كەشە پارلامەنت سەناتىنىڭ توراعاسى قاسىم-جومارت توقاەۆ حالىقارالىق ەنەرگەتيكالىق اگەنتتىكتىڭ (حەا) اتقارۋشى ديرەكتورىنىڭ ورىنباسارى ريچارد دجونستى قابىلدادى, دەپ حابارلادى وسى پالاتانىڭ ءباسپاسوز قىزمەتى.
قازاقستان رەسپۋبليكاسى مەن حەا اراسىنداعى ىنتىماقتاستىق ماسەلەلەرى بويىنشا پىكىر الماسۋ بارىسىندا الەمدىك ەنەرگەتيكالىق قاۋىپسىزدىكتى قامتاماسىز ەتۋدەگى ءبىزدىڭ ەلىمىزدىڭ ماڭىزدى ءرولى اتاپ ءوتىلدى.
توراعا ەنەرگەتيكا سالاسىن دامىتۋدى زاڭنامالىق تۇرعىدا قولداۋ تۋرالى ر.دجونستى حاباردار ەتىپ, ەنەرگەتيكالىق سەكتوردى نورماتيۆتىك-قۇقىقتىق رەتتەۋدەگى ەۋروپالىق تاجىريبەنى زەردەلەۋدىڭ ماڭىزدىلىعىن اتاپ ءوتتى.
كەزدەسۋ بارىسىندا جۇزدەسۋشىلەر تاياۋ شىعىس پەن سولتۇستىك افريكاداعى جاعدايدى دا تالقىلادى.