2016 جىلعى 19 قاڭتار, استانا قالاسى
جىلجىمالى جەلىنىڭ ابونەنتتىك قۇرىلعىسى ارقىلى الىنعان, ەلەكتروندىق نىسانداعى مەملەكەتتىك جانە وزگە دە قىزمەتتەر كورسەتۋ ناتيجەلەرىنىڭ مىندەتتى دەرەكتەمەلەرىن, سونداي-اق ولاردىڭ انىقتىعىن تەكسەرۋ قاعيدالارىن بەكىتۋ تۋرالى
«اقپاراتتاندىرۋ تۋرالى» 2015 جىلعى 24 قاراشاداعى قازاقستان رەسپۋبليكاسىنىڭ زاڭى 7-بابىنىڭ 63) تارماقشاسىنا سايكەس بۇيىرامىن:
1) وسى بۇيرىققا 1-قوسىمشاعا سايكەس جىلجىمالى جەلىنىڭ ابونەنتتىك قۇرىلعىسى ارقىلى الىنعان ەلەكتروندىق نىسانداعى مەملەكەتتىك جانە وزگە دە قىزمەتتەردى كورسەتۋ ناتيجەلەرىنىڭ مىندەتتى دەرەكتەمەلەرى;
2) وسى بۇيرىققا 2-قوسىمشاعا سايكەس جىلجىمالى جەلىنىڭ ابونەنتتىك قۇرىلعىسى ارقىلى الىنعان ەلەكتروندىق نىسانداعى مەملەكەتتىك جانە وزگە دە قىزمەتتەردى كورسەتۋ ناتيجەلەرىنىڭ دۇرىستىعىن تەكسەرۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى (ت.ب.قازانعاپ):
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن باسپا جانە ەلەكتروندىق تۇردە كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينتەرنەت-پورتالدارىندا ورنالاستىرىلۋىن;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشاسىندا ەسكەرىلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق العاش رەسمي جاريالانعان كۇننەن كەيىن كۇنتىزبەلىك ون كۇن اياقتالعان سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ
«كەلىسىلگەن»
قازاقستان رەسپۋبليكاسىنىڭ ۇلتتىق ەكونوميكا ءمينيسترى
___________ ە.دوساەۆ
2016 جىلعى 28 قاڭتار
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2016 جىلعى 19 قاڭتارداعى №9 بۇيرىعىنا 1-قوسىمشا
جىلجىمالى جەلىنىڭ ابونەنتتىك قۇرىلعىسى ارقىلى الىنعان ەلەكتروندىق نىسانداعى مەملەكەتتىك جانە وزگە دە قىزمەتتەردى كورسەتۋ ناتيجەلەرىنىڭ مىندەتتى دەرەكتەمەلەرى
1. جالپى ەرەجەلەر
1. وسى جىلجىمالى جەلىنىڭ ابونەنتتىك قۇرىلعىسى ارقىلى الىنعان مەملەكەتتىك جانە باسقا دا قىزمەتتەردى كورسەتۋ ناتيجەلەرىنىڭ مىندەتتى دەرەكتەمەلەرىن (بۇدان ءارى – مىندەتتى دەرەكتەمەلەر) قازاقستان رەسپۋبليكاسىنىڭ «اقپاراتتاندىرۋ تۋرالى» 2015 جىلعى 24 قاراشاداعى زاڭى 7-بابىنىڭ 63) تارماعىنا سايكەس ازىرلەنگەن جانە جىلجىمالى جەلىنىڭ ابونەنتتىك قۇرىلعىسى ارقىلى الىنعان مەملەكەتتىك جانە باسقا دا قىزمەتتەردى كورسەتۋ ناتيجەلەرىنىڭ مىندەتتى دەرەكتەمەلەرىن بەلگىلەيدى.
