2015 جىلعى 24 شىلدە,استانا قالاسى
«ازاماتتىق اۋە كەمەلەرىندە قاۋىپتى جۇكتەردى تاسىمالداۋ جونىندەگى نۇسقاۋلىقتى
بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ
2011 جىلعى 24 اقپانداعى №89 بۇيرىعىنا وزگەرىستەر ەنگىزۋ تۋرالى
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» 2010 جىلعى 15 شىلدەدەگى قازاقستان رەسپۋبليكاسى زاڭىنىڭ 76-بابى 5-تارماعىنا سايكەس بۇيىرامىن:
1. «ازاماتتىق اۋە كەمەلەرىندە قاۋىپتى جۇكتەردى تاسىمالداۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2011 جىلعى 24 اقپانداعى № 89 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6822 بولىپ تىركەلگەن, 2011 جىلعى 11 مامىرداعى «كازاحستانسكايا پراۆدا» گازەتىندە جاريالانعان, 2011 جىلعى 29 ساۋىردەگى «ەگەمەن قازاقستان» گازەتىندە جاريالانعان, 2011 جىلعى 13 قازانداعى قازاقستان رەسپۋبليكاسىنىڭ ورتالىق اتقارۋشى جانە وزگە دە ورتالىق مەملەكەتتىك ورگاندارىنىڭ اكتىلەر جيناعى) مىناداي وزگەرىستەر ەنگىزىلسىن:
كورسەتىلگەن بۇيرىقپەن بەكىتىلگەن, ازاماتتىق اۋە كەمەلەرىندە قاۋىپتى جۇكتەردى تاسىمالداۋ جونىندەگى نۇسقاۋلىقتا:
13-تارماق جاڭا رەداكتسيادا جازىلسىن:
«13. تەحنيكالىق نۇسقاۋلىقتاردا كورسەتىلگەن پايدالانۋشى, جۇكجىبەرۋشى (جۇكجونەلتۋشى) جانە باسقا دا ادامداردى قامتيتىن جانە قاۋiپتi جۇكتەردى اۋە كەمەلەرىمەن تاسىمالداۋعا, ساراپتاۋعا, توپتاستىرۋعا جانە بۋىپ-تۇيۋگە قاتىساتىن پەرسونال تەحنيكالىق نۇسقاۋلىقتار تالاپتارىنا سايكەس ازاماتتىق اۆياتسيا ۇيىمدارى ازىرلەيتىن ارنايى باعدارلامالار بويىنشا باستاۋىش جانە كەزەڭ-كەزەڭمەن دايىندىق تۇرلەرىنەن ءوتۋى ءتيىس.
تەحنيكالىق نۇسقاۋلىقتاردا كورسەتىلگەن قاۋىپتى جۇكتەردى اۋە كەمەلەرىمەن تاسىمالداۋعا قاتىساتىن پايدالانