قازاقستان رەسپۋبليكاسى ىشكى ىستەر ءمينيسترىنىڭ 2010 جىلعى 31 جەلتوقسانداعى № 538 بۇيرىعىمەن بەكىتىلگەن
ۋچاسكەلىك پوليتسيا ينسپەكتورلارىن اكىمشىلىك ۋچاسكە حالقىنىڭ پىكىرىن ەسكەرە وتىرىپ تاعايىنداۋ ەرەجەسى
جالپى ەرەجەلەر
1. وسى ەرەجە اكىمشىلىك ۋچاسكە حالقىنىڭ ۇمىتكەردى اشىق تالقىلاۋىن ەسكەرە وتىرىپ, ىشكى ىستەر ورگاندارىنىڭ ۋچاسكەلىك پوليتسيا ينسپەكتورلارى لاۋازىمىنا تاعايىنداۋ شارتتارى مەن ءتارتىبىن بەلگىلەيدى. 2. اكىمشىلىك ۋچاسكە تۇرعىندارىنىڭ پىكىرىن ەسكەرە وتىرىپ, ىشكى ىستەر ورگانىنىڭ ۋچاسكەلىك پوليتسيا ينسپەكتورى لاۋازىمىنا تاعايىنداۋ ءراسىمىن ەنگىزۋ ماقساتى: قوعامدىق قاۋىپسىزدىكتى قامتاماسىز ەتۋ جونىندەگى شارالاردى ازىرلەۋ جانە ىسكە اسىرۋ پروتسەسىندە پوليتسيا مەن حالىق اراسىنداعى سەرىكتەستىك قارىم-قاتىناستاردى ورناتۋ مەن دامىتۋ; ۋچاسكەلىك پوليتسيا ينسپەكتورلارىنىڭ ازاماتتاردىڭ الدىندا جاۋاپكەرشىلىگىن كۇشەيتۋ; ىشكى ىستەر ورگاندارىنىڭ قىزمەتىنە دەگەن حالىقتىڭ سەنىمىن ارتتىرۋ بولىپ تابىلادى. 3. اكىمشىلىك ۋچاسكەنىڭ اۋماعىندا كامەلەتكە تولعان, تۇرعىلىقتى جەرى بويىنشا تۇراقتى تۇراتىن جانە تىركەلگەن ادامدار قاتارىنان جەرگىلىكتى قاۋىمداستىق جينالىسىنىڭ (جيىنىنىڭ) شەشىمى ۋچاسكەلىك پوليتسيا ينسپەكتورىنىڭ بوس لاۋازىمىنا تاعايىنداۋ نە بولماسا لاۋازىمعا تاعايىنداۋدان باس تارتۋ ءۇشىن نەگىز بولىپ تابىلادى. 4. نەگىزگى كريتەريلەر: 1) «قازاقستان رەسپۋبليكاسىنىڭ ىشكى ىستەر ورگاندارى تۋرالى» قازاقستان رەسپۋبليكاسى زاڭىنىڭ 15-بابىنا سايكەستىگى; 2) وڭ مىنەزدەمە; 3) ارىپتەستەرى مەن باسشىلىقتىڭ ۇسىنىمدارى (كەمىندە ەكەۋ).2. ۋچاسكەلىك پوليتسيا ينسپەكتورلارىن تاعايىنداۋ ءتارتىبى
5. قالالىق, اۋداندىق ىشكى ىستەر ورگانى (بۇدان ءارى – قاىىو) كادر اپپاراتتارى ارقىلى ۋچاسكەلىك پوليتسيا ينسپەكتورلارىنىڭ بوس لاۋازىمدارى جانە بايانات قابىلداۋ مەرزىمىنىڭ باستالۋى مەن اياقتالۋى تۋرالى اقپاراتتى جەكە قۇرامنىڭ نازارىنا جەتكىزەدى. 6. ۋچاسكەلىك پوليتسيا ينسپەكتورلارى لاۋازىمىنا تاعايىنداۋ تۋرالى بايانات تاپسىرعان پوليتسيا قىزمەتكەرلەرى مەديتسينالىق كۋالاندىرۋ ءۇشىن اسكەري-دارىگەرلىك كوميسسيالارعا جىبەرىلەدى, سونداي-اق نورماتيۆتىك قۇقىقتىق اكتىلەردى بىلۋىنە, جاۋىنگەرلىك جانە دەنە شىنىقتىرۋ دايارلىعىنىڭ دەڭگەيىنە سىناقتان وتكىزىلەدى. 7. بايانات قابىلداۋ اياقتالعان كۇننەن باستاپ ون كۇن وتكەن سوڭ كادر اپپاراتى بايانات تاپسىرعان قىزمەتكەرلەردىڭ جەكە ىستەرىن زەردەلەيدى جانە قاىىو-نىڭ باسشىسىنا اقپارات ەنگىزەدى. ورگان باسشىسى ءۇش كۇن ىشىندە قىزمەتكەرلەردى ۋچاسكەلىك پوليتسيا ينسپەكتورىنىڭ بوس لاۋازىمىنا ۇمىتكەر رەتىندە بەكىتۋ تۋرالى شەشىم قابىلدايدى, ول تۋرالى بايانات تاپسىرعان ءاربىر قىزمەتكەردى حاباردار ەتەدى. 8. ۋچاسكەلىك پوليتسيا ينسپەكتورىنىڭ بوس لاۋازىمىنا ۇمىتكەر رەتىندە بەكىتىلگەننەن كەيىن كۇنتىزبەلىك ون كۇن ىشىندە ىشكى ىستەر ورگانىنىڭ باسشىلىعى ءتيىستى اكىمشىلىك اۋماقتىق بىرلىكتىڭ جەرگىلىكتى اتقارۋشى ورگاندارىنا ۇمىتكەردى اكىمشىلىك ۋچاسكەنىڭ حالقىمەن اشىق تالقىلاۋ ءۇشىن جەرگىلىكتى قاۋىمداستىقتىڭ جينالىسىن (جيىنىن) وتكىزۋ قاجەتتىلىگى, ونى وتكىزۋ ورنى مەن ۋاقىتى تۋرالى قولداۋحات جولدايدى. وتكىزىلەتىن جينالىس پەن ۇمىتكەرلەر تۋرالى اقپارات تۇرعىنداردىڭ نازارىنا تۇسەتىن جەرلەرگە (حابارلاندىرۋلار ستەند, باق, ىشكى ىستەر دەپارتامەنتىنىڭ (بۇدان ءارى – ءىىد) سايتتارى جانە باسقا دا قولجەتىمدى تاسىلدەر) ورنالاستىرىلادى. 9. جەرگىلىكتى قاۋىمداستىقتىڭ جينالىسىن (جيىنىن) ۇيىمداستىرۋ جانە ونىڭ شەشىمىن قابىلداۋ جينالىس (جيىن) وتكىزۋ جانە ونى «قازاقستان رەسپۋبليكاسىنىڭ جەرگىلىكتى مەملەكەتتىك جانە ءوزىن-ءوزى باسقارۋ باسقارمالارى تۋرالى» قازاقستان رەسپۋبليكاسى زاڭىنىڭ 39-3-بابى 2-تارماعىنا سايكەس وبلىستىق (رەسپۋبليكالىق ماڭىزى بار قالالار مەن ەلوردا) ءماسليحاتتار بەلگىلەيتىن شەشىم قابىلداۋ تارتىبىنە سايكەس جۇزەگە اسىرىلادى. 10. جەرگىلىكتى قاۋىمداستىقتىڭ جينالىسىندا (جيىنىندا) قاىىو باسشىلىعى ۋچاسكەلىك پوليتسيا ينسپەكتورىنىڭ بوس لاۋازىمىنا ۇمىتكەرلەردى تانىستىرادى, سونداي-اق اكىمشىلىك ۋچاسكە حالقى ولاردىڭ قىزمەتتىك تىزىمىمەن, قىزمەتتىك مىنەزدەمەلەرىمەن تانىسادى. 11. جەرگىلىكتى قاۋىمداستىق جينالىسىنىڭ (جيىنىنىڭ) شەشىمى نەگىزىندە قاىىو-نىڭ باستىعى ءىىد-ءنىڭ باستىعىنا ۋچاسكەلىك پوليتسيا ينسپەكتورىن تاعايىنداۋ تۋرالى ۇسىنىمحات ەنگىزەدى. 12. ىشكى ىستەر دەپارتامەنتىنىڭ باستىعى ۋچاسكەلىك پوليتسيا ينسپەكتورىن لاۋازىمعا تاعايىنداۋ تۋرالى بۇيرىق شىعارادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 9 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6770 بولىپ ەنگىزىلدى.