[caption id="attachment_51240" align="aligncenter" width="560"] فوتو: ءانۋار ابدراحمانوۆ[/caption]
بۇگىن فۋتبولدان ۋەفا ەۋروپا چەمپيوندار ليگاسىنىڭ ەكىنشى كەزەڭىندە «استانا» كلۋبى ليتۆانىڭ «جالگيريس» كومانداسىمەن كەزدەسەدى. وسى ماتچتىڭ الدىندا كوماندانىڭ باس جاتتىقتىرۋشىسى ستانومير ستويلوۆ ءۆيلنيۋستىڭ كلۋبى تۋرالى ويلارىمەن ءبولىستى. بۇل تۋرالى egemen.kz سايتىنىڭ رەداكتسياسىنا «استانا» كومانداسىنىڭ ءباسپاسوز قىزمەتى حابارلادى.
— «استانا» كومانداسىنا «جالگيريسپەن» ويناۋ وڭاي بولمايدى. بۇل ماتچتا قاي كوماندانىڭ فاۆوريت بولاتىنىن ايتا المايمىن. جاقسى ويناعان كوماندا عانا جەڭىسكە جەتەدى.
— قارسىلاس كوماندانىڭ جاقسى جاقتارىن ايتىپ بەرەسىز بە؟
— بىز ليتۆالىق كوماندانىڭ بىرنەشە ويىندارىن كوردىك. مەنىڭ ويىمشا, «جالگيريس» جاقسى ۇيىمداسقان كوماندا. ولار بىزگە قيىندىق تۋدىرۋى مۇمكىن. ءبىز جاقسى ويىن كورسەتسەك, جەڭىسكە جەتەمىز.
— «استانا» كومانداس ەۋروپا كۋبوكتارىندا ءجيى ويناپ جاتىر. وسىنىڭ «جالگيريستى» جەڭۋگە اسەرى بولا ما؟
— سىز دۇرىس ايتاسىز. بىراق, ءبىز ەۋروپا كۋبوكتارىندا وتكەن جىلى وينادىق. كومانداعا جىل سايىن ءوزىنىڭ مىقتىلىعىن دالەلدەپ وتىرۋ كەرەك. ارينە, ءبىزدىڭ تاجىربيەمىز كوپ. الايدا, قارسىلاس كوماندانى قالپاقپەن ۇرىپ الامىن دەپ ويلاماۋ كەرەك. «استانا» «جالگيريستى» جەڭەدى, ودان جاقسى وينايدى دەگەن قاتە پىكىر. ويىن ءبارىن كورسەتەدى.
داستان كەنجالين