2. وسى مىندەتتى دەرەكتەمەلەردە كەلەسى نەگىزگى تۇسىنىكتەر قولدانىلادى:
1) جەدەل حابارلاما – جەدەل قىسقا حابارلاما رەجىمىندە سەرۆيستىك قوسىمشامەن جانە ۇيالى بايلانىس جەلىسى ابونەنتى اراسىندا ينتەراكتيۆتى ءوزارا ءىس-قيمىلدى ۇيىمداستىرۋعا مۇمكىندىك بەرەتىن دەرەكتەر بەرۋ تەحنولوگياسى;
2) جىلجىمالى جەلىنىڭ ابونەنتتىك قۇرىلعىسى – ابونەنت بەرگەن اقپاراتتى بەرۋ نەمەسە قابىلداۋ ءۇشىن ەلەكتر بايلانىس سيگنالدارىن قالىپتاستىراتىن جانە بايلانىس وپەراتورىنىڭ جەلىسىنە قوسىلاتىن, قىزمەت كورسەتىلەتىن اۋماقتىڭ شەڭبەرىندە گەوگرافيالىق جاعىنان ايقىندالاتىن تۇراقتى ورنالاسقان جەرى جوق, جىلجىمالى بايلانىس جەلىلەرىندە (ۇيالى, ترانكينگتىك, سپۋتنيكتىك تەلەكوممۋنيكاتسيالار جەلىسىندە جانە باسقالاردا) جۇمىس ىستەيتىن جەكە پايدالانىلاتىن بايلانىس قۇرالى;
3) قىسقا ءماتىندى حابارلاما – ۇيالى بايلانىس وپەراتورىنىڭ ۇيالى بايلانىس جەلىسى ارقىلى اقپاراتتى قابىلداۋ جانە بەرۋ بويىنشا كورسەتەتىن قىزمەتى;
4) ماتريتسالىق كود – «اقپاراتتىق تەحنولوگيالار» قر ست يسو/حەك 18004-2009 ستاندارتىنا سايكەس ەلەكتروندىق قۇجاتقا ەنگىزىلگەن ماتريتسالىق ەكىولشەمدىك شتيرح كود تۇرىندەگى, ونىڭ تەحنيكالىق قۇرال-جابدىقتارىنىڭ مۇمكىندىگىن ۇسىناتىن گرافيكالىق اقپارات;
5) پايدالانۋشىعا ەلەكتروندىق اقپاراتتىق رەسۋرستار بەرۋ جونىندەگى كورسەتىلەتىن قىزمەت – ەلەكتروندىق نىساندا كورسەتىلەتىن اقپاراتتىق قىزمەت;
6) ەلەكتروندىق قۇجات – وزىندەگى اقپارات ەلەكتروندىق-تسيفرلىق نىساندا ۇسىنىلعان جانە ەلەكتروندىق تسيفرلىق قولتاڭبا ارقىلى كۋالاندىرىلعان قۇجات;
7) «ەلەكتروندىق ۇكىمەت» موبيلدىك قوسىمشاسى (بۇدان ءارى – موبيلدىك قوسىمشا) – ابونەنتتىك جىلجىمالى جەلى قۇرىلعىسىندا ورناتىلعان جانە ىسكە قوسىلعان ۇيالى بايلانىس جانە ينتەرنەت ارقىلى ەلەكتروندىق نىسانداعى مەملەكەتتىك قىزمەتتەرگە جانە باسقا دا قىزمەتتەرگە قولجەتىمدىلىك بەرەتىن قامتاماسىز ەتەتىن باعدارلاما;
8) «ەلەكتروندىق ۇكىمەتتىڭ» ۆەب-پورتالى – نورماتيۆتىك قۇقىقتىق بازانى قوسا العاندا, بارلىق شوعىرلاندىرىلعان ۇكىمەتتىك اقپاراتقا جانە ەلەكتروندىق نىساندا كورسەتىلەتىن مەملەكەتتىك جانە وزگە دە قىزمەتتەرگە قول جەتكىزۋدىڭ «ورتاق تەرەزەسىن» بىلدىرەتىن اقپاراتتىق جۇيە.
2. جىلجىمالى جەلىنىڭ ابونەنتتىك قۇرىلعىسى ارقىلى الىنعان ەلەكتروندىق نىسانداعى
مەملەكەتتىك جانە باسقا دا قىزمەتتەردى كورسەتۋ ناتيجەلەرىنىڭ مىندەتتى دەرەكتەمەلەرى
3. جىلجىمالى جەلىنىڭ ابونەنتتىك قۇرىلعىسى ارقىلى الىنعان ەلەكتروندىق نىسانداعى مەملەكەتتىك قىزمەتتەردى كورسەتۋ ناتيجەسى, «ەلەكتروندىق ۇكىمەت» ۆەب-پورتالىنىڭ پايدالانۋشىسى كابينەتىنە باعىتتالعان ەلەكتروندىق نىسانداعى قۇجات كەلەسى مىندەتتى دەرەكتەمەلەردى قۇرايدى:
1) «ەلەكتروندىق ۇكىمەت» موبيلدىك قوسىمشاسى ارقىلى ەلەكتروندىق نىساندا مەملەكەتتىكقىزمەت كورسەتكەندە:
ەلەكتروندىق قۇجاتتىڭ بىرەگەي ءنومىرى;
مەملەكەتتىك جانە وزگە دە قىزمەتتى ەلەكتروندىق نىساندا العان كۇنى;
قىزمەت الۋشىنىڭ جسن/بسن;
ماتريتسالىق كود.
2) قىسقا ءماتىندى حابارلاما جانە جەدەل حابارلاما ارقىلى ەلەكتروندىق نىساندا مەملەكەتتىك قىزمەت كورسەتكەندە:
ەلەكتروندىق قۇجاتتىڭ بىرەگەي ءنومىرى;
قىزمەت الۋشىنىڭ جسن/بسن.
4. جىلجىمالى جەلىنىڭ ابونەنتتىك قۇرىلعىسى ارقىلى الىنعان ەلەكتروندىق نىسانداعى باسقا دا قىزمەتتەردى كورسەتۋدەگى مىندەتتى دەرەكتەمەلەر, مىندەتتى دەرەكتەمەلەر تالاپ ەتىلمەيتىن ەلەكتروندىق نىسانداعى كورسەتىلەتىن اقپاراتتىق قىزمەتتەردى قوسپاعاندا, وسى مىندەتتى دەرەكتەمەگە 3-تارماقتا كورسەتىلگەن دەرەكتەمەلەر بولىپ تابىلادى.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2016 جىلعى 19 قاڭتارداعى №9 بۇيرىعىنا 2-قوسىمشا
جىلجىمالى جەلىنىڭ ابونەنتتىك قۇرىلعىسى ارقىلى الىنعان ەلەكتروندىق نىسانداعى
مەملەكەتتىك جانە وزگە دە قىزمەتتەردى كورسەتۋ ناتيجەلەرىنىڭ دۇرىستىعىن تەكسەرۋ قاعيدالارى
1. جالپى ەرەجەلەر
1. وسى جىلجىمالى جەلىنىڭ ابونەنتتىك قۇرىلعىسى ارقىلى الىنعان ەلەكتروندىق نىسانداعى مەملەكەتتىك جانە باسقا دا قىزمەتتەردى كورسەتۋ ناتيجەلەرىنىڭ دۇرىستىعىن تەكسەرۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ «اقپاراتتاندىرۋ تۋرالى» 2015 جىلعى 24 قاراشاداعى زاڭىنىڭ 7-بابى 63) تارماقشاسىنا سايكەس ازىرلەندى جانە جىلجىمالى جەلىنىڭ ابونەنتتىك قۇرىلعىسى ارقىلى الىنعان ەلەكتروندىق نىسانداعى مەملەكەتتىك جانە باسقا دا قىزمەتتەردى كورسەتۋ ناتيجەلەرىنىڭ مىندەتتى دەرەكتەمەلەرىنىڭ دۇرىستىعىن تەكسەرۋ ءتارتىبىن بەلگىلەيدى.
2. وسى تارتىپتە كەلەسى نەگىزگى تۇسىنىكتەر قولدانىلادى:
1) ماتريتسالىق كود – «اقپاراتتىق تەحنولوگيالار» قر ست يسو/حەك 18004-2009 ستاندارتىمەن سايكەس ەلەكتروندىق قۇجاتقا ەنگىزىلەتىن ماتريتسالىق ەكىولشەمدىك شتيرح كود تۇرىندەگى, ونىڭ تەحنيكالىق قۇرال-جابدىقتارىنىڭ مۇمكىندىگىن ۇسىناتىن گرافيكالىق اقپارات;
2) «ەلەكتروندىق ۇكىمەت» ۆەب-پورتالى – نورماتيۆتىك قۇقىقتىق بازانى قوسا العاندا, بارلىق شوعىرلاندىرىلعان ۇكىمەتتىك اقپاراتقا جانە ەلەكتروندىق نىساندا كورسەتىلەتىن مەملەكەتتىك جانە وزگە دە قىزمەتتەرگە قول جەتكىزۋدىڭ «ءبىر تەرەزەسىن» بىلدىرەتىن اقپاراتتىق جۇيە بولىپ تابىلادى;
3) «ەلەكتروندىق ۇكىمەت» موبيلدىك قوسىمشاسى (بۇدان ءارى – موبيلدىك قوسىمشا) – جىلجىمالى جەلى ابونەنتتىك قۇرىلعىسىندا ورناتىلعان جانە ىسكە قوسىلعان ۇيالى بايلانىس جانە ينتەرنەت ارقىلى ەلەكتروندىق نىسانداعى كورسەتىلەتىن مەملەكەتتىك قىزمەتتەرگە جانە باسقا دا قىزمەتتەرگە قولجەتىمدىلىك بەرەتىن باعدارلاما;
4) ەلەكتروندىق تسيفرلىق قولتاڭبا – ەلەكتروندىق تسيفرلىق قولتاڭبا قۇرالدارىمەن جاسالعان جانە ەلەكتروندىق قۇجاتتىڭ دۇرىستىعىن, ونىڭ تيەسىلىگىن جانە مازمۇنىنىڭ وزگەرمەيتىندىگىن راستايتىن ەلەكتروندىق تسيفرلىق نىشاندار تەرىمى.
