ساپارى قالا كوشەلەرىنەن باستالدى

ورتالىق سايلاۋ كوميسسيا­سىندا قازاقستان رەسپۋبليكا­سى­نىڭ پرەزيدەنتتىگىنەن ۇمىتكەر قا­زاقستان كوممۋنيستىك حالىق­تىق پارتياسى ورتالىق كومي­تەتى­نىڭ حاتشىسى جامبىل اح­مەت­بەكوۆتىڭ سايلاۋالدى شتابى­نا قاراستى «شى­نايى سايلاۋدى قولداۋ» قو­عام­دىق ورتالىعى قۇرىلدى. ونىڭ ماقساتى – سايلاۋ قۇ­قىق­تارى ەسكەرىلمەي, قورعالماعان ازا­ماتتارعا قولداۋ كورسەتۋ. قازىر پار­تيانىڭ ءوزى دە پرەزيدەنتتىكتەن ۇمىتكەرگە قولداۋ كورسەتۋ ءۇشىن جان-جاقتى جۇمىس جۇرگىزۋدە. ال­دى­مەن ۇمىتكەردى قولداۋعا قول جيناۋ جۇمىسى ءساتتى اياقتالدى. بۇل اۋقىمدى جۇمىس قكحپ-نىڭ بار­لىق وبلىستىق, اۋداندىق, قالا­لىق كوميتەتتەرىنىڭ جانە باس­تاۋىش ۇيىم­داردىڭ اتسالىسۋى­مەن ىسكە استى. قول جيناۋدا بەلسەندىلەر, جاق­تاۋشىلار مەن تىلەكتەستەر كومەك كورسەتتى. وسى اپتادا پارتيانىڭ اتى­نان پرەزيدەنتتىككە ءتۇسىپ جاتقان ج.احمەتبەكوۆتىڭ سايلاۋالدى تۇ­عىرناماسى جاريالاندى. مۇندا پارتيانىڭ ەكونوميكانى دامى­تۋ­دا, حالىقتىڭ الەۋمەتتىك-تۇر­مىس­تىق جاعدايىن جاقسارتۋدا ال­دىنا قويعان ماقساتى مەن سايلاۋ ناۋ­قانى كەزىندە پارتيانىڭ اتقا­را­تىن جۇمىستارى تۋرالى ءمالى­مەت­تەر كەلتىرىلگەن. سونىمەن بىرگە, وسى جەتىدە قكحپ-نىڭ پرەزيدەنتتىككە كانديدات جامبىل احمەتبەكوۆتىڭ ساي­­لاۋالدى شتابىندا ەلىمىزدە تىركەلگەن ۇكىمەتتىك ەمەس ۇيىم­دار, ديپ­لوماتيالىق كورپۋستار مەن كون­سۋل­دىقتاردىڭ قىزمەت­كەر­لەرى­مەن كەزدەسۋى ۇيىمداستى­رىل­دى. وعان ەقىۇ مەن شەت ەل­دىڭ ءبىر­قاتار ەلشىلەرى قاتىسىپ, شتاب­تىڭ جۇ­مىسىمەن تانىستى. كەزدەسۋ ءنا­تي­جەسىندە باقىلاۋ ور­گانىن قۇرۋ تۋ­رالى شەشىم قابىل­دان­دى. ەندى بۇل ورگان ج.احمەت­بەكوۆتىڭ ساي­لاۋالدى جۇمىسىمەن كۇن سايىن تا­نىسىپ, وعان باعا بەرىپ وتىراتىن بولادى. ال كەشە استانادا پارتيانىڭ سايلاۋالدى شتابىنىڭ ۇيىمداس­تىرۋىمەن «ۇگىت-ناسيحات پويى­زى» اتالاتىن ءىس-شارا ءوتتى. ول تا­ڭەر­تەڭ­نەن كەشكە دەيىن جالعاسىپ, قا­لا­نىڭ بىرنەشە كوشەسىن قام­تى­دى. مۇندا «گازەل» اۆتوكولىگىنە مىنگەن ازاماتتار ساعات 11.00-دەن باستاپ باراەۆ كوشەسى, رەسپۋبليكا داڭ­عىلى, ودان كەيىن ەسەنبەرلين كو­شە­سىنە شىعىپ, جەڭىس داڭعى­لى­مەن ءجۇرىپ ءوتتى. ودان ءارى اباي داڭ­عىلى, كەڭەسارى كوشەسىمەن ءجۇر­گەن اۆتو­كولىك ابىلاي حان, تاۋەل­سىزدىك, مو­مىش ۇلى داڭعىلى, توقپانوۆ كو­شە­سى, اقوردا ماڭايى مەن سىعا­ناق كوشەسى, قابانباي باتىر داڭ­عى­لى ارقىلى تاشەنوۆ,  ءۋالي­حانوۆ پەن يمانوۆ كوشەسىنە جەتتى. ەندى بۇگىن ج.احمەتبەكوۆتىڭ ەلىمىزدى ارالاپ, سايلاۋشىلارمەن كەزدەسۋگە ارنالعان ساپارى باس­تا­لادى. ول الدىمەن اقمولا وبلى­سى­نىڭ قورعالجىن اۋدانىنا با­رىپ, ءوزى تۋىپ-وسكەن شالقار ەلدى مەكەنىندە بولادى. ودان كەيىن 9 ناۋرىز كۇنى كوكشەتاۋ, كەلەسى كۇنى پەتروپاۆل, قوستاناي قالالارىنا ساپار شەگەدى. بۇل جەرلەردە ول اۆتوكولىكپەن جۇرەدى. داستان كەنجالين.