەتىنىڭ ۇسىنىستارىن ەسكەرە وتىرىپ, كەلىسىم جاساسۋدان باس تارتۋدىڭ سەبەپتەرىمەن مامىلەگە قاتىسۋشىعا جازباشا جاۋاپ جىبەرەدى.»; 6-تارماق مىناداي رەداكتسيادا جازىلسىن: «6. ۋاكىلەتتى ورگاندار مامىلەگە قاتىسۋشىعا مىناداي جاعدايلاردا كەلىسىم جاساسۋدان باس تارتادى: 1) كەلىسىم جاساسۋ ءۇشىن قاجەت جانە وسى ەرەجەدە كوزدەلگەن قۇجاتتاردىڭ تولىق تىزبەسىن تاپسىرماعان كەزدە; 2) زاڭنىڭ 18-بابىندا بەلگىلەنگەن كەزەكتىلىك ەسكەرىلە وتىرىپ, نارىقتىق باعانى ايقىنداۋ ءۇشىن قولدانىلاتىن جانە مامىلەگە قاتىسۋشىنىڭ كەلىسىم جاساسۋعا وتىنىشىندە كوزدەلمەگەن وزگە اقپارات كوزدەرىن قولدانۋ مۇمكىندىگى بولعاندا; 3) مامىلەگە قاتىسۋشىنىڭ كەلىسىم جاساسۋعا وتىنىشىندە كوزدەلمەگەن جانە زاڭنىڭ 12-بابىندا بەلگىلەنگەن كەزەكتىلىك ەسكەرىلە وتىرىپ, نارىقتىق باعانى انىقتاۋ ءۇشىن وزگە ادىستەردى قولدانۋ مۇمكىندىگى بولعاندا.»; 7-تارماق مىناداي رەداكتسيادا جازىلسىن: «7. ۋاكىلەتتى ورگاندار باسقا مەملەكەتتەردىڭ مەملەكەتتىك ورگاندارىنان جانە ۋاكىلەتتى ورگاندارىنان كەلىسىم جاساسۋعا قاتىسى بار قۇجاتتارعا (اقپاراتقا) سۇراۋ سالدىرادى. سۇراۋ سالۋلار جىبەرۋ ۋاكىلەتتى ورگانداردىڭ مامىلەگە قاتىسۋشىنىڭ كەلىسىم جاساسۋعا ءوتىنىشىن قاراۋ مەرزىمىن سۇراۋ سالىنعان قۇجاتتار (اقپاراتتار) الىنعانعا دەيىن, بىراق وتىز كۇنتىزبەلىك كۇننەن اسپايتىن ۋاقىتقا توقتاتا تۇرادى. ۋاكىلەتتى ورگاندار مامىلەگە قاتىسۋشىنىڭ كەلىسىم جاساسۋعا ءوتىنىشىن قاراۋ مەرزىمىنىڭ سۇراۋ سالىنعان قۇجاتتار (اقپاراتتار) الىنعانعا دەيىن توقتاتىلعانى تۋرالى مامىلەگە قاتىسۋشىنى حابارلاندىرادى.»; 8-تارماق الىپ تاستالسىن; 9-تارماقتا ء«بىر ايدان» دەگەن ءسوز «شەشىم قابىلدانعان كۇننەن باستاپ ون بەس كۇنتىزبەلىك كۇننەن» دەگەن سوزدەرمەن اۋىستىرىلسىن; 11-تارماق الىپ تاستالسىن. 2. قازاقستان رەسپۋبليكاسى قارجى مينيسترلىگىنىڭ سالىق كوميتەتى (د.ە.ەرعوجين) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋدى جانە ونىڭ كەيىننەن بۇقارالىق اقپارات قۇرالدارىندا جاريالانۋدى قامتاماسىز ەتسىن. 3. وسى بۇيرىق العاش رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى. ءمينيستردىڭ م.ا. ب.شولپانقۇلوۆ. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 25 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6749 بولىپ ەنگىزىلدى.