مينسكىنىڭ وبلىستىق اتقارۋ كوميتەتى جەرگىلىكتى اۋىل شارۋاشىلىعى كاسىپورىندارىنىڭ ايەل جەتەكشىلەرىنە 8 ناۋرىز مەرەكەسىنە وراي تراكتور سىيلاعان ءجون دەپ تاپقان. ءسويتىپ, ۆەدومستۆو حالىقارالىق ايەلدەر كۇنى مەرەكەسى قارساڭىندا سىيلىق رەتىندە بارلىعى 18 تراكتور تاراتىپ بەرگەن. اۋىل شارۋاشىلىعى جۇمىستارى ءۇشىن اسا قاجەتتى تەحنيكا بيۋدجەت قارجىسىنا ساتىپ الىنىپتى.
تەحنيكانى تاپسىرۋ سالتاناتى 4 ناۋرىز كۇنى بولىپ ءوتتى. سول كۇنى سونداي-اق مينسك وبلىسىنىڭ باسقا دا تانىمال ازاماتشالارىنا سىي-سياپاتتار جاسالىپ, قۇرمەت كورسەتىلگەن. جالپى, حالىقارالىق ايەلدەر كۇنى مەرەكەسى الەمنىڭ 30 ەلىندە مەرەكە كۇنى بولىپ تابىلسا, سونىڭ ىشىندە تەك قىتاي مەن ماداگاسكاردا عانا نازىك جاندىلار ءۇشىن دەمالىس دەپ جاريالانعان.
ءبىر-بىرىنەن اۋمايتىن «ساڭلاقتار»
1951 جىلى قۇرىلعان «Grazy Horse» كابارەسىنىڭ اتاعى بۇگىندە تىم الىسقا كەتكەن, دەيدى بىلەتىندەر. سول جىلى امەريكالىق الەن بەرناردەن قۇرعان وسى ادەمى ەروتيكالىق شوۋ نەسىمەن ەرەكشەلەنەدى دەسەك, بيشىلەرىنىڭ ءبىر-بىرىنەن اينىمايتىنداي ەتىپ مۇقيات ىرىكتەلەتىنىمەن ەرەكشەلەنەدى ەكەن. ساحنادا بيلەپ جۇرگەن قىزداردى ءبىر-بىرىنەن اجىراتۋ مۇلدەم مۇمكىن ەمەس كورىنەدى.
قازىرگى كەزدە اتاقتى كابارە ماسكەۋدە «ونەر كورسەتىپ» جاتىر. 3 ناۋرىزدا باستالعان ەروتيكالىق شوۋ توبىنىڭ گاسترولدىك ساپارى 8 ناۋرىزعا دەيىن جالعاسادى. بويلارىندا مىسقالداي دا مىندەرى جوق ق ۇلىن ءمۇسىن قىزدار ونەرىن تاماشالاۋشىلار قاتارىنىڭ قالىڭدىعى سونداي, ولار بيلەيتىن قىمبات مەيرامحانالاردان ورىن تابۋ قيىننىڭ قيىنى بولىپ تۇرسا كەرەك.
ينتەرنەت ماتەريالدارى نەگىزىندە ازىرلەندى.