2015 جىلعى 23 جەلتوقسان, استانا قالاسى
قۇرىلىستاعى تەحنولوگيالىق كارتالاردى ازىرلەۋ, كەلىسۋ, بەكىتۋ جانە ولاردىڭ قۇرامى جونىندەگى مەملەكەتتىك ءنورماتيۆتى بەكىتۋ تۋرالى
قازاقستان رەسپۋبليكاسى ۇكىمەتىنىڭ 2014 جىلعى 24 قىركۇيەكتەگى №1011 قاۋلىسىمەن بەكىتىلگەن قازاقستان رەسپۋبليكاسىنىڭ ۇلتتىق ەكونوميكا مينيسترلىگى تۋرالى ەرەجەنىڭ 17-تارماعىنىڭ 12) تارماقشاسىنا جانە قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 29 قىركۇيەكتەگى №30 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №9778 تىركەلگەن) بەكىتىلگەن قازاقستان رەسپۋبليكاسى ۇلتتىق ەكونوميكا مينيسترلىگىنىڭ قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى تۋرالى ەرەجەنىڭ 19-تارماعىنىڭ 2-تارماقشاسىنا سايكەس بۇيىرامىن:
1. قوسا بەرىلىپ وتىرعان قۇرىلىستاعى تەحنولوگيالىق كارتالاردى ازىرلەۋ, كەلىسۋ, بەكىتۋ جانە ولاردىڭ قۇرامى جونىندەگى مەملەكەتتىك نورماتيۆ بەكىتىلسىن.
2. قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتىنىڭ قۇرىلىستاعى سمەتالىق نورمالار باسقارماسى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگى قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتىنىڭ رەسمي ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋدى وزىمە قالدىرامىن.
4. وسى بۇيرىق العاش رەت رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
توراعا م.جايىمبەتوۆ
قازاقستان رەسپۋبليكاسى ۇلتتىق ەكونوميكا مينيسترلىگى
قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى توراعاسىنىڭ 2015 جىلعى 23 جەلتوقسانداعى №413-نق بۇيرىعىمەن بەكىتىلگەن
قۇرىلىستاعى تەحنولوگيالىق كارتالاردى ازىرلەۋ, كەلىسۋ, بەكىتۋ جانە
ولاردىڭ مازمۇنى جونىندەگى مەملەكەتتىك نورماتيۆ
1. جالپى ەرەجەلەر
1. تەحنولوگيالىق كارتا قۇرىلىستى ۇيىمداستىرۋ جوباسىمەن جانە جۇمىستاردى جۇرگىزۋ جوباسىمەن قاتار قۇرىلىستاعى نەگىزگى ۇيىمدىق- تەحنولوگيالىق قۇجات بولىپ تابىلادى.
2. وسى مەملەكەتتىك نورماتيۆتە مىناداي نەگىزگى ۇعىمدار پايدالانىلادى:
1) جۇمىستاردى جۇرگىزۋ جوباسى (ججر) - جوبانى جانە جۇمىس جوباسىن ىسكە اسىرۋ ءۇشىن ازىرلەنەتىن جانە قۇرىلىس جۇمىستارىنىڭ (تەحنولوگيالىق پروتسەستەر جانە وپەراتسيالار) تەحنولوگياسىن, ولاردى ورىنداۋ ساپاسىن, مەرزىمدەردى, رەسۋرستاردى جانە قاۋىپسىزدىك بويىنشا ءىس-شارالاردى انىقتايتىن ۇيىمدىق-تەحنولوگيالىق قۇجات;
2) قۇرىلىستى ۇيىمداستىرۋ جوباسى (قۇج) - جوبا قۇرامىندا ازىرلەنەتىن جانە قۇرىلىس كولەمدەرىن, مەرزىمدەرىن, رەسۋرستارعا قاجەتتىلىكتى جانە جالپى قۇرىلىس جۇمىستارى تەحنولوگياسىن انىقتايتىن ۇيىمدىق قۇجات;
3) ساۋلەت, قالا قۇرىلىسى جانە قۇرىلىس ىستەرى جونىندەگى ۋاكىلەتتى ورگان - ساۋلەت, قالا قۇرىلىسى جانە قۇرىلىس قىزمەتىن مەملەكەتتىك باسقارۋ سالاسىنداعى باسشىلىقتى جۇزەگە اسىراتىن ورتالىق مەملەكەتتىك ورگان;
4) تەحنيكالىق-نورمالاۋ كارتاسى – وپەراتسيالاردىڭ قۇرامىنان, ەڭبەك شىعىندارىنىڭ كالكۋلياتسياسىنان, مەحانيكالاندىرۋ قۇرالدارىنان جانە ماتەريالدىق رەسۋرستاردىڭ شىعىسىنان تۇراتىن قولدانىستاعى سمەتالىق نورمالاردى قايتا وڭدەۋ (تۇزەتۋ) ماقساتى ءۇشىن ازىرلەنەتىن قۇجات;
5) تەحنولوگيالىق كارتا - وندا «ەڭبەك شىعىندارىنىڭ كالكۋلياتسياسى» ءبولىمى بولعان كەزدە سمەتالىق نورماتيۆتەردى جانە ماتەريالدار شىعىنىن ازىرلەۋ ءۇشىن باستاپقى قۇجات رەتىندە پايدالانىلاتىن قۇرىلىس-مونتاج جۇمىستارىنىڭ ارنايى جەكە ءتۇرىنىڭ تەحنولوگيالىق پروتسەسىن ورىنداۋ ءتارتىبىن رەتتەيتىن جانە وپەراتسيالاردىڭ قۇرامىن, مەحانيكالاندىرۋ قۇرالدارىنان, رەسۋرستار شىعىسىنان, ساپاعا قويىلاتىن تالاپتاردان جانە جۇمىستاردىڭ قاۋىپسىزدىگى بويىنشا ءىس-شارالاردان تۇراتىن نورماتيۆتىك-تەحنيكالىق قۇجات;
6) تەحنولوگيالىق كارتالاردىڭ تاپسىرىس بەرۋشىسى (بۇدان ءارى - تاپسىرىس بەرۋشى) - ونىڭ تاپسىرماسى بويىنشا تەحنولوگيالىق كارتا ازىرلەنەتىن قۇرىلىستى جۇرگىزۋ پروتسەستەرىنە ارنالعان تەحنولوگيالىق كارتالاردى ازىرلەۋگە مۇددەلى مەنشىك نىسانىنا قاراماستان زاڭدى نەمەسە جەكە تۇلعا;
7) تەحنولوگيالىق وپەراتسيا (تەحنولوگيالىق پروتسەستىڭ بولىگى) - قۇرىلىس ءونىمىن الۋدى قامتاماسىز ەتەتىن تەحنولوگيالىق وتپەلەر مەن تاسىلدەر جيىنتىعى;
8) تەحنولوگيالىق پروتسەسس (قۇرىلىس جۇمىستارى تەحنولوگياسىنىڭ بولىگى) - بەرىلگەن كولەمدە, بەلگىلەنگەن ساپادا جانە بەلگىلى ءبىر مەرزىمدەردە قۇرىلىس ءونىمىن الۋ ءۇشىن ورىندالاتىن تەحنولوگيالىق وپەراتسيالاردىڭ جيىنتىعى.
