ەلدەگى كۇنكورىس دەڭگەيى ەڭ تومەن وبلىس انىقتالدى

قازاقستانداعى ەڭ تومەن كۇنكورىس دەڭگەيى جامبىل وبلىسىندا (20 581 تەڭگە) تىركەلدى. بۇل تۋرالى قازاقپارات ranking.kz-كە سىلتەمە جاساپ حابارلادى. ەسەپتەگى مالىمەتتەرگە سايكەس, ەڭ تومەن كۇنكورىستىڭ جوعارى دەڭگەيى ماڭعىستاۋ وبلىسىندا (28 785 تەڭگە) 2015 جىلدىڭ سوڭىنا قاراي 117% وسكەنى بايقالادى. ودان كەيىنگى ورىندا ەڭ تومەنگى كۇنكورىس دەڭگەيى 27 435 جانە 25 858 تەڭگە بولاتىن استانا مەن الماتى تۇر, 2015 جىلدىڭ سوڭىنا قاراي,  استاناداعى ءوسۋ يندەكسى +121,4% بولعان. شىعىس قازاقستان, اتىراۋ جانە الماتى وبلىستارىنداعى تومەنگى كۇنكورىستىڭ ورتاشا دەڭگەيى انىقتالعان (23 422 تەڭگە). ەڭ جوعارعى ءوسۋ يندەكسى - سولتۇستىك قازاقستان وبلىسى (+122,3%). شىلدە ايىندا قازاقستانداعى ەڭ تومەنگى كۇنكورىس كولەمى 23 191 تەڭگەنى قۇرادى. 2016 جىلدىڭ قىركۇيەك ايىندا قازاقستانداعى تۇتىنۋ باعالارىنىڭ يندەكسى وتكەن جىلعى قىركۇيەكپەن سالىستىرعاندا 116,6% بولعان. جىل باسىنان بەرى بۇل كورسەتكىش تۇراقتى ءوسىم كورسەتىپ تۇر. ەڭ جوعارعى باعا ءوسىمى ازىق-ت ۇلىككە جاتپايتىن تاۋارلار ساناتىندا بايقالادى - 6,8%, ازىق-ت ۇلىك تاۋارلارى 4,9% قىمباتتاعان, تۇتىنۋ تاۋارلارى - 5,6%, اقىلى قىزمەتتەر - 5,3%. 2015-2016 جىلدار ديناميكاسىنا سايكەس, ازىق-ت ۇلىك سەبەتىنىڭ ۇلەسى 60%-دى قۇرايدى, ازىق-ت ۇلىككە جاتپايتىن تاۋارلار مەن اقىلى قىزمەتتەرگە 40% كەلەدى. ەڭ تومەنگى كۇنكورىس دەڭگەيىنىڭ ءوسۋ سەرپىنىن دە اتاپ وتكەن ءجون: 2016 جىلى قىركۇيەك ايىنىڭ سوڭىندا 2015 جىلدىڭ وسى كەزەڭىمەن سالىستىرعاندا 12%-عا وسكەن. ەڭ تومەنگى كۇنكورىس دەڭگەيى 19 800 تەڭگە بولعان 2015 جىلدىڭ سوڭىندا دا ءدال وسىنداي ءوسىم تىركەلگەن. بۇل 2016 جىلدىڭ العاشقى جارتىسىنداعى ەڭ جوعارعى كورسەتكىش, سەبەبى 2015 جىلدىڭ قورىتىندىسى بويىنشا, قاڭتار-مامىر ايلارىنداعى ءوسىم 2-4% شاماسىندا عانا بولعان ەدى.