قىزمەت كورسەتۋ سالاسىندا ەۋروپاعا ەلىكتەمەي, ازيالىق ساپا ۇلگىسىن ۇستانۋ قاجەت, دەيدى «قازاقستانداعى ىشكى ءتۋريزمنىڭ دامۋى» تاقىرىبىندا وتكەن دوڭگەلەك ۇستەل بارىسىندا مەيرامحانالار مەن قوناق ۇيلەر قاۋىمداستىعىنىڭ پرەزيدەنتى راشيدا شايكەنوۆا.
ونىڭ ايتۋىنشا, بارلىعى اۋىز تولتىرىپ ايتاتىن ەۋروپالىق ساپا ۇلگىسىنە ۇمتىلۋ قاجەت ەمەس جانە قازىرگى تاڭدا ەۋروپانىڭ وزىندە ونداي تاڭ قالارلىق قىزمەت كورسەتۋ ساپاسى بايقالمايدى.
«ودان دا تۋريستەرگە قىزمەت كورسەتۋدە ءوزىمىزدىڭ مەنتاليتەتىمىزگە جاقىن, قوناقجايلىعىمىزدى پاش ەتەتىن ازيالىق ساپا ۇلگىسىن ۇستانۋ قاجەت سەكىلدى», – دەدى ر.شايكەنوۆا.
ايدار ورىسباەۆ, "ەگەمەن قازاقستان"