بۇگىن قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆتىڭ موڭعولياعا ساپارى باستالادى.
الدىمەن ەلدىڭ بايان-ولگي ايماعىنا تابان تىرەيتىن ۇكىمەت باسشىسى پرەزيدەنت نۇرسۇلتان نازارباەۆتىڭ تاپسىرماسىمەن جەرگىلىكتى قانداستارعا كەزدەسىپ, سەلدەن زارداپ شەككەن وتباسىلارعا گۋمانيتارلىق كومەك كورسەتۋگە قاتىسادى دەپ كۇتىلۋدە.
بايان-ولگي قازاقتارىنا قازاقستان تاراپىنان گۋمانيتارلىق كومەك بەرىلەتىنى جايىندا كەشە پرەمەر-مينيستر ءوزىنىڭ تۆيتتەردەگى پاراقشاسىندا جازعان بولاتىن.
ايتا كەتۋ كەرەك, 10 شىلدە كۇنى نەگىزىنەن قازاقتار قونىستانعان بايان-ولگي ايماعىندا سەل ءجۇرىپ, 100-دەن اسا ءۇي قيراپ, 700-دەي ادام باسپاناسىز قالعان ەدى.
بۇدان كەيىن ۇكىمەت باسشىسى بيىل قۇرىلعانىنا 20 جىل تولعان اسەم («ازيا-ەۋروپا» فورۋمى) ۇيىمىنىڭ 11-ءشى سامميتىنە قاتىسۋ ءۇشىن ۇلان-باتىر قالاسىنا ۇشىپ كەتەدى.
«ەگەمەن-اقپارات»