2016 جىلدىڭ قاراشاسىندا سۋديالاردىڭ جەتىنشى سەزىن وتكىزۋگە وراي الەۋمەتتىك جەلى قولدانۋشىلارىنا ارنالعان ينتەرنەت-ۆيكتورينا وتكىزىلەدى, دەپ حابارلايدى egemen.kz قر جوعارعى سوتىنىڭ ءباسپاسوز قىزمەتىنە سىلتەمە جاساپ.
اكتسيانىڭ ماقساتى – ازاماتتاردىڭ قۇقىقتىق مادەنيەتىن ارتتىرۋ.
«ەل ازاماتتارىنىڭ ناقتى ءبىر بولىگى, اسىرەسە, جاستار, ءتىپتى نەنىڭ قىلمىس ەكەنىن بىلمەيدى. ءالى كۇنگە دەيىن ماتەماتيكادان باقىلاۋ جۇمىسىن ورىنداماۋ ءۇشىن «بومبا قوياتىن» جاسوسپىرىمدەر كەزدەسىپ جاتادى. كەيبىر ادامدار كوشەدە سپيرتتىك ىشىمدىك ءىشۋ زاڭبۇزۋشىلىق دەپ ەسەپتەمەيدى. مۇنداي مىسالداردى كوپتەپ كەلتىرۋگە بولادى», - دەلىنگەن سوتتىڭ سايتىندا.
ۆيكتورينا قاتىسۋشىلارىنا جۇلدە قورى بەلگىلەنگەن. كۇن سايىن ۇيالى تەلەفونعا جۇزدەگەن 200 نەمەسە 500 بىرلىك ۇتىسقا تىگىلەدى. 10 قاراشادا ۆيكتورينانىڭ قورىتىندىسى شىعارىلادى. وسى كۇنى ءۇش سمارتفون ويناتىلادى.
ۆيكتوريناعا قاتىسۋ ءۇشىن الەۋمەتتىك جەلى ارقىلى نەمەسە جوعارعى سوتتىڭ سايتىندا تىركەلۋ قاجەت.