ۇلتتىق قاۋىپسىزدىك كوميتەتى شەكارا قىزمەتىنە ەكى ايلىق قاتاڭ ىرىكتەۋدەن وتكەن اسكەرگە شاقىرىلۋشىلاردىڭ العاشقى كومانداسى استانا قالاسىنان مەملەكەتتىك شەكارانى كۇزەتۋ بويىنشا جاعالىق كۇزەتۋ وڭىرلىك باسقارماسى ۋچاسكەسىنە وزدەرىنىڭ اسكەري بورىشتارىن وتەۋگە سالتاناتتى جاعدايدا اتتاندى, دەپ حابارلادى قر ۇقك شق-نىڭ ءباسپاسوز قىزمەتى.
قازاقستان رەسپۋبليكاسى پرەزيدەنتى جارلىعىنىڭ جانە قازاقستان رەسپۋبليكاسى ۇكىمەتى قاۋلىسىنىڭ نەگىزىندە كوكتەمدە جانە كۇزدە جىلىنا ەكى رەت ءجۇرگىزىلەتىن اسكەري شاقىرۋ كەزەڭدەرىنىڭ – «كۇز-2016» شاقىرۋ ناۋقانىنىڭ العاشقى كۇنى استانا قالاسى بويىنشا قورعانىس ىستەرى جونىندەگى دەپارتامەنتى اسكەرگە جاڭا شاقىرىلعان 43 ادام اقتاۋ قالاسىنداعى ۇقك شق تەڭىز اسكەري بولىمدەرىندە قىزمەت اتقارۋعا اتتاندى.
استانادان قىزمەت اتقارۋعا اتتانعان جاستاردىڭ كوپشىلىگى «استانا» شەكارالىق كورابلىمەن شەكارا كۇزەتەتىن بولادى. سالتاناتتى شىعارىپ سالۋ كەزىندە تەڭىز شەكاراشىلارى ارنايى كيىمدەرىمەن ساپقا تۇردى.
ۇقك شەكارا قىزمەتىنىڭ, استانا اكىمدىگىنىڭ, قورعانىس مينيسترلىگىنىڭ جانە قورعانىس ىستەرى جونىندەگى دەپارتامەنتتىڭ باسشىلىعى, بولاشاق شەكاراشىلاردىڭ قۇرداستارى, اتا-انالارى, شەكارا قىزمەتىنىڭ جانە قارۋلى كۇشتەردىڭ ارداگەرلەرى, سونداي-اق وتانىمىزدىڭ تەڭىز شەبىن قورعاپ كەلگەن, ءبىر جىل بۇرىن جاس ساربازداردىڭ قاتارىندا بولعان «استانا» شەكارالىق كورابلىنىڭ رۋلدىك بەلگى بەرۋشىسى ماتروس شۇعايىپ سابىربەك اسكەرگە شاقىرىلۋشىلارعا اق جول تىلەپ, مەرزىمدى قىزمەت اتقاراتىن ورىندارىنا شىعارىپ سالدى.
ۇقك شەكارا قىزمەتى ديرەكتورىنىڭ ورىنباسارى پولكوۆنيك اسحات احمەتوۆ قۇتتىقتاۋ ءسوز سويلەپ, ءبۇگىنگى كۇنى جاس ساربازدار ءوزىنىڭ اسكەري بورىشىن ادال جانە لايىقتى اتقاراتىن اسكەرلەردىڭ قاتارىنا قوسىلعانىن ايتتى.
مەملەكەتتىك شەكارانى كۇزەتۋ, ەلىمىزدىڭ كاسپي تەڭىزىندەگى ەكونوميكالىق مۇددەلەرىن قورعاۋ تەڭىز-شەكاراشىلارىنىڭ باستى مىندەتى بولىپ تابىلادى. كەز كەلگەن اۋا رايىندا ولار تەڭىزگە شىعادى, شەكارا بۇزعانداردىڭ سوڭىنا تۇسەدى جانە ۇستايدى.
سالتاناتتى ءىس-شارادان كەيىن اسكەرگە شاقىرىلۋشىلار شەكارالىق اۆياتسيامەن قىزمەت اتقارۋ ورنىنا جونەلتىلدى. كەشەگى ءاسكەرگە شاقىرىلۋشىلار قاڭتار ايىنىڭ سوڭىنا دەيىن تەڭىز وقۋ ورتالىعىنىڭ بازاسىندا وقۋدان وتەدى, سودان سوڭ ەلىمىزدىڭ تەڭىز شەبىن كۇزەتەتىن بولىمشەلەرگە تاراتىلاتىن بولادى.
جاڭا شاقىرىلىمدى جاعالاۋ كۇزەتى وڭىرلىك باسقارماسىنىڭ قولباسشىلىعى قارسى الدى. ولاردى تەڭىز شەكاراشىلارىنىڭ بالانسىندا تۇرعان شەكارالىق كورابلدەرمەن, كاتەرلەرمەن, تەحنيكالار جانە قارۋ-جاراقتارمەن تانىستىردى.
ءبىر جىلدان سوڭ وسى جاستار تۋعاندارى مەن جاقىندارىنىڭ سەنىمدى تىرەگى بولاتىنداي ەسەيىپ, تۋعان ولكەلەرىنە قايتىپ ورالادى.