كەشە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ ۇقشۇ ۇجىمدىق قاۋىپسىزدىك كەڭەسى وتىرىسىنا قاتىسۋ اياسىندا ارمەنيا رەسپۋبليكاسىنىڭ پرەمەر-ءمينيسترى كارەن كاراپەتيانمەن كەزدەستى. بۇل تۋرالى قازاقستان رەسپۋبليكاسى پرەمەر-ءمينيسترىنىڭ رەسمي سايتى حابارلادى.
كەزدەسۋ بارىسىندا تاراپتار ساۋدا-ەكونوميكالىق ىنتىماقتاستىق, كولىكتىك جۇك قاتىناسى, ينۆەستيتسيالار, تۋريزم جانە 2017 جىلى قازاقستان-ارمەنيا بيزنەس-فورۋمىن وتكىزۋ ماسەلەلەرىن تالقىلادى. سونداي-اق, ب.ساعىنتاەۆ پەن ك.كاراپەتيان ەاەو اياسىندا الداعى ءوزارا ءىس-قيمىلدىڭ پەرسپەكتيۆالارىن قاراستىردى.
ەسكە سالساق, كەشە قازاقستان رەسپۋبليكاسىنىڭ پرەمەر-ءمينيسترى ب.ساعىنتاەۆ مەملەكەت باسشىسىنىڭ تاپسىرماسىمەن ۇجىمدىق قاۋىپسىزدىك تۋرالى شارت ۇيىمىنىڭ ۇجىمدىق قاۋىپسىزدىك كەڭەسى وتىرىسىنا قاتىسۋ ءۇشىن ەرەۆانعا بارعان بولاتىن.