ريو-دە-جانەيروداعى وليمپيالىق ويىنداردا مەدالدار ەسەبى بويىنشا ازىرگە كۋبا قۇراماسىنان كەيىن ەكىنشى بولىپ كەلە جاتقان قازاقستان بوكسشىلارىنىڭ ۇشتىك قۇرامىنان دا شىعىپ قالۋى مۇمكىن.
ءدال قازىر رەسمي تۇردە ەكىنشى بولىپ سانالعاندارىمەن, ولاردىڭ قورىتىندى كەستەدە كەمىندە ءبىر «التىننان» بولەك تاعى ءۇش كۇمىس مەدالى بولا الاتىنى ايدان انىق وزبەك تەرمە جاماعاتىن العا سالىپ, ءۇشىنشى پوزيتسياعا كەتەتىنى ەشقانداي كۇمان تۋدىرماي وتىر. سەبەبى, قازىر 1 كۇمىس مەدالى بار وزبەكستاننىڭ تاعى ەكى بوكسشىسى فينالعا شىققان. ءتىپتى سولاردىڭ ەكەۋى بىردەي جەڭىلىپ قالعان كۇننىڭ وزىندە بىزدەن العا شىعىپ كەتەدى. بۇدان باسقا, ءالى التىن مەدال ءۇشىن كۇرەسەتىن بوكسشىسى بار رەسەي قۇراماسى دا قازاقستان كومانداسىنىڭ الدىنا ءتۇسىپ كەتە الادى. ەگەر ميشا الويان فينالدا جەڭسە, بۇل ەلدىڭ قۇراماسى ەكىنشى ورىنعا ءبىر-اق كوتەرىلەدى. بىراق بۇل جاعدايدا اسا اۋىر سالماقتاعى بريتانيالىق دجو دجويس فرانتسۋز توني يوكونى, 64 كگ سالماقتاعى ازەربايجاندىق لورەنتسو سوتومايور وزبەك فازليددين گايبنازاروۆتى ۇتۋعا ءتيىس. مۇنداي مۇمكىندىككە ۇلىبريتانيا بوكسشىلارى دا يە.
قازىر كوش باسىندا 3 التىن مەدالى بار كۋبا بوكسشىلارى كەلەدى.
ال جالپى مەدالدار سانىنا كەلسەك, وزبەكستان قۇراماسىندا, فينالعا شىققان ەكەۋدى قوسىپ ەسەپتەگەندە, 7 مەدال بار. كۋبا – 6, قازاقستان مەن فرانتسيا – 5, رەسەي 4 مەدالمەن ءتۋرنيردى قورىتىندىلايدى.
دامير قوجامقۇل