ءيزرايلدىڭ بۇرىنعى پرەزيدەنتى شيمون پەرەس 94 جاسىندا قايتىس بولدى دەپ حابارلايدى ەگەمەن-اقپارات BBC News-كە سىلتەمە جاساپ.
قىركۇيەكتىڭ 13-ءى كۇنى شيمون پەرەس ميىنا قان قۇيىلىپ تەل-اۆيۆ جانىنداعى ءبىر گوسپيتالگە جەتكىزىلگەن بولاتىن. سول كەزدەن بەرى بۇرىنعى ساياساتكەر كومادا جاتقان ەدى.
شيمون پەرەس يزرايل مەملەكەتىندەگى ەڭ تانىمال ساياساتكەرلەردىڭ ءبىرى. ول ەكى مارتە پرەمەر-مينيستر قىزمەتىندە بولدى. ودان باسقا ءيزرايلدىڭ قورعانىس ءمينيسترى, قارجى ءمينيسترى, بايلانىس ءمينيسترى, سىرتقى ىستەر ءمينيسترى, ىشكى ىستەر ءمينيسترى سياقتى كوپتەگەن لاۋازىمدار اتقاردى. ال 2007-2014 جىلدار ارالىعىندا ءيزرايلدىڭ پرەزيدەنتى بولدى.
1994 جىلى ەلدىڭ پرەمەر-ءمينيسترى يتسكاح رابين جانە پالەستينانىڭ سول كەزدەگى باسشىسى ياسير ارافاتپەن بىرگە نوبەلدىڭ بەيبىتشىلىك سىيلىعىنا يە بولدى.