2016 جىلعى 12 اقپان, استانا قالاسى
«تەمىرجول ۆوكزالدارى قىزمەتىن ۇيىمداستىرۋ قاعيدالارىن بەكىتۋ تۋرالى»
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 23 قاڭتارداعى № 55 بۇيرىعىنا تولىقتىرۋ ەنگىزۋ تۋرالى
«نورماتيۆتىك قۇقىقتىق اكتىلەر تۋرالى» 1998 جىلعى 24 ناۋرىزداعى قازاقستان رەسپۋبليكاسىنىڭ زاڭىڭ 43-1-بابىنىڭ 1-تارماقشاسىنا سايكەس بۇيىرامىن:
1. «تەمىر جول ۆوكزالدارى قىزمەتىن ۇيىمداستىرۋ قاعيدالارىن بەكىتۋ تۋرالى» قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 23 قاڭتارداعى № 55 بۇيرىعىنا (نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە №10327 بولىپ تىركەلگەن, «ادىلەت» اقپاراتتىق-قۇقىقتىق جۇيەسىندە 2015 جىلدىڭ 3 ناۋرىزىندا جاريالانعان) مىناداي تولىقتىرۋ ەنگىزىلسىن:
كورسەتىلگەن بۇيرىقپەن بەكىتىلگەن تەمىرجول ۆوكزالدارى قىزمەتىن ۇيىمداستىرۋ قاعيدالارى:
مىناداي مازمۇنداعى 9-1-تارماقپەن تولىقتىرىلسىن:
«9-1. مۇگەدەكتەردىڭ تەمىرجول كولىگى سالاسىنداعى كورسەتىلەتىن قىزمەتتەرگە قول جەتكىزۋى ءۇشىن تەمىرجول ۆوكزالدارىندا جانە تەمىرجول ستانتسيالارىندا:
1) ارنايى جول بەلگىلەرى ورناتىلا وتىرىپ, مۇگەدەكتەردىڭ اۆتوكولىك قۇرالدارىن قويۋعا ارنالعان ورىنداردىڭ ءبولىنۋى;
2) عيماراتتاردىڭ, عيماراتتارعا كىرەبەرىس جولداردىڭ (عيماراتقا كىرەر جولداردىڭ, باسپالداقتاردىڭ), عيمارات ىشىندەگى قوزعالىس جولدارىنىڭ حالىقتىڭ ءجۇرىپ-تۇرۋى شەكتەۋلى توپتارى ءۇشىن ىڭعايلاستىرىلۋى;
3) كورۋ جانە (نەمەسە) ەستۋ قابىلەتتەرى بۇزىلعان مۇگەدەكتەر ءۇشىن قازاقستان رەسپۋبليكاسى زاڭناماسىنىڭ تالاپتارىنا سايكەس قولجەتىمدى اقپاراتتىق سيگنالدىق قۇرىلعىلارمەن جانە بايلانىس قۇرالدارىمەن جابدىقتالۋى;
4) تىرەك-قيمىل اپپاراتى بۇزىلعان مۇگەدەكتەرگە جانە حالىقتىڭ ءجۇرىپ-تۇرۋى شەكتەۋلى باسقا دا توپتارىنا قىزمەت كورسەتۋ ءۇشىن مۇگەدەكتەرگە ارنالعان كەزەكشى كرەسلو-اربانىڭ بولۋى;
5) قوعامدىق دارەتحانالاردىڭ مۇگەدەكتەردىڭ كرەسلو-اربالارىمەن ءجۇرىپ-تۇراتىن ادامدارعا ارنالعان كابينالارمەن جابدىقتالۋى;
6) مۇگەدەكتەردىڭ كرەسلو-اربالارىمەن ءجۇرىپ-تۇراتىن ادامدارعا ارنالعان ارنايى تاكسوفونداردىڭ ورناتىلۋى قامتاماسىز ەتىلۋگە ءتيىس.».
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ كولىك كوميتەتى ء(ا.ا. اساۆباەۆ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن باسپا جانە ەلەكتروندىق تۇردە كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ كۇنتىزبەلىك بەس كۇن ىشىندە قازاقستان رەسپۋبليكاسىنىڭ نورماتيۆتىك-قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ينۆەستيتسيالار جانە دامۋ ءمينيسترى ءا. يسەكەشەۆ
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 15 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13478 بولىپ ەنگىزىلدى.