[caption id="attachment_54039" align="aligncenter" width="560"] فوتو: interfax.ru[/caption]
تۇركيا بيلىگى يسلام ۋاعىزشىسى فەتكۋللاح گيۋلەنمەن بايلانىسى بار دەگەن ايىپپەن 1389 اسكەري قىزمەتكەردى جۇمىسىنان بوساتتى.
وسىعان دەيىن حابارلانعانداي, ءساتسىز اياقتالعان مەملەكەتتىك توڭكەرىسكە 66 مىڭ ادامنىڭ قاتىسى بولعان. interfax.ru اقپارىنا سايكەس, ولاردىڭ 44 مىڭى ءبىلىم بەرۋ سالاسىندا قىزمەت ەتكەن.
وتكەن جۇما كۇنى مەملەكەتتىڭ ىشكى ىستەر ءمينيسترى ەفكان الا تەرگەۋ جۇمىستارى كەزىندە 18 مىڭ ادامنىڭ قولعا تۇسكەنىن مالىمدەگەن بولاتىن. سول سياقتى, 50 مىڭ ادامنىڭ پاسپورتىن جارامسىز ەتتى. وسىدان بىرنەشە كۇن بۇرىن اتالعان ۋاعىزشىمەن بايلانىسى بار بىرقاتار اقپارات قۇرالدارىن جابۋ تۋرالى شەشىم قابىلدانعان.
ايتا كەتەيىك, تۇركيادا 16 شىلدەگە قاراعان ءتۇنى ب ۇلىكشىلەر اسكەري توڭكەرىس جاساماق بولعان. الايدا, ولاردىڭ جوسپارى ءساتسىز اياقتالدى. بيلىك بۇل ىسكە امەريكادا تۇرىپ جاتقان فەتكۋللاح گيۋلەننىڭ قاتىسى بار دەگەن مالىمدەمە جاساعان.
ايان ءابدۋالي