3. تەحنولوگيالىق كارتا قۇرىلىستى قۇرىلىستاعى ەڭبەك ونىمدىلىگىن جانە قۇرىلىس-مونتاجداۋ جۇمىستارىنىڭ ساپاسىن ارتتىرۋعا, جۇمىستاردى جۇرگىزۋ كەزىندە ەڭبەكتى جانە قورشاعان ورتانى قورعاۋ تالاپتارىن ساقتاي وتىرىپ, قۇرىلىس-مونتاجداۋ جۇمىستارىن ۇيىمداستىرۋ, تەحنولوگياسى جانە مەحانيكالاندىرۋ بويىنشا ۇتىمدى شەشىمدەرمەن قامتاماسىز ەتۋ ءۇشىن ازىرلەنەدى.
تەحنولوگيالىق كارتا قازىرگى زامانعى مەحانيكالاندىرۋ قۇرالدارىن, تەحنولوگيالىق كەرەك-جاراقتاردى, قۇرالداردى, سايمانداردى جانە قۇرىلعىلاردى, ماتەريالدىق-تەحنيكالىق رەسۋرستاردى بارىنشا ءتيىمدى پايدالانا وتىرىپ, ەڭبەكتى ۇيىمداستىرۋ بويىنشا ءىس-شارالار كەشەنىن قامتيدى.
4. تەحنولوگيالىق كارتالار مىنالاردى پايدالانۋ ءۇشىن جاسالادى:
جۇمىستاردىڭ جەكە تۇرلەرىن – گەودەزيالىق, جەر, قادالىق, تاس, مونتاجداۋ, بەتون, جابىن, ەدەندەردى ورناتۋ, سانيتارلىق-تەحنيكالىق, ارلەۋ جانە قۇرىلىس جۇمىستارىنىڭ باسقا دا تۇرلەرىن ورىنداۋعا;
جۇمىستاردى جۇرگىزۋ جوباسىنىڭ قۇرامىندا – عيماراتتى, قۇرىلىستى نەمەسە ولاردىڭ بولىگىن (تورابىن) سالۋعا.
5. تەحنولوگيالىق كارتادا قۇرىلىس پروتسەسىنىڭ تەحنولوگيالىق وپەراتسيالارىنىڭ قۇرامى جانە جۇيەلىلىگى, قۇرىلىس ماشينالارىنىڭ جانە جابدىقتاردىڭ, تەحنولوگيالىق كەرەك-جاراقتاردىڭ, قۇرال مەن قۇرىلعىلاردىڭ قۇرامى جانە سانى كەلتىرىلەدى, ماتەريالدىق-تەحنيكالىق رەسۋرستاردىڭ شىعىسى انىقتالادى, جۇمىستاردىڭ ساپاسىنا جانە قابىلداۋعا قويىلاتىن تالاپتار بەلگىلەنەدى, ەڭبەكتى قورعاۋ, قاۋىپسىزدىك جانە قورشاعان ورتانى قورعاۋ بويىنشا ءىس-شارالار كوزدەلەدى.
6. ماتەريالدىق-تەحنيكالىق رەسۋرستار, ەڭبەك پەن ماشينا ۋاقىت شىعىندارى تەحنولوگيالىق پروتسەسكە جانە وپەراتسيالارىنا, جۇمىستاردىڭ بارلىق كولەمىنە نەمەسە تۇپكى ءونىمنىڭ ىرىلەندىرىلگەن ولشەگىشتەرىنە ارنالعان تەحنولوگيالىق كارتالاردا كەلتىرىلەدى.
7. تەحنولوگيالىق كارتالاردى ازىرلەۋ ءۇشىن نورماتيۆتىك بازا قولدانىستاعى مەملەكەتتىك ستاندارتتار, قۇرىلىس نورمالارى جانە ەرەجەلەرى, باسقا نورماتيۆتىك-تەحنيكالىق قۇجاتتار, سونداي-اق, حرونومەتراج نەمەسە جۇمىس كۇنىنىڭ فوتوسۋرەتى بولىپ تابىلادى.
2. تەحنولوگيالىق كارتالاردىڭ مازمۇنىنا قويىلاتىن تالاپتار
8. تەحنولوگيالىق كارتالار مىناداي بولىمدەردەن تۇرادى:
جالپى ەرەجەلەر; جۇمىستاردى جۇرگىزۋدى ۇيىمداستىرۋ جانە تەحنولوگياسى;
قولدانۋ سالاسى; ماتەريالدىق-تەحنيكالىق رەسۋرستار;
نورماتيۆتىك سىلتەمەلەر; جۇمىستاردىڭ ساپاسىنا قويىلاتىن تالاپتار;
نەگىزگى قولدانىلاتىن ماتەريالدار مەن قاۋىپسىزدىك تەحنيكاسى جانە ەڭبەكتى قورعاۋ.
