قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ رەكتورى, الماتى قالاسى ءماسليحاتىنىڭ دەپۋتاتى دينار نوكەتاەۆا سەگىز جىلدان بەرى ۇيىمداستىرىلىپ كەلە جاتقان رەسپۋبليكالىق «مەكتەپكە جول» اكتسياسى اياسىندا قايىرىمدىلىق شاراسىن جالعاپ, المالى اۋدانىنا قاراستى ءا.ءشارىپوۆ اتىنداعى №16 مەكتەپتىڭ 10 وقۋشىسىنا قازاقستاندىق «سىمبات» ءسان ءۇيىنىڭ ساپالى مەكتەپ فورمالارى مەن بارلىق كەرەك-جاراعىن ساتىپ اپەردى.
از قامتىلعان جانە كوپ بالالى وتباسىلار, جەتىم, سونداي-اق, اتا-اناسىنىڭ قامقورلىعىنسىز قالعان, تۇرمىسى تومەن وتباسى بالالارىن مەكتەپكە قاجەتتى كيىم-كەشەك, قۇرال-جابدىقتارمەن قامتۋ, جەتكىنشەكتەردىڭ ورتا ءبىلىممەن تولىق قامتىلۋىنا جاعداي تۋعىزۋ, ساباققا بارۋىن قامتاماسىز ەتۋدى ماقسات تۇتقان اتالمىش شارا سوڭعى جىلدارى كوپ شاڭىراققا ايتارلىقتاي شاپاعاتىن تيگىزىپ ءجۇر.
سونىمەن ساۋابى ۇلكەن, شاراپاتى مول شاراعا «S-master» كومپانياسىنىڭ ديرەكتورى داۋلەت امانعالي دا اتسالىسىپ, وقۋشىلارعا وتاندىق تازا بىلعارىدان تىگىلگەن اياق كيىمدەردى سىيلادى.
ايناش ەسالي,
«ەگەمەن قازاقستان»
الماتى