2015 جىلعى 25 قاراشا, استانا قالاسى
قازاقستان رەسپۋبليكاسى پايدالى قازبالارىنىڭ كەن ورىندارىن العاشقى
اشۋشىلار تۋرالى ەرەجەنى بەكىتۋ تۋرالى
«جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسى زاڭىنىڭ 20-بابىنىڭ 32-12) تارماقشاسىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسى پايدالى قازبالارىنىڭ كەن ورىندارىن العاشقى اشۋشىلار تۋرالى ەرەجە بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ جەر قويناۋىن پايدالانۋ دەپارتامەنتى:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋدىڭ باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشى ا.راۋ
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
مىندەتىن اتقارۋشىسىنىڭ 2015 جىلعى 25 قاراشادا №11 بۇيرىعىمەن بەكىتىلگەن
قازاقستان رەسپۋبليكاسى پايدالى قازبالارىنىڭ كەن ورىندارىن العاشقى اشۋشىلار تۋرالى ەرەجە
1. جالپى ەرەجەلەر
1. قازاقستان رەسپۋبليكاسى پايدالى قازبالارىنىڭ كەن ورىندارىن العاشقى اشۋشىلار تۋرالى ەرەجە (بۇدان ءارى - ەرەجە) «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسىنىڭ زاڭى (بۇدان ءارى – زاڭ) 20-بابىنىڭ 32-12) تارماقشاسىنا سايكەس ازىرلەندى.
2. قازاقستان رەسپۋبليكاسى پايدالى قازبالارىنىڭ كەن ورنىن العاشقى اشۋشى (بۇدان ءارى - العاشقى اشۋشى) - ونەركاسىپتىك قۇندىلىققا يە, بۇرىن بەلگىسىز بولعان كەن ورنىن اشقان, سونداي-اق بۇرىننان بەلگىلى كەن ورنىندا پايدالى قازبالاردىڭ قوسىمشا قورلارىن نەمەسە ونىڭ ونەركاسىپتىك قۇندىلىعىن ەداۋىر ۇلعايتاتىن جاڭا مينەرالدىق شيكىزاتتى انىقتاعان تۇلعا.
3. كەن ورنىن اشۋعا جانە بارلاۋعا تىكەلەي قاتىسقان جانە ەرەكشە كوزگە تۇسكەن:
1) شىعارماشىلىق باستاما جاساعان جانە ناتيجەسىندە ونەركاسىپتىك قۇندىلىعى بار جاڭا كەن ورنى اشىلعان گەولوگيالىق بارلاۋ جۇمىستارىن جۇرگىزۋ قاجەتتىلىگىن عىلىمي نەگىزدەگەن;
2) بەلگىلى كەن ورنى شەگىندە ونىڭ قورىن بۇرىن بەكىتىلگەنمەن سالىستىرعاندا كەمىندە ەكى ەسە ۇلعايتاتىن جاڭا دەربەس ۋچاسكەلەردى, كەندى دەنەلەردى, قاتتاردى, گوريزونتتاردى نەمەسە ونەركاسىپتىك پايدالانۋعا جارامدى جاڭا پايدالى قازبانى اشقان جەكە تۇلعالار العاشقى اشۋشىلار دەپ تانىلادى.
4. العاشقى اشۋشى دەپ تانىلعان تۇلعاعا, وسى ەرەجەگە قوسىمشاعا سايكەس نىسان بويىنشا «قازاقستان رەسپۋبليكاسىنىڭ كەن ورنىن العاشقى اشۋشى» ديپلومى بەرىلەدى.
5. كەن ورنىن اشۋعا الىپ كەلگەن گەولوگيالىق بارلاۋ جۇمىستارىن جۇرگىزۋ قاجەتتىلىگىن نەگىزدەۋگە, كەن ورنىن اشۋ مەن بارلاۋعا ءوزى تىكەلەي قاتىسپا, ءوزىنىڭ قىزمەتتىك مىندەتتەرىنە قاراي كورسەتىلگەن جۇمىستارعا جالپى باسشىلىقتى جۇزەگە اسىرىپ وتىرعان لاۋازىمدى تۇلعالارعا «قازاقستان رەسپۋبليكاسىنىڭ كەن ورنىن العاشقى اشۋشى» ديپلومىن تاپسىرۋ جۇرگىزىلمەيدى.
2. ءوتىنىشتى قاراۋ جانە جەكە تۇلعانى پايدالى قازبانىڭ كەن ورنىن
العاشقى اشۋشى دەپ تانۋ تۋرالى شەشىم قابىلداۋ
6. جەكە تۇلعانى العاشقى اشۋشى دەپ تانۋعا بايلانىستى ماسەلەلەردى جەر قويناۋىن زەرتتەۋ مەن پايدالانۋ ءجونىندەگى ۋاكىلەتتى ورگاننىڭ (بۇدان ءارى - ۋاكىلەتتى ورگان) بىلىكتى ماماندارىنان قۇرالاتىن جانە ۋاكىلەتتى ورگاننىڭ جانىنداعى پايدالى قازبالاردىڭ كەن ورىندارىن العاشقى اشۋ ىستەرى جونىندەگى كوميسسيا (بۇدان ءارى - كوميسسيا) قارايدى.
7. قازاقستان رەسپۋبليكاسى ينۆەستيتسيالار جانە دامۋ ميننيسترلىگىنىڭ گەولوگيا جانە جەر قويناۋىن پايدالانۋ كوميتەتىنىڭ گەولوگيا جانە جەر قويناۋىن پايدالانۋ وڭىرارالىق دەپارتامەنتتەرى (بۇدان ءارى - وڭىرارالىق دەپارتامەنتتەر) جانىنان ءتيىستى وڭىرارالىق دەپارتامەنتتەردىڭ ماماندارىنان تۇراتىن پايدالى قازبالاردىڭ كەن ورىندارىن العاشقى اشۋشىلار ىستەرى جونىندەگى وڭىرارالىق كوميسسيالار (بۇدان ءارى - وڭىرارالىق كوميسسيالار) قۇرىلادى.