بۇيىمداردىڭ سيپاتتامالارى;
ەگەر تاپسىرىس بەرۋشىنىڭ تەحنيكالىق تاپسىرماسىندا ەڭبەك شىعىندارى جانە رەسۋرستار نورمالارىن ازىرلەۋ كوزدەلگەن جاعدايدا, تەحنولوگيالىق كارتالاردا «ەڭبەك شىعىندارىنىڭ كالكۋلياتسياسى» دەگەن ءبولىم ازىرلەنەدى. بۇل رەتتە, ماتەريالدىق-تەحنيكالىق رەسۋرستارعا قاجەتتىلىك «ماتەريالدىق-تەحنيكالىق رەسۋرستار» دەگەن بولىمدە كەلتىرىلەدى.
بولىمدەردىڭ قۇرامى «مازمۇنى» دەگەن اتاۋمەن تەحنولوگيالىق كارتانىڭ جەكە پاراعىندا كورسەتىلەدى.
9. «جالپى ەرەجەلەر» دەگەن بولىمدە ولار ءۇشىن وسى تەحنولوگيالىق كارتا ازىرلەنەتىن تەحنولوگيالىق پروتسەستىڭ, عيمارات (قۇرىلىس) ءتيپى ء(تۇرى), كونسترۋكتيۆتىك بولشەك نەمەسە عيمارات بولىگىنىڭ ماقساتى مەن اتاۋى كورسەتىلەدى.
10. «قولدانۋ سالاسى» دەگەن ءبولىم: ولار ءۇشىن وسى تەحنولوگيالىق كارتا ازىرلەنەتىن تەحنولوگيالىق پروتسەستىڭ اتاۋىن, كونسترۋكتيۆتىك بولشەك نەمەسە عيماراتتىڭ, قۇرىلىستىڭ بولىگىنىڭ اتاۋىن, جۇمىستاردى جۇرگىزۋدىڭ, ونىڭ ىشىندە تەمپەراتۋرالىق, ىلعالدىق, مەتەورولوگيالىق جانە باسقا شارتتارى مەن ەرەكشەلىكتەرىن, جۇمىستاردىڭ قۇرامىن, ەڭبەك رەجيمىن, تەحنولوگيالىق كارتانى قولدانۋ بويىنشا ۇسىنىمداردى قامتيدى.
11. «نورماتيۆتىك سىلتەمەلەر» دەگەن ءبولىم ولارعا تەحنولوگيالىق كارتادا سىلتەمەلەر بەرىلگەن نورماتيۆتىك جانە باسقا قۇجاتتاردىڭ (نورمالار, ەرەجەلەر, ستاندارتتار) بەلگىلەرى مەن اتاۋىنان تۇرادى.
12. «نەگىزگى قولدانىلاتىن ماتەريالدار مەن بۇيىمداردىڭ سيپاتتامالارى» دەگەن ءبولىم قۇرىلىس ماتەريالدارى مەن بۇيىمدارىنىڭ اتاۋىن جانە بەلگىلەرىن; ولار بويىنشا جۇرگىزىلەتىن ستاندارتتاۋ جانە سەرتيفيكاتتاۋ قۇجاتتارىنىڭ (مەمست, قر ست, سايكەستىك سەرتيفيكاتتارى) اتاۋىن جانە بەلگىلەرىن; ساۋدا ماركالارىنا, ءونىم وندىرۋشىلەر بەلگىلەرىنە سىلتەمەلەردى قامتيدى.
بارلىق تەحنولوگيالىق كارتالاردا بۋىپ-ءىلۋ جانە جيىپ قويۋ سحەمالارىن كورسەتە وتىرىپ, ماتەريالدار مەن بۇيىمداردى تاسىمالداۋعا, جيىپ قويۋعا جانە ساقتاۋعا قويىلاتىن تالاپتار كەلتىرىلەدى.
13. «جۇمىستاردى جۇرگىزۋدى ۇيىمداستىرۋ جانە تەحنولوگياسى» دەگەن ءبولىم دايىندىق, نەگىزگى, قوسالقى جانە قورىتىندى جۇمىستارعا بولىنەدى.
ءبولىم مىنالاردى قامتيدى:
بۇرىن ورىندالعان (الدىڭعى) جۇمىستاردىڭ ساپاسىنا جانە اياقتالۋىنا قويىلاتىن تالاپتار;
دايىندىق جۇمىستارىنىڭ ساپاسىنا جانە اياقتالۋىنا قويىلاتىن تالاپتار, ولاردى جۇرگىزۋ ءتارتىبى;
تەحنولوگيالىق وپەراتسيالاردى ورىنداۋ كەزىندە جۇمىس ورىندارىن ۇيىمداستىرۋ سحەماسى;
جۇمىستاردى ورىنداۋدىڭ تەحنولوگيالىق رەتتىلىگىنىڭ سيپاتتاماسى;
جۇمىس ايماعىندا ماتەريالدار مەن بۇيىمداردى ساقتاۋدىڭ ۇزاقتىعى مەن قورى بويىنشا نۇسقاۋلار;
تەحنولوگيالىق قامتاماسىز ەتۋدىڭ قولدانىلاتىن قۇرالدارىن (تەحنولوگيالىق كەرەك-جاراقتار, قۇرال, سايماندار جانە قۇرىلعىلار), ماشينالاردى, تەتىكتەردى, جابدىقتاردى جانە ورىنداۋشىلاردى (ماماندىعى, ساناتى, بۋىن قۇرامى) كورسەتىلىپ, تەحنولوگيالىق وپەراتسيالاردىڭ اتاۋى, ولاردىڭ سيپاتتاماسى جانە ورىنداۋ رەتتىلىگى;
جۇمىستاردى جۇرگىزۋ جانە قىسقى ۋاقىت كەزەڭىندە ولاردىڭ ەرەكشەلىكتەرى بويىنشا نۇسقاۋ.
