جاڭا جىلدان باستاپ ازىق-ءتۇلىك, ءسۇت ونىمدەرىنىڭ باعاسى اسپانداپ كەتكەنى بەلگىلى. قازىر قالالىق اكىمدىكتىڭ باسشىلارى باعا ساياساتىن دۇرىستاۋ باعىتىندا جۇمىستار ءجۇرگىزە باستادى. اتاپ ايتقاندا, كۇنباعىس مايىن رەتسىز قىمباتتاتىپ جىبەرگەن بىرنەشە كاسىپورىن باسشىلارىنا ايىپپۇل سالىندى. بازارلارداعى باعالار دا رەتكە كەلىپ جاتىر.
جاقىندا ينفلياتسيانى قۇرىقتاۋ جونىندەگى قالالىق شتابتىڭ وتىرىسى ءوتىپ, ءسۇت ءوندىرۋشى ەكى ءىرى كاسىپورىن – «شىعىس ءسۇت» جانە «ەميل» كومپانيالارى باسشىلارىمەن كەلىسسوز جۇرگىزىلدى. ءناتيجەسىندە, ءسۇت باعاسى ءسال دە بولسا ارزانداپ, 4 تەڭگەگە ءتۇستى, ياعني, ءبىر ءليترى 126 تەڭگەدەن ساتىلا باستادى. تاۋارعا قوسىلاتىن ۇستەمە اقى 13 پايىزدان 9 پايىزعا تومەندەدى.
وڭداسىن ەلۋباي, وسكەمەن.