قازاقستان رەسپۋبليكاسى پرەزيدەنتتىگىنە كانديدات نۇرسۇلتان نازارباەۆتىڭ رەسپۋبليكالىق قوعامدىق شتابى كەڭ اۋقىمدى سايلاۋ ناۋقانىن ەلىمىزدە رەفەرەندۋم وتكىزۋ جونىندە باستاما كوتەرگەن شىعىس قازاقستان وبلىسىنان باستادى.
4 ناۋرىزدا «نۇر وتان» حالىقتىق-دەموكراتيالىق پارتياسىنىڭ باستاماسىمەن قۇرىلعان, قۇرامىنا ساياسي پارتيالار جەتەكشىلەرى, ەلىمىزدىڭ تانىمال قوعام قايراتكەرلەرى, ۇكىمەتتىك ەمەس ۇيىم ءمۇشەلەرى كىرەتىن «قازاقستان-2020» جالپىۇلتتىق دەموكراتيالىق كۇشتەر كواليتسياسىنىڭ وكىلدەرى شىعىس قازاقستان وبلىسىنا كەلدى.
س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىندە وتكەن كەزدەسۋدە «نۇر وتان» حدپ توراعاسىنىڭ ءبىرىنشى ورىنباسارى نۇرلان نىعماتۋلين: «نۇر وتان» حالىقتىق-دەموكراتيالىق پارتياسىنىڭ XIII سەزىندە دەلەگاتتار پرەزيدەنتتىككە كانديدات ەتىپ پارتيا ءتوراعاسى نۇرسۇلتان نازارباەۆتى ۇسىنعانى بەلگىلى. ءبارىڭىزدى الداعى سايلاۋدا ن. نازارباەۆ ءۇشىن داۋىس بەرۋگە شاقىرامىن», دەدى. سونداي-اق نۇرسۇلتان ءابىش ۇلىنىڭ كانديداتۋراسىن قولداۋعا ۇندەپ «ءادىلەت» دەموكراتيالىق پارتياسىنىڭ ءتوراعاسى ماقسۇت نارىكباەۆ, جازۋشى باقىتبەك سماعۇل سويلەدى. قازاقستان جازۋشىلار وداعىنىڭ ءتوراعاسى, اقىن, مەملەكەتتىك سىيلىقتىڭ لاۋرەاتى نۇرلان ورازاليننىڭ ءسوزى كوپشىلىككە ۇنادى. اباي, شاكارىم, اۋەزوۆ سياقتى الىپتاردى ءدۇنيەگە اكەلگەن قاسيەتتى سەمەي توپىراعىنا باسىمىزدى يەمىز. وسىدان ءبىر اي بۇرىن وسى جەردە, وسى زالدا كەندى التاي تۇرعىندارى ەلىمىزدە رەفەرەندۋم وتكىزۋ تۋرالى باستاما كوتەرگەنى بەلگىلى. رەفەرەندۋم دا دەموكراتيالىق قۇندىلىق. بىراق سايلاۋ وتكىزگەن ءجون دەپ شەشىلدى. شىرايلى شىعىس تۇرعىندارىنىڭ نۇرسۇلتان نازارباەۆتىڭ كانديداتۋراسىن قىزۋ قولدايتىنىنا سەنەمىن, دەدى ن.ورازالين.
بۇدان كەيىن پارلامەنت ءماجىلىسىنىڭ دەپۋتاتى ۆ. نەحوروشەۆ, باسقا دا ادامدار ءسوز الىپ, ن.نازارباەۆتىڭ كانديداتۋراسىن قولدايتىندارىن جەتكىزدى. اكتيۆ جيىنىنا ەلىمىزگە ەسىمى بەلگىلى اقىن-جازۋشىلار, ونەر ادامدارى قاتىستى.
سول كۇنى ن. نىعماتۋلين باستاعان كواليتسيا مۇشەلەرى وسكەمەن ارماتۋرا زاۋىتىندا كاسىپورىن جۇمىسشىلارىمەن كەزدەستى. تۇستەن كەيىن شىعىس قازاقستان مەملەكەتتىك ۋنيۆەرسيتەتىندە بيۋدجەتتىك سالا قىزمەتكەرلەرىمەن, ال د. سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە قالا تۇرعىندارى, جوعارى وقۋ ورىندارىنىڭ ۇستازدارى جانە ستۋدەنتتەرىمەن كەزدەسۋلەر بولدى.
جۇما كۇنى ءتۇس اۋا دەموكراتيالىق كۇشتەردىڭ قوعامدىق كواليتسيا مۇشەلەرى سەمەيگە كەلدى. ءۇش توپقا بولىنگەن ولار بىردەن ىسكە كىرىسىپ, قالا جۇرتشىلىعىمەن ءۇش جەردە كەزدەسۋ وتكىزدى. «نۇر وتان» حالىقتىق-دەموكراتيالىق پارتياسى توراعاسىنىڭ ءبىرىنشى ورىنباسارى نۇرلان نىعماتۋلين باستاعان توپ «سەماز» جاۋاپكەرشىلىگى شەكتەۋلى سەرىكتەستىگىنىڭ ۇجىمىمەن كەزدەستى.
ال پارلامەنت ءماجىلىسىنىڭ دەپۋتاتى ۆلاديمير نەحوروشەۆ, كاسىپوداقتار فەدەراتسياسىنىڭ ءتوراعاسى سيازبەك مۇقاشەۆ, «اتامەكەن» وداعىنىڭ توراعاسى ازات پەرۋاشەۆ پەن «كازترانسگاز ايماق» اكتسيونەرلىك قوعامىنىڭ باس ديرەكتورى قايرات شارىپباەۆتىڭ پىكىرلەرى دە سوڭعى جىلدارى قازاقستاندا قول جەتكەن تابىستار ءتوڭىرەگىندە توعىسىپ جاتتى. ال قازاقستاندا تۇرىپ جاتقانىن ماقتان تۇتاتىنىن مالىمدەگەن كاسىپورىن جۇمىسشىسى اندرەي ششەگلوۆ الداعى سايلاۋدا سەمەيلىكتەردى عانا ەمەس, بۇكىل قازاقستاندىقتاردى نۇرسۇلتان نازارباەۆتىڭ كانديداتۋراسىن قولداۋعا شاقىردى.
وڭداسىن ەلۋباي,
داۋلەت سەيسەن ۇلى.
شىعىس قازاقستان وبلىسى.