تەحنولوگيالىق وپەراتسيالاردىڭ اتاۋى, ولاردىڭ سيپاتتاماسى جانە ورىنداۋ رەتتىلىگى وسى مەملەكەتتىك نورماتيۆكە 1-قوسىمشادا كەلتىرىلگەن نىسان بويىنشا وپەراتسيالىق كارتا تۇرىندە رەسىمدەلەدى.
14. «ماتەريالدىق-تەحنيكالىق رەسۋرستارعا قاجەتتىلىك» دەگەن ءبولىم مىنالاردى قامتيدى:
وسى مەملەكەتتىك نورماتيۆكە 2-قوسىمشادا كەلتىرىلگەن نىسان بويىنشا جۇمىستاردى جۇرگىزۋ كەزىندە قولدانىلاتىن ماتەريالدار مەن بۇيىمدارعا قاجەتتىلىك ۆەدوموسى;
وسى مەملەكەتتىك نورماتيۆكە 3-قوسىمشادا كەلتىرىلگەن نىسان بويىنشا ماشينالار, تەتىكتەر, جابدىقتار, تەحنولوگيالىق كەرەك-جاراقتار, قۇرال, سايماندار مەن قۇرىلعىلار تىزبەسى.
ماتەريالداردىڭ, بۇيىمداردىڭ جانە جابدىقتاردىڭ سانى مەن نومەنكلاتۋراسى وندىرىستىك نورمالار نەمەسە رەسۋرستار شىعىسىن نورمالاۋ نەگىزىندە بەلگىلەنەتىن جۇمىس سىزبالارى, ەرەكشەلىكتەرى نەمەسە فيزيكالىق كولەمدەرى بويىنشا انىقتالادى.
تەحنولوگيالىق قامتاماسىز ەتۋ قۇرالدارىنىڭ, ماشينالاردىڭ, تەتىكتەر مەن جابدىقتاردىڭ سانى مەن تيپتەرى جۇمىستاردىڭ كولەمدەرىنە, ولاردى ورىنداۋ مەرزىمدەرىنە, اۋىسىمدار سانىنا جانە ججر-گە سايكەس تەحنولوگيالىق كارتادا قابىلدانعان جۇمىستاردى ۇيىمداستىرۋ سحەماسى بويىنشا انىقتالادى.
15. «جۇمىستاردىڭ ساپاسىنا قويىلاتىن تالاپتار» دەگەن ءبولىم قۇرىلىس-مونتاجداۋ جۇمىستارىن جۇرگىزۋ جانە قابىلداۋ كەزىندە مىناداي باقىلاۋ ادىستەرى مەن قۇرالدارىنان تۇرادى:
تۇسەتىن ءونىمدى كىرىس باقىلاۋ;
تەحنولوگيالىق وپەراتسيالاردى ورىنداۋ ساتىلارىندا وپەراتسيالىق باقىلاۋ;
ورىندالعان جۇمىستاردى قابىلداۋ باقىلاۋ.
باقىلاۋدىڭ بارلىق تۇرلەرى ءۇشىن مىنالار كورسەتىلەدى:
باقىلاناتىن كورسەتكىشتەر;
باقىلاۋ ورنى;
باقىلاۋ كولەمى;
باقىلاۋ مەرزىمدىلىگى;
باقىلاۋ ءادىسى جانە نورماتيۆتىك قۇجاتتى بەلگىلەۋ;
ولشەم قۇرالدارى جانە سىناق جابدىعى, ماركاسى ء(تيپى), تەحنيكالىق سيپاتتامالارى (ولشەۋ اۋقىمى, ءبولۋ باعاسى, دالدىك سىنىبى جانە تاعى باسقا);
باقىلاۋدى ورىنداۋشى ء(بولىم, قىزمەت, مامان);
باقىلاۋ ناتيجەلەرى تىركەلەتىن قۇجات (جۇمىس جۋرنالدارى, جاسىرىن جۇمىستاردى كۋالاندىرۋ اكتىلەرى, سىناقتار حاتتامالارى جانە قۇجاتتاردىڭ باسقا دا تۇرلەرى).
تەحنولوگيالىق پروتسەستەردى باقىلاۋ كارتاسى وسى مەملەكەتتىك نورماتيۆكە 4-قوسىمشادا كەلتىرىلگەن نىسان بويىنشا رەسىمدەلەدى.
16. «قاۋىپسىزدىك تەحنيكاسى جانە ەڭبەكتى قورعاۋ» دەگەن ءبولىم بارلىق جۇمىس ورىندارى ءۇشىن تەحنولوگيالىق وپەراتسيالاردى ورىنداۋدىڭ قاۋىپسىز ادىستەرىنىڭ سيپاتتاماسىن قامتيدى, ونىڭ ىشىندە:
ەڭبەكتى قورعاۋ جانە قاۋىپسىزدىك تەحنيكاسى بويىنشا شەشىمدەر;
قاۋىپتى ايماقتاردى, ەسكەرتۋ جازبالارى مەن بەلگىلەرىن, جۇمىس ورىندارىن جارىقتاندىرۋ تاسىلدەرىن كورسەتە وتىرىپ, جۇمىس ورىندارىن قاۋىپسىز ۇيىمداستىرۋ سحەمالارى;
تەحنولوگيالىق قامتاماسىز ەتۋ قۇرالدارىن, ماشينالاردى, تەتىكتەر مەن جابدىقتاردى قاۋىپسىز پايدالانۋ قاعيدالارى;
قولدانىلاتىن جەكە قورعانۋ قۇرالدارى جانە ولاردى پايدالانۋ بويىنشا نۇسقاۋلار;
دانەكەرلەۋ جۇمىستارىن جانە اشىق الاۋ وتتى پايدالانۋعا بايلانىستى جۇمىستاردى قاۋىپسىز ورىنداۋ قاعيدالارى;
جۇمىستاردى جۇرگىزۋگە قويىلاتىن ەكولوگيالىق تالاپتار (قالدىقتاردى جيناۋ جانە جويۋ شارتتارى, شۋ دەڭگەيىن شەكتەۋ, جۇمىس ايماعىنىڭ اۋاسىنداعى زياندى زاتتاردىڭ, توزاڭنىڭ شوعىرلانۋى).
