قازاقستاننىڭ كوپ جەرىندە اۋا رايى جاۋىن-شاشىندى بولادى

[caption id="attachment_53946" align="aligncenter" width="560"] فوتو: krasnok.ru[/caption] بۇگىن, 30 شىلدە كۇنى قازاقستاننىڭ كوپ اۋماعىندا اۋا رايى جاۋىن-شاشىندى بولادى. «كازگيدرومەت» مەملەكەتتىك كاسىپورنىنىڭ حابارلاۋىنشا, استانا قالاسىندا كوشپەلى بۇلت شىعىپ, وقتا-تەكتە جاڭبىر جاۋادى, كۇن كۇركىرەيدى. باتىس باعىتىنان سەكۋندىنا 7-12 مەترلىك جەل سوعادى. اۋانىڭ تەمپەراتۋراسى تۇندە +10+12°س, كۇندىز +21+23 °س قۇرايدى. قازاقستاننىڭ كوپ اۋماعىنان اتموسفەرالىق فرونتال وتۋىمەن بىرگە, نايزاعايلى جاڭبىر مەن ەكپىندى جەل ساقتالىپ قالادى. كەي جەرلەرگە تۇمان ءتۇسىپ, بۇرشاق جاۋادى. تەك وڭتۇستىك-باتىس جانە وڭتۇستىك وڭىرلەر عانا جاۋىن-شاشىنسىز بولادى. اقمولا, الماتى وبلىستارىنىڭ كەي جەرلەرىن بۇرشاق ۇرۋى, ال اقمولا وبلىسىنىڭ كەي جەرلەرىنە تۇمان ءتۇسۋى مۇمكىن. قوستاناي, پاۆلودار, قاراعاندى وبلىستارىنىڭ كەي جەرلەرىنە تۇمان ءتۇسىپ, سەكۋندىنا 15-20 مەترلىك جەل سوعادى, پاۆلودار, قاراعاندى وبلىستارىندا بۇرشاق جاۋى مۇمكىن. سولتۇستىك قازاقستان, شىعىس قازاقستان وبلىستارىندا كۇندىز جەلدىڭ ەكپىنى 15-20 مەترگە بارادى دەپ كۇتىلۋدە, سولتۇستىك قازاقستاننىڭ كەي جەرلەرىنە تۇمان تۇسەدى, بۇرشاق جاۋى ىقتيمال. جامبىل وبلىسىنىڭ كەي جەرلەرىندە جەلدىڭ كۇشى سەكۋندىنا 15-20 مەترگە جەتەدى, بۇرشاق جاۋى مۇمكىن. اتىراۋ وبلىسىندا كۇندىز قاتتى ىستىق بولادى. قىزىلوردا, وڭتۇستىك قازاقستان وبلىستارىنىڭ ءبىراز بولىگىندە, جامبىل وبلىسىنىڭ كەي جەرلەرىندە ءورت قاۋپىنىڭ توتەنشە جاعدايى ساقتالادى. بۇگىن الماتى قالاسىندا وتكىنشى جاڭبىر جاۋادى, نايزاعاي وينايدى. جەلدىڭ جىلدامدىعى – 2-7 م/س. تەمپەراتۋرا تۇندە - +16+18°س, كۇندىز +28+30°س. تالعات رايىمبەك