2. جىلجىمالى جەلىنىڭ ابونەنتتىك قۇرىلعىسى ارقىلى الىنعان
ەلەكتروندىق نىسانداعى مەملەكەتتىك جانە وزگە دە قىزمەتتەردى كورسەتۋ ناتيجەلەرىنىڭ
مىندەتتى دەرەكتەمەلەرىنىڭ دۇرىستىعىن تەكسەرۋ ءتارتىبى
3. جىلجىمالى جەلىنىڭ ابونەنتتىك قۇرىلعىسى ارقىلى كورسەتىلگەن ەلەكتروندىق نىسانداعى مەملەكەتتىك جانە وزگە دە قىزمەتتەردى كورسەتۋ ناتيجەسى بولىپ تابىلاتىن ەلەكتروندىق قۇجاتتارعا جاتاتىندىعى مىندەتتى دەرەكتەمەلەرىنىڭ دۇرىستىعى قىزمەت بەرۋشىنىڭ ۋاكىلەتتى لاۋازىمدىق تۇلعاسىنىڭ ەلەكتروندىق تسيفرلىق قولتاڭباسىمەن راستالادى.
قىزمەت بەرۋشىنىڭ ۋاكىلەتتى لاۋازىمدىق تۇلعاسىنىڭ ەلەكتروندىق تسيفرلىق قولتاڭباسى تۋرالى اقپارات ماتريتسالىق كودتان ءتيىستى اقپاراتتى الۋ جولىمەن تەكسەرىلەدى.
4. جىلجىمالى جەلىنىڭ ابونەنتتىك قۇرىلعىسى ارقىلى الىنعان ەلەكتروندىق قۇجاتتارعا ەلەكتروندىق قۇجاتتاردىڭ تيەسىلىگى «ەلەكتروندىق ۇكىمەت» ۆەب پورتالىمەن قالىپتاستىرىلعان جانە بەرىلگەن ەلەكتروندىق قۇجاتتىڭ بىرەگەي نومىرىمەن راستالادى.
5. جىلجىمالى جەلىنىڭ ابونەنتتىك قۇرىلعىسى ارقىلى الىنعان ەلەكتروندىق نىسانداعى مەملەكەتتىك جانە وزگە دە قىزمەتتەردى كورسەتۋ ناتيجەلەرىنىڭ مىندەتتى دەرەكتەمەلەرىنىڭ دۇرىستىعىن تەكسەرۋ «ەلەكتروندىق ۇكىمەت» ۆەب-پورتالىندا, سونداي-اق «ەلەكتروندىق ۇكىمەت» موبيلدىك قوسىمشاسى ارقىلى جۇزەگە اسىرىلادى.
5-تارماقتا كورسەتىلگەن تەكسەرۋدى جۇرگىزۋ ءۇشىن پايدالانۋشى, «ەلەكتروندىق ۇكىمەت» ۆەب-پورتالى ارقىلى الىنعان قىزمەتتى تەكسەرۋ» سەرۆيسىن تاڭدايدى, ەلەكتروندىق قۇجاتتىڭ بىرەگەي ءنومىرى مەن كورسەتىلەتىن قىزمەتتى الۋشىنىڭ جسن/بسن ەنگىزەدى جانە تەكسەرۋ وڭ ناتيجەلى بولعاندا, پايدالانۋشىعا كورسەتىلگەن قىزمەت ناتيجەسىن كورۋ مۇمكىندىگىمەن قوسا جانە مەملەكەتتىك جانە باسقا دا قىزمەتتى ەلەكتروندىق نىساندا كورسەتۋگە سۇراۋ سالۋ قورتىندىسى بويىنشا قۇجاتقا قول قويعان قىزمەت كورسەتۋدى بەرۋشى ۋاكىلەتتى تۇلعانىڭ ەلەكتروندىق تسيفرلىق قولتاڭباسى تۋرالى اقپارات قولجەتىمدى بولادى.
تەكسەرۋ تەرىس ناتيجەلى بولعان جاعدايدا, ەلەكتروندىق قۇجاتتى تەكسەرۋ كەزىندە ەنگىزىلگەن جسن/بسن جانە ءنومىرلى ەلەكتروندىق قۇجاتتىڭ جوقتىعى تۋرالى حابارلاما شىعادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 24 اقپانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13184 بولىپ ەنگىزىلدى.