ەڭبەك قاۋىپسىزدىگى جانە قورعاۋ بويىنشا شەشىمدەردىڭ قۇرامى مەن مازمۇنى قازاقستان رەسپۋبليكاسىنىڭ ساۋلەت, قالا قۇرىلىسى جانە قۇرىلىس قىزمەتى سالاسىنداعى زاڭناما تالاپتارىنا سايكەس جاسالادى.
17. «ەڭبەك شىعىندارىنىڭ كالكۋلياتسياسى» دەگەن ءبولىم وسى مەملەكەتتىك نورماتيۆكە 5-قوسىمشانىڭ نىسانى بويىنشا ەڭبەك شىعىندارىنىڭ كالكۋلياتسيالار كەستەسىنەن تۇرادى.
تەحنولوگيالىق پروتسەستىڭ نەگىزگى وپەراتسيالارى ولاردى ورىنداۋدىڭ تەحنولوگيالىق رەتتىلىگىندە كەلتىرىلەدى.
كالكۋلياتسياعا, سونداي-اق, دايىندىق, قوسالقى جانە قورىتىندى جۇمىستار كەزىندە (جۇمىس ايماعىندا ماتەريالدار مەن بۇيىمداردى ءتۇسىرۋ جانە جيىپ قويۋ, ماتەريالدار مەن بۇيىمداردى جيىپ قويۋ نەمەسە مونتاجداۋ ورنىنا جەتكىزۋ) ورىندالاتىن تەحنولوگيالىق وپەراتسيالار ەنگىزىلەدى.
3. تەحنولوگيالىق كارتالاردى ازىرلەۋ, كەلىسۋ جانە بەكىتۋ ءتارتىبى
18. تەحنولوگيالىق كارتانى تاپسىرىس بەرۋشىنىڭ تاپسىرىسى بويىنشا جوبالاۋ-تەحنولوگيالىق ۇيىمى, سونداي-اق, مەردىگەرلىك قۇرىلىس ۇيىمى ازىرلەيدى.
19. تەحنولوگيالىق كارتالاردى ازىرلەۋ تاپسىرىس بەرۋشى جانە ازىرلەۋشى اراسىنداعى ولاردى ورىنداۋ شارتى بويىنشا جۇزەگە اسىرىلادى. شارت جاساسۋ كەزىندە تاپسىرىس بەرۋشى نورماتيۆتىك-تەحنيكالىق قۇجاتتى ازىرلەۋگە قىسقاشا تەحنيكالىق تاپسىرمانى (تەحنيكالىق ەرەكشەلىكتى) بەكىتەدى, وندا ازىرلەمەنىڭ نەگىزگى ماقساتتارى جانە مىندەتتەرى, جۇمىس كەزەڭدەرى جانە ولاردى ورىنداۋ مەرزىمدەرى, سونداي-اق, پىكىر الۋ جانە كەلىسۋ ءۇشىن قۇجاتتىڭ جىبەرىلۋى قاجەت ۇيىمدار كورسەتىلەدى.
تەحنولوگيالىق كارتانى ازىرلەۋدى نەگىزگى ازىرلەۋشى جانە بىرلەسىپ ورىنداۋشىلار نورماتيۆتىك-تەحنيكالىق قۇجاتتى شارتتا بەلگىلەنگەن مەرزىمدە ساپالى دايىنداۋدى قامتاماسىز ەتەتىن, ءوزارا كەلىسىلگەن تارتىپتە ۇيىمداستىرادى.
تەحنولوگيالىق كارتانى ازىرلەۋدى ۇيىمداستىرۋ باستاپقى كەزەڭدە باستاپقى قۇجاتتامانى جيناۋدى جانە تالداۋدى (تەحنيكالىق, تەحنولوگيالىق) قامتيدى.
20. تەحنولوگيالىق كارتانى ازىرلەۋ وڭتايلى شەشىمدەردى تاڭداۋ شارتى كەزىندە مىنا فاكتورلار بويىنشا جۇزەگە اسىرىلادى:
ءوندىرىس تەحنولوگياسى جانە جۇمىستاردى ۇيىمداستىرۋ;
ەڭبەكتى قورعاۋ, ەكولوگيالىق جانە ءورت قاۋىپسىزدىگى;
تەحنولوگيالىق قامتاماسىز ەتۋ قۇرالدارى مەن ماتەريالدىق-تەحنيكالىق رەسۋرستار قۇرامى.
21. تەحنولوگيالىق كارتالار ساۋلەت, قالا قۇرىلىسى جانە قۇرىلىس قىزمەتى سالاسىنداعى قازاقستان رەسپۋبليكاسىنىڭ زاڭناماسىنا سايكەس مۇددەلى مەملەكەتتىك ورگاندارمەن كەلىسىلەدى.
22. تەحنولوگيالىق كارتالاردى تاپسىرىس بەرۋشى ساۋلەت, قالا قۇرىلىسى جانە قۇرىلىس ىستەرى جونىندەگى ۋاكىلەتتى مەملەكەتتىك ورگان بەلگىلەگەن تارتىپتە بەكىتەدى جانە قولدانىسقا ەنگىزەدى.
23. تەحنولوگيالىق كارتالاردى باسىپ شىعارۋدى جانە تاراتۋدى تاپسىرىس بەرۋشى نەمەسە تاپسىرىس بەرۋشىمەن جاسالعان شارت نەگىزىندە ونىڭ تاپسىرماسى بويىنشا باسقا دا ۇيىم جۇزەگە اسىرادى.
