«ءبىلىم باستامالارىن قولداۋ قورى» «قازاليانس» قوعامدىق بىرلەستىگىنىڭ ۇلىبريتانياداعى وكىلدىگىنىڭ قاتىسۋىمەن بالاباقشا جانە باستاۋىش سىنىپ بالالارىنا ارنالعان ءى «ق ۇلىنشاق» تاقپاقتار سايىسىنىڭ قورىتىندىسىن جاريالادى. بۇل تۋرالى جوبا اۆتورى, جۋرناليست راحات جاقسىباي ءوزىنىڭ فەيسبۋكتەگى پاراقشاسىندا جازدى.
بايقاۋدىڭ نەگىزگى ماقساتى – بالالاردىڭ تىلىنە لايىقتالعان مەملەكەتتىك تىلدەگى ولەڭ-تاقپاقتاردىڭ سانىن كوبەيتۋ جانە بالالار تاقىرىبىنا جازاتىن اقىندار مەن جاناشىرلاردىڭ ىنتاسىن ارتتىرۋ. 2016 جىلدىڭ 22 تامىزىندا باستالعان بايقاۋعا اۆتورلار تاراپىنان جالپى سانى 400-گە جۋىق شىعارما جىبەرىلدى. تاقىرىپتار مەن شىعارمالار سانىنا شەك قويىلمادى.
شارانىڭ ناتيجەسى مەن جەڭىمپازداردىڭ ەسىمى بۇگىن «ق ۇلىنشاق» بايقاۋىنىڭ جەڭىمپازدارىن جاريالاۋ» ونلاين شاراسىندا اتالدى.
ء"اربىر جوباعا جەكە قىزىعۋشىلىقپەن كەلەمىز. ۇلىبريتانيا ەلىندە ءبىلىم الىپ جاتقاندىقتان, اعىلشىن تىلىندەگى رەسۋرستارعا كوز سالا جۇرەسىڭ. استانادا باستاعان شارامىزدىڭ قورىتىندىسىن وقۋ جاعدايىنا بايلانىستى لوندوننان جاريالاۋعا تۋرا كەلىپ تۇر. ماسەلەن, اعىلشىن مەكتەپتەرىندە بالالارعا وقۋعا نە جاتتاۋعا بەرىلگەن تاپسىرمالاردى ساپالى ءارى بالالارعا قىزىقتى فورمادا ونلاين تابۋعا بولادى. بۇل جاعىنان بىزدە قازاق تىلىندەگى ماتەريالداردى, ۇيرەتۋ, وقىتۋ كونتەنتىن تابۋ وڭاي ەمەس. سوندىقتان, العاشقى قادامدى, وسى سالانىڭ جالپى تىنىسىن سەزىنۋ ءۇشىن بالالارعا ارنالعان تاقپاقتاردان باستادىق. ادەتتەگى بايقاۋلار سياقتى, بايقاۋ جاريالاپ, جەڭىمپازداردى انىقتاپ قانا قويعىمىز كەلمەيدى. قازىر شاماسى كەلگەن اتا-انانىڭ بالالارىنىڭ قولىندا سمارتفون نە پلانشەت جۇرەدى, تيىسىنشە, ءبىز دە قازاق تىلىندەگى ءونىمدى بۇگىنگى بۋىننىڭ قولىنداعى دۇنيەسىنە سالىپ بەرۋىمىز كەرەك. جۇمىس تا وسى باعىتتا جالعاسىن تاباتىن بولادى. بايقاۋ قاتىسۋشىلارى قارجىلىق ماراپات ءۇشىن قاتىستى دەپ ويلامايمىن. بالالار تاقىرىبىنا ۇلەس قوسا بەرىڭىزدەر, جۇلدەلەرىڭىز قۇتتى بولسىن!», - دەدى راحات جاقسىباي.
جۇلدەگەرلەردىڭ ەسىمدەرى:
ىنتالاندىرۋ سىيلىعى: ساكەن بولىسوۆ, گۇلنار تاڭىربەرگەنقىزى مەن الما سايلاۋقىزى
ءىىى ورىن جانە 20 000 تەڭگە قارجىلاي ماراپات: ميرا سەمبايقىزى, بەكارىستان نۇرلان ۇلى جانە ۇلاربەك نۇرعالىم ۇلى
ءىى ورىن جانە 40 000 تەڭگە قارجىلاي ماراپات: سەرىكبول حاسان جانە سارا توقتامىس
ءى ورىن جانە 50 000 تەڭگە قارجىلاي ماراپات: ساعادات ساعيدوللاقىزى باس جۇلدە جانە 75 000 تەڭگە قارجىلاي ماراپات: قۋات احەتوۆ