8. پايدالى قازبانىڭ كەن ورنىن اشۋ تۋرالى جەكە تۇلعانىڭ ەرىكتى ۇلگىدەگى ءوتىنىشى جەكە باسىن كۋالاندىراتىن قۇجاتتىڭ كوشىرمەسىمەن قوسا وڭىرارالىق دەپارتامەنتكە ۇسىنىلادى, وندا تىركەلەدى جانە وڭىرارالىق كوميسسيانىڭ قاراۋىنا تاپسىرىلادى.
9. وڭىرارالىق كوميسسيا ءوتىنىش تۇسكەن كۇننەن باستاپ ون جۇمىس كۇن مەرزىمىندە ونى قارايدى جانە مىنالاردى:
1) كەن ورنىنىڭ اشىلۋ فاكتىسىن جانە كەن ورنىن اشۋعا ءوتىنىش بەرۋشىنىڭ ء(وتىنىش بەرۋشىلەردىڭ) قاتىسقانىن;
2) كەن ورنىنىڭ ونەركاسىپتىك قۇندىلىعىن, زەرتتەلۋ دارەجەسى مەن تولىقتىعىن, ونى رەنتابەلدى وڭدەۋ مۇمكىندىگىن نەمەسە قوسىمشا زەرتتەۋدىڭ ورىندىلىعىن بەلگىلەيدى.
10. وتىنىشتە باياندالعان ماتەريالداردى قوسىمشا زەرتتەۋ نەمەسە تەكسەرۋ جۇرگىزۋ قاجەت بولعان جاعدايدا, قاراۋ مەرزىمى جيىرما جۇمىس كۇننەن اسپايتىن بولىپ ۇزارتىلادى, ول تۋرالى قاراۋ مەرزىمى ۇزارتىلعان ساتتەن باستاپ ەكى جۇمىس كۇنى ىشىندە ءوتىنىش بەرۋشىگە حابارلانادى.
11. وڭىرارالىق كوميسسيالار ءوتىنىشتى قاراعاننان كەيىن ماتەريالدار مەن ءوتىنىش بەرۋشىنى العاشقى اشۋشى دەپ تانۋ نە تانۋدان باس تارتۋ نەگىزدەمەنى قوسا بەرە وتىرىپ, ەرىكتى نىسانداعى قورىتىندىنى ۋاكىلەتتى ورگانعا جىبەرەدى.
12. كوميسسيانىڭ وتىرىستارى وڭىرارالىق كوميسسيالاردان پايدالى قازبانىڭ كەن ورنىن اشۋ تۋرالى جەكە تۇلعانىڭ ءوتىنىشىن قاراۋ ناتيجەلەرى بويىنشا ەرىكتى نىسانداعى قورىتىندى الىنعان ساتتەن باستاپ ءبىر اي ىشىندە, بىراق جىلىنا كەمىندە ءبىر رەت وتكىزىلەدى.
13. ءوتىنىش بەرۋشىنى العاشقى اشۋشى دەپ تانۋ نە ونى العاشقى اشۋشى دەپ تانۋدان باس تارتۋ تۋرالى شەشىم كوميسسيانىڭ حاتتامامەن رەسىمدەلەتىن ۇسىنىمى نەگىزىندە قابىلدانادى. شەشىمدى كوميسسيانىڭ ۇسىنىمى تۇسكەن كۇنىنەن باستاپ جەتى جۇمىس كۇنى ىشىندە ۋاكىلەتتى ورگاننىڭ ءبىرىنشى باسشىسى بەكىتەدى.
14. ءوتىنىش بەرۋشىنى مىناداي جاعدايلاردا العاشقى اشۋشى دەپ تانۋدان باس تارتىلادى:
1) ول ءوزى تۋرالى بىلە تۇرا جالعان مالىمەتتەردى ۇسىنباۋ;
2) وسى ەرەجەنىڭ 3-تارماعىندا كوزدەلگەن, تالاپتارعا ساي كەلمەۋ.
قازاقستان رەسپۋبليكاسى پايدالى قازبالارىنىڭ
كەن ورنىندارىن العاش اشۋشىلار تۋرالى ەرەجەگە قوسىمشا
نىسان
«قازاقستان رەسپۋبليكاسىنىڭ كەن ورنىن العاش اشۋشى» ديپلومى
وڭ جاعى:
ديپلوم
ىشكى جاق:
___________________________________
(ورگاننىڭ اتاۋى)
«قازاقستان رەسپۋبليكاسىنىڭ
كەن ورنىن العاش اشۋشى»
№ ____ ديپلومى
_____________________________________
(تەگى)
_____________________________________
(اتى)
_____________________________________
(اكەسىنىڭ اتى)
بەرىلدى ____________________________
(كۇنى, بۇيرىقتىڭ №)
ءبىرىنشى باسشىسى ______________________
(قولى)
م.و.
____________________________________
(نايمەنوۆانيە ورگانا)
ديپلوم № ____
«قازاقستان رەسپۋبليكاسىنىڭ كەن
ورنىن العاش اشۋشى»
(پەرۆووتكرىۆاتەل مەستوروجدەنيا
رەسپۋبليكي كازاحستان)
_____________________________________
(فاميليا)
_____________________________________
(يميا)
_____________________________________
(وتچەستۆو)
ۆىدانو _______________________________
(داتا, № پريكازا)
پەرۆىي رۋكوۆوديتەل ___________________
(پودپيس)
م.پ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 21 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12444 بولىپ ەنگىزىلدى.