ساۋلەت, قالا قۇرىلىسى جانە قۇرىلىس ىستەرى جونىندەگى ۋاكىلەتتى مەملەكەتتىك ورگانى بولىپ تابىلاتىن مەنشىك يەسى تەحنولوگيالىق كارتالاردى باسىپ شىعارۋ مەن تاراتۋدى قازاقستان رەسپۋبليكاسىنىڭ ساۋلەت, قالا قۇرىلىسى جانە قۇرىلىس قىزمەتى سالاسىنداعى زاڭناماسىنا سايكەس جۇزەگە اسىرادى.
4. تەحنولوگيالىق كارتالارعا وزگەرىستەر مەن تولىقتىرۋلار ەنگىزۋ ءتارتىبى
24. تەحنولوگيالىق كارتانىڭ بەلگىلەنگەن قولدانىس مەرزىمى – 5 جىل.
تەحنولوگيالىق كارتانىڭ قولدانىس مەرزىمى وتكەننەن كەيىن تاپسىرىس بەرۋشى ازىرلەۋشى ۇيىممەن بىرلەسىپ, تەحنولوگيالىق كارتانىڭ قولدانىس مەرزىمىن ۇزارتۋ, تۇزەتۋ نەمەسە اينالىمنان الۋ تۋرالى شەشىم قابىلدايدى.
25. تەحنولوگيالىق كارتانىڭ قولدانىس مەرزىمى ۇزارتىلعان كەزدە ازىرلەۋشى ۇيىم تەحنولوگيالىق كارتالاردى تۇزەتۋدى جۇرگىزەدى (ولار بولعان كەزدە وزگەرىستەر مەن تولىقتىرۋلار ەنگىزىلەدى), سونداي-اق, مىناداي بولىكتە ولاردى وزەكتەندىرۋ جۇرگىزىلەدى:
جۇمىستاردىڭ تەحنولوگياسى مەن كولەمدەرىن ناقتىلاۋ;
پايدالانىلاتىن نورماتيۆتىك قۇجاتتار;
قولدانىلاتىن باقىلاۋ قۇرالدارى;
قولدانىلاتىن تەحنولوگيالىق قامتاماسىز ەتۋ قۇرالدارى, ماشينالار, تەتىكتەر مەن جابدىقتار;
ەڭبەك پەن ماشينا ۋاقىت شىعىندارىنىڭ كالكۋلياتسياسى;
قاۋىپسىزدىك تەحنيكاسى مەن ەڭبەكتى قورعاۋ بويىنشا ءىس-شارالار.
بۇل رەتتە, ەسكىرگەن جانە ونەركاسىپ بۇدان ءارى شىعارمايتىن ماشينالاردى, جابدىقتاردى, تەحنولوگيالىق كەرەك-جاراقتاردى, قۇرىلىس ماتەريالدارىن جانە بۇيىمداردى اۋىستىرۋ جۇرگىزىلەدى.
تەحنولوگيالىق كارتالاردى تۇزەتكەننەن كەيىن ازىرلەۋشى ۇيىم وسى مەملەكەتتىك ءنورماتيۆتىڭ 3-تاراۋىنىڭ تالاپتارىنا سايكەس ونى كەلىسەدى جانە بەكىتەدى.
26. ازىرلەۋشى ۇيىم تاپسىرىس بەرۋشىگە حابارلاۋ نەگىزىندە قولدانىستاعى زاڭناما نورمالارىنىڭ تالاپتارىنا سايكەس ولاردىڭ قولدانىس مەرزىمى ىشىندە پاراقتاردى اۋىستىرۋ نەمەسە جاڭا قوسىمشا پاراقتاردى قوسۋ ارقىلى تەحنولوگيالىق كارتالارعا وزگەرىستەر مەن تولىقتىرۋلار ەنگىزەدى.
27. تەحنولوگيالىق كارتانى اينالىمنان الۋ ول تۋرالى ازىرلەۋشى ۇيىمعا حابارلانىپ, ولاردى جويۋ ارقىلى جۇرگىزىلەدى. تەحنولوگيالىق كارتانى وزگەرتۋ نەمەسە اينالىمنان الۋ تۋرالى اقپارات اقپاراتتىق باسىلىمداردا كورسەتىلەدى.
5. تەحنولوگيالىق كارتالاردى رەسىمدەۋ ەرەجەلەرى
28. تەحنولوگيالىق كارتا قازاقستان رەسپۋبليكاسىنىڭ ساۋلەت, قالا قۇرىلىسى جانە قۇرىلىس قىزمەتى سالاسىنداعى زاڭنامامەن بەلگىلەنگەن تالاپتارعا سايكەس رەسىمدەلەدى.
29. تەحنولوگيالىق كارتالار مەملەكەتتىك جانە ورىس تىلدەرىندە باسىپ شىعارىلادى.
30. تەحنولوگيالىق كارتا باسىلىم سياقتى - ا4 فورماتىنداعى پاراقتاردا ماتىندىك, كەستەلىك جانە گرافيكالىق ماتەريالدى كومپيۋتەرلىك تەرۋمەن رەسىمدەلەدى.
31. تەحنولوگيالىق كارتانىڭ مۇقابا پاراعى, العىسوزى, مازمۇنى, مازمۇنىنىڭ ارعى بەتىندە كىرىسپەسى (قاجەتتىلىگىنە قاراي) جانە نورماتيۆتىك-تەحنيكالىق قۇجاتتىڭ ءماتىنى ءبىر شمۋتستيتۋلى بار.
32. ۋاكىلەتتى مەملەكەتتىك ورگانى بەكىتەتىن تەحنولوگيالىق كارتالاردىڭ مۇقابا پاراعى وسى مەملەكەتتىك نورماتيۆكە 6-قوسىمشاعا سايكەس رەسىمدەلەدى.
