جاڭاشىل ىستەر ءداۋىرى

جولداۋلاردا العا قويىلعان ءمىن­دەتتەردى جاسامپاز ىستەر ءدا­ۋى­رى دەپ سيپاتتاۋعا بولادى. وسى­مەن ونىن­شى رەت جولدانىپ وت­ىرعان مەرەي­تويلىق جولداۋ ەلى­مىزدىڭ ءاربىر ازا­ماتىنىڭ ومىرىنە جاڭا ۇمىتتەر مەن جاڭا ماق­ساتتار ەنگىزەتىندىگىمەن ماڭىز­دى. «بەيبىتشىلىك پەن جاسام­پاز­دىق­تىڭ جيىرما جىلى» ۇرانى – ەلىمىزدىڭ وتكەن ۋاقىتتاعى ەرەن تا­بىستارىن سارالاپ, الداعى ون جىل ىشىندەگى جاڭا ماقساتتار مەن مىندەتتەردى بەلگىلەيدى. رەسپۋبليكا ەكونوميكاسىنىڭ ين­دۋستريالىق-يننوۆاتسيالىق دا­مۋ­ى­نا جانە, ەڭ الدىمەن, ەكو­نو­مي­كانىڭ اگرارلىق سەكتورى­نىڭ دامۋ­ى­نا باستى نازار اۋ­دا­رىلىپ وتىر. شاعىن جانە ورتا بيز­نەس­تىڭ دامۋى­نا تىكەلەي قا­تى­سى بار «مىقتى بيزنەس – مىقتى مەملەكەت» ۇرانى باسىم بولۋى قا­جەت­تىلىگىمەن كەلىسپەۋگە بولمايدى! ەلىمىزدىڭ جانە ونىڭ ازامات­تارىنىڭ دامۋى ءۇشىن شەشۋشى ءمانى بولۋى ءتيىس «الەۋمەتتىك ءوز­گەرتۋ» جوعارى باعاعا لايىق. بىرىنشىدەن, ءبىلىم بەرۋ جۇيەسىنىڭ رەفورماسى. ولارعا كاسىپتىك كادر­لاردى دايارلاۋ ءۇشىن ۇلتتىق كەڭەس قۇرۋ, 2015 جىلعا قاراي 12 جىل­دىق ءبىلىمدى ەندىرۋ, قازاق­ستاننىڭ ءاربىر ازاماتى­نىڭ «ءومىر بويى ءبىلىم الۋ» دەگەن باستى ءپرينتسيپىن انىقتاۋ جانە بەكىتۋ جاتادى. عى­لىم سالا­سىنداعى رەفورمالاردى نازاردان تىس قال­دىرۋعا بولماي­دى: عىلىم كاندي­داتى جانە دوك­تورى عىلىمي دارە­جەلەرىن الۋ­دىڭ ەسكىرگەن جانە ءتيىمسىز جۇيە­سىنەن «باكالاۆر – ماگيستر – PhD دوك­تو­رى» اكادەميالىق دارەجە­لە­رىن الۋ­­دىڭ ناقتى قولدانىستاعى ءجۇ­يە­سىنە ءوتۋ كەرەكتىگى ءومىر تا­لا­بى. سو­نىمەن قاتار, ۋنيۆەرسيتەتتىك ءبىلىم مەن عىلىم دا­مۋى­نىڭ جا­ڭا دەڭ­گەيىن قامتاماسىز ەتۋ مىندەتى قوي­ىلعانى جوعارى مەكتەپ ءۇش­ىن اسا ماڭىزدى بولىپ تابىلادى. جولداۋدا ەلىمىزدە 12 جىل­دىق وقۋ ەندىرىلەتىنى, ال 2020 جىل­عا دەيىن بارلىق قازاق­ستان­دىق بالالار مەكتەپكە دەيىنگى ساپالى بىلىممەن قام­تاماسىز ەتىلەتىنى اتاپ كورسەتىلدى. كاسىپتىك-تەح­ني­كالىق مەك­تەپتەردىڭ ما­تە­ري­ال­دىق بازا­سى تۇبەگەيلى وزگە­رىس­كە ۇشىراي­دى, ال جوعارى وقۋ ور­ىندارى ين­نو­ۆاتسيالىق جوو مو­دەلىنە ءوتۋى ءتيىس. دەنساۋلىق ساقتاۋ سالاسىن­داعى رەفورمالاۋ پەرسپەكتي­ۆا­سى, اتاپ ايت­قاندا, «كولىك مەدي­تسيناسى», «ءولىم سانىن 11 پا­يىز­عا دەيىن ازايتۋ, بالا تۋ سانىن 25 پايىزعا دەيىن كوبەي­تۋ», «2015 جىلعا قاراي ءومىر ءسۇرۋ ۇزاق­تى­عىن – 70 جاسقا, ال 2020 جىلعا قاراي 72 جاسقا جانە ودان دا كوپ جاسقا دەيىن ۇلعايتۋ» وسكەن ەلدىڭ بيىك ماقساتىن ايعاقتايدى. نيكولاي دريدج, مەملەكەتتىك سىيلىقتىڭ ەكى مارتە لاۋرەاتى.