قازاقستان رەسپۋبليكاسى ۇكىمەتىنىڭ قاۋلىسىمەن بەكىتىلگەن «تۋريستىك قامقور» كورپوراتيۆتىك قورى ەل ازاماتتارىنىڭ سىرتقى تۋريزم سالاسىنداعى قۇقىقتارىنا كەپىلدىك بەرۋ جۇيەسىن قولعا الدى. بۇل تۋرالى ورتالىق كوممۋنيكاتسيالار قىزمەتىندە وتكەن دوڭگەلەك ۇستەل بارىسىندا تۋروپەراتورلار وداعىنىڭ اتقارۋشى ديرەكتورى يننا رەي ءمالىم ەتتى.
ونىڭ ايتۋىنشا, ەندى سىرتقى تۋريزم سالاسىندا قىزمەت ەتەتىن تۋروپەراتورلارعا جانە اۋە كەمەسىن جالدايتىن تۋروپەراتورلارعا بىرقاتار مىندەتتەمەلەر جۇكتەلەدى.
ماسەلەن, ولار نارىققا مونيتورينگ جۇرگىزىپ, ۋاكىلەتتى ۇيىمعا اقپارات ۇسىنىپ وتىرادى, تۋريستەرگە ارنالعان جەدەل بايلانىس جەلىسىن اشىپ, تۋريستەر مەن تۋريستىك كومپانيالارعا كەڭەس بەرەدى. سونداي-اق ءار تۋردان بولەك قارجى جيناپ, شەتەلدەگى قازاقستان تۋريستەرىنە شۇعىل كومەك كورسەتۋ ءۇشىن قور جيناقتايدى. ارنايى شوتتا جينالعان قاراجات تۋريستەرىمىزدى شەتەلدەن قايتارۋ ماسەلەسى تۋىنداعان كەزدە پايدالانىلاتىن بولادى.
ايدار ورىسباەۆ, "ەگەمەن قازاقستان"