قۇرىلىس مەردىگەرلىك ۇيىمى بەكىتەتىن تەحنولوگيالىق كارتالاردىڭ مۇقابا پاراعى وسى مەملەكەتتىك نورماتيۆكە 7-قوسىمشاعا سايكەس رەسىمدەلەدى
33. العىسوز, مازمۇنى, كىرىسپە جانە ماتىندىك بولىك قولدانىستاعى مەملەكەتتىك ستاندارتتارعا سايكەس ورىندالادى.
34. «كىرىسپە» نورماتيۆتىك-تەحنيكالىق قۇجاتتى ازىرلەۋگە نەگىزدەمە, پايدالانۋشىلارعا وسى تەحنولوگيالىق كارتانى قولدانۋدى جەڭىلدەتەتىن اقپاراتتى كەلتىرۋ قاجەت بولعان كەزدە كەلتىرىلەدى.
«كىرىسپە» تالاپتاردان تۇرمايدى.
35. ۋاكىلەتتى مەملەكەتتىك ورگانى بەكىتەتىن تەحنولوگيالىق كارتالاردىڭ شمۋتستيتۋلى وسى مەملەكەتتىك نورماتيۆكە 8-قوسىمشاعا سايكەس رەسىمدەلەدى.
6. تەحنيكالىق-نورمالاۋ كارتالارىن ازىرلەۋ, كەلىسۋ جانە بەكىتۋ
36. تەحنيكالىق-نورمالاۋ كارتاسى قولدانىستاعى سمەتالىق نورمالاردى تۇزەتۋدىڭ نەگىزدەمەسى ءۇشىن قولدانىلاتىن قۇرىلىستاعى قوسالقى نورماتيۆتىك-تەحنيكالىق قۇجات بولىپ تابىلادى.
37. تەحنيكالىق-نورمالاۋ كارتالارى مىناداي بولىمدەر بويىنشا قىسقاشا اقپاراتتان تۇرادى:
جۇمىس ءوندىرىسىن ۇيىمداستىرۋ جانە ونىڭ تەحنولوگياسى;
نەگىزگى قولدانىلاتىن ماتەريالدار مەن بۇيىمداردىڭ سيپاتتامالارى;
ماتەريالدىق-تەحنيكالىق رەسۋرستار;
ەڭبەك شىعىندارىنىڭ كالكۋلياتسياسى.
38. تەحنيكالىق-نورمالاۋ كارتالارى بولىمدەرىنىڭ مازمۇنى تەحنولوگيالىق كارتالاردىڭ وسىعان ۇقساس بولىمدەرىنىڭ مازمۇنىنا قويىلاتىن تالاپتارعا سايكەس كەلەدى.
39. تەحنيكالىق-نورمالاۋ كارتالارىن ازىرلەۋ, كەلىسۋ جانە بەكىتۋ قۇرىلىستاعى تەحنولوگيالىق كارتالاردى ازىرلەۋدىڭ, كەلىسۋدىڭ جانە بەكىتۋدىڭ تارتىبىنە سايكەس جۇزەگە اسىرىلادى.
تەحنولوگيالىق كارتالاردى ازىرلەۋ, كەلىسۋ, بەكىتۋ جانە ولاردىڭ مازمۇنى جونىندەگى
مەملەكەتتىك نورماتيۆكە 1-قوسىمشا
نىسان
وپەراتسيالىق كارتا
______________________________________________________
(جۇمىستاردىڭ اتاۋى)
وپەراتسيانىڭ اتاۋى تەحنولوگيالىق قامتاماسىز ەتۋ قۇرالدارى (تەحنولوگيالىق كەرەك-جاراقتار, قۇرال, سايماندار, قۇرىلعىلار), ماشينالار, تەتىكتەر, جابدىق ورىنداۋشى وپەراتسيانىڭ سيپاتتاماسى
تەحنولوگيالىق كارتالاردى ازىرلەۋ, كەلىسۋ, بەكىتۋ جانە ولاردىڭ مازمۇنى جونىندەگى مەملەكەتتىك نورماتيۆكە 2-قوسىمشا
نىسان
جۇمىستاردى جۇرگىزۋ كەزىندە قولدانىلاتىن ماتەريالدار مەن بۇيىمدارعا قاجەتتىلىك
ۆەدوموسى
ر/س № ماتەريالدىڭ, بۇيىمنىڭ اتاۋى مەمست, قر ست سەرتيفيكات جانە تاعى باسقا ولشەم بىرلىگى سانى
تەحنولوگيالىق كارتالاردى ازىرلەۋ, كەلىسۋ, بەكىتۋ جانە ولاردىڭ مازمۇنى جونىندەگى
مەملەكەتتىك نورماتيۆكە 3-قوسىمشا
نىسان
ماشينالار, تەتىكتەر, جابدىقتار, تەحنولوگيالىق كەرەك-جاراقتار,
قۇرال, سايماندار مەن قۇرىلعىلار تىزبەسى
ر/س № اتاۋى ءتيپى, ماركاسى ماقساتى نەگىزگى تەحنيكالىق سيپاتتامالارى بۋىنعا (بريگاداعا) ارنالعان سانى, دانا
تەحنولوگيالىق كارتالاردى ازىرلەۋ, كەلىسۋ, بەكىتۋ جانە ولاردىڭ مازمۇنى
جونىندەگى مەملەكەتتىك نورماتيۆكە 4-قوسىمشا
نىسان
تەحنولوگيالىق پروتسەستەردى باقىلاۋ
كارتاسى
باقىلاۋ وبەكتىسى (تەحنو-لوگيالىق پروتسەسس) باقىلاناتىن پارامەتر باقىلاۋ (سىناما-لاردى ىرىكتەۋ) ورنى باقى-لاۋ مەرزىم-دىلىگى باقىلاۋدى نەمەسە سىناقتار وتكىزۋدى ورىنداۋشى باقى-لاۋ ءادىسى, نتق بەلگى-لەرى ولشەۋ, سىناق قۇرالدارى باقىلاۋ ناتيجەلەرىن رەسىمدەۋ
اتاۋى نومي-نالدىق ءمانى شەكتى اۋىتقۋ ءتيپى, ماركاسى, نتق بەلگىلەرى ولشەمدەر اۋقىمى, قاتەلىكتەرى, دالدىك سىنىبى
كىرىس باقىلاۋ
وپەراتسيالىق باقىلاۋ
قابىلداۋ باقىلاۋى
تەحنولوگيالىق كارتالاردى ازىرلەۋ, كەلىسۋ, بەكىتۋ جانە ولاردىڭ مازمۇنى
جونىندەگى مەملەكەتتىك نورماتيۆكە 5-قوسىمشا
نىسان
ەڭبەك شىعىندارىنىڭ كالكۋلياتسياسى
ر/س № جۇمىستاردىڭ اتاۋى ولشەم بىرلىگى جۇمىستار-دىڭ كولەمى ولشەم بىرلىگىنە ۋاقىت نورماسى, ادام-ساع. (ماش.-ساع.) جۇمىستاردىڭ كولەمىنە ەڭبەك شىعىندارى, ادام-ساع. (ماش.-ساع.)
تەحنولوگيالىق كارتالاردى ازىرلەۋ, كەلىسۋ, بەكىتۋ جانە ولاردىڭ مازمۇنى
جونىندەگى مەملەكەتتىك نورماتيۆكە 6-قوسىمشا
نىسان
ۋاكىلەتتى مەملەكەتتىك ورگانى بەكىتەتىن تەحنولوگيالىق كارتالاردىڭ مۇقابا پاراعى
ساۋلەت, قالا قۇرىلىسى جانە قۇرىلىس سالاسىنداعى مەملەكەتتىك نورماتيۆتەر (مەملەكەتتىك/ ورىس تىلدەرىندە)
______________________________________________________________
______________________________________________________________
(تەحنولوگيالىق كارتالار) مەملەكەتتىك/ ورىس تىلدەرىندە
ءتۇرلى-ءتۇستى جولاق:
«كەرەگە» بولشەگى
بار كوك _______________________________________________________________
(تەحنولوگيالىق كارتانىڭ اتاۋى) – مەملەكەتتىك/ ورىس تىلدەرىندە
_______________________________________________________________
_______________________________________________________________
(تەحنولوگيالىق كارتانىڭ بەلگىلەرى) - مەملەكەتتىك/ ورىس تىلدەرىندە
رەسمي باسىلىم – مەملەكەتتىك/ ورىس تىلدەرىندە
_______________________________________________________________
(قۇجاتتى بەكىتكەن ۋاكىلەتتى ورگاننىڭ اتاۋى) –
مەملەكەتتىك/ ورىس تىلدەرىندە
_______________________________________________________________
( ۋاكىلەتتى ورگان ورنالاسقان قالا)
_______________________________________________________________
(باسىپ شىعارىلعان جىل)
تەحنولوگيالىق كارتالاردى ازىرلەۋ, كەلىسۋ, بەكىتۋ جانە ولاردىڭ مازمۇنى
جونىندەگى مەملەكەتتىك نورماتيۆكە 7-قوسىمشا
نىسان
قۇرىلىس مەردىگەرلىك ۇيىمى بەكىتەتىن
تەحنولوگيالىق كارتالاردىڭ مۇقابا پاراعى
(ۇسىنىلاتىن)
تاپسىرىس بەرۋشى ۇيىمنىڭ اتاۋى
ازىرلەۋشى ۇيىمنىڭ اتاۋى
بەكىتەمىن
_______________________
لاۋازىمى
_______________________
قولى ت. ا. ءا.
20_____ج. «____»_______
تەحنولوگيالىق كارتا
__________________________________________________________
جۇمىستاردىڭ اتاۋى
تەحنولوگيالىق كارتانىڭ بەلگىلەرى
قولدانىس مەرزىمى 20__ج. «__»_____ باستاپ
20___ج. «___»_______________ دەيىن
كەلىسىلگەن:
تەحنولوگيالىق كارتانى كەلىسكەن
تۇلعالاردىڭ لاۋازىمدارى جانە قولدارى ازىرلەنگەن:
تەحنولوگيالىق كارتانى ازىرلەۋشىلەردىڭ لاۋازىمدارى جانە قولدارى
تەحنولوگيالىق كارتالاردى ازىرلەۋ, كەلىسۋ, بەكىتۋ جانە ولاردىڭ مازمۇنى
جونىندەگى مەملەكەتتىك نورماتيۆكە 8-قوسىمشا
نىسان
ۋاكىلەتتى مەملەكەتتىك ورگانى بەكىتەتىن تەحنولوگيالىق كارتالاردىڭ شمۋتستيتۋلى
_____________________________________________
مەملەكەتتىك جانە ورىس تىلدەرىندە تەحنولوگيالىق كارتانىڭ بەلگىلەرى
___________________________________________________________________________
(تەحنولوگيالىق كارتا) – مەملەكەتتىك جانە ورىس تىلدەرىندە
___________________________________________________________________________
(قازاق تىلىندەگى / ورىس تىلىندەگى تەحنولوگيالىق كارتانىڭ اتاۋى)
قولدانىسقا ەنگىزىلگەن كۇنى __________________________
(جىلى, ايى, كۇنى)
ءماتىن – مەملەكەتتىك جانە ورىس تىلدەرىندە
___________________________________________________________________________
رەسمي باسىلىم (مەملەكەتتىك جانە ورىس تىلدەرىندە)
____________________________________________________________________________
ءاوج حقج
نەگىزگى سوزدەر: تەحنولوگيالىق كارتا, تەحنولوگيالىق وپەراتسيا, ازىرلەۋ, كەلىسۋ, بەكىتۋ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 21 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12900 بولىپ ەنگىزىلدى.