ادىلەتتىلىك ورناسا – قۇبا-قۇپ

(«ەق», «زاڭ بۇرمالاۋدىڭ سىرى نەدە؟». 23 شىلدە 2016 جىل)  «ەگەمەننىڭ» ۇستىمىزدەگى جىلعى 29 ءشىل­دە­­دەگى نومىرىندە جۋرناليست جاقسىباي سامراتتىڭ «زاڭ بۇر­ما­لاۋدىڭ سىرى نەدە؟» اتتى سىني ماقالاسى جارىق كورگەن ەدى. وندا «استانا – پەتروپاۆل» باعىتىن­دا جول قۇرىلىسىن جۇرگىزىپ جاتقان كومپانيا جەكە شارۋانىڭ جەرىنە باسىپ كىرىپ, ونىڭ ەگىستىگىندەگى قۇمداۋىت تو­پىراقتى جول قۇرىلىسىنا رۇق­ساتسىز پايدالانعانى, ال وسى ىسكە وبلىس باسشىلارى جانە ءتيىستى قىزمەتتەر كوز­جۇمبايلىقپەن قاراپ وتىرعانى جايىندا جازىلعان. سونىمەن قاتار, وسى ماسەلەدە سىبايلاس جەمقورلىق فاكتى­لەرىنە دە جول بەرىلىپ جاتقان­دىعى تۋرالى ايتىلعان. جۋىردا «ەگەمەن قازاقستان» گا­زەتىنىڭ رەداكتسياسىنا قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ سىبايلاس جەم­قورلىققا قارسى ءىس-قيمىل ۇلتتىق بيۋ­روسىنان جاۋاپ حات (№ يسح:3-13/ابم -1596 وت: 01.09.2016) كەلدى. وندا ماقالا بيۋرونىڭ سىبايلاس جەمقورلىققا قارسى قىزمەتىندە تالقىلانىپ, ونىڭ نەگىزىندە وبلىس اكىمدىگى­نىڭ لاۋازىمدى تۇلعالارىنا قاتىستى قىلمىس­تىق ءىس تىركەلدى دە­لىنگەن. حاتتى تولىعىمەن كەل­تىرەتىن بولساق: «اعىمداعى جىلعى 24 تامىزدا سولتۇستىك قازاقستان وبلىسى بويىنشا سىبايلاس جەمقورلىققا قارسى قىزمەتىمەن اتالعان ماقالا نەگىزىندە قىلمىستىق كودەكس­تىڭ 361-بابى 2-بولىگىمەن وبلىس اكىمدىگىنىڭ لاۋا­زىمدى تۇلعالارىنا قاتىستى «391-418 كم جولىنىڭ ايماعى, «استانا – پەتروپاۆلوۆ» رەسپۋبليكالىق ماڭىزى بار اۆتوكولىك جولىن قايتا قۇرۋ» جو­باسىن جۇزەگە اسىرۋ بارىسىندا وكىلەتتىلىكتەرىن تەرىس پايدالانۋ فاكتىسىمەن قىلمىستىق ءىس تىركەلدى. سوتقا دەيىنگى تەرگەۋدىڭ ناتيجەلەرى تۋرالى سىزگە زاڭمەن قارالعان ءتارتىپ پەن مەرزىمدە حابارلاناتىن بولادى» دەلىنگەن. ءسويتىپ, بۇل ادىلەتتىككە قول جەتكىزە الماي جۇرگەن شارۋا ءۇشىن جاقسى حابار بولىپ وتىر.