(رەسپۋبليكالىق سايلاۋعا قاتىسۋ ءۇشىن قازاقستان رەسپۋبليكاسىنىڭ ازاماتتارىنىڭ جەكە باسىن كۋالاندىراتىن قۇجاتتارىنىڭ ءبىرى بولۋى قاجەت (تولقۇجات نەمەسە جەكە كۋالىك).
سونىمەن قاتار, ازاماتتارعا جەكە كۋالىگى جوعالعان, قولدانىسقا جارامسىز بولعان جاعدايلاردا جانە جەكە باسىن كۋالاندىراتىن قۇجاتتارى جوق ازاماتتارعا ولاردىڭ ءوتىنىشى بويىنشا جەكە باسىن كۋالاندىراتىن جاڭا قۇجاتتار العانعا دەيىن ادىلەت ورگاندارىمەن تۇرعىلىقتى جەرى بويىنشا (تىركەۋ) ۋاقىتشا جەكە كۋالىك بەرىلەتىنىن حابارلايمىز.
ۋاقىتشا جەكە كۋالىك قازاقستان رەسپۋبليكاسىنىڭ اۋماعىندا جارامدى جانە سايلاۋعا قاتىسۋ ءۇشىن قولدانۋعا بولادى.
وسىعان وراي, جوعارىدا كورسەتىلگەن سەبەپتەرگە بايلانىستى سايلاۋعا دەيىن, جەكە باستى كۋالاندىراتىن قۇجاتتار بولماعان جانە ولار دايىندالماعان جاعدايدا, ءسىز ادىلەت باسقارماسىنىڭ تۇرعىلىقتى جەرىڭىز بويىنشا (تىركەۋ) اۋماقتىق حالىقتى قۇجاتتاندىرۋ جانە تىركەۋ بولىمدەرىنە جۇگىنىپ, ۋاقىتشا جەكە كۋالىك الۋ ءۇشىن كەلەسى قۇجاتتارىڭىزدى ۇسىنۋعا قۇقىلىسىز:
– اۋماقتىق ادىلەت باسقارماسى باسشىسىنىڭ اتىنا ءوتىنىش;
– تۇراقتى تىركەۋدى راستايتىن ازاماتتاردى تىركەۋ كىتابى نەمەسە مەكەن-جاي بيۋروسىنىڭ انىقتاماسى;
– جەكە باستى كۋالاندىراتىن قۇجات ءۇشىن ايلىق ەسەپتىك كورسەتكىشتىڭ 20% كولەمىندە مەملەكەتتىك باج تولەمى تولەنگەنى تۋرالى تۇبىرتەك;
3,5 ح4,5 سم كولەمىندەگى 1 فوتوسۋرەت, دەپ حابارلادى ادىلەت مينيسترلىگىنىڭ ءباسپاسوز قىزمەتى. تەل./فاكس: 74-06-01, ۆەب-سايت: http://www.minjust.kz, ەلەكتروندىق مەكەن-جايى: press@minjust.kz