پرەمەر-مينيستر كارىم ءماسىموۆ ەۋروپا قايتا قۇرۋ جانە دامۋ بانكىنىڭ (ەقدب) تۇركيا, وڭتۇستىك-شىعىس ەۋروپا, كاۆكاز جانە ورتالىق ازيا ەلدەرى بويىنشا باس ديرەكتورى وليۆە دەكامپپەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋ بارىسىندا قازاقستان مەن ەقدب اراسىنداعى كولىك, ينفراقۇرىلىم جوبالارىن جۇزەگە اسىرۋ سالاسىنداعى, قارجى جانە ەنەرگەتيكا سالالارىنداعى ءوزارا ءىس-قيمىلدار جونىندەگى ماسەلەلەر تالقىلاندى.
تاراپتار سول سياقتى استانا قالاسىندا وتەتىن ەقدب باسقارۋشىلارىنىڭ جىل سايىنعى 20-سىنشى جينالىسىنا دايىندىق ماسەلەلەرى تۋرالى دا اڭگىمە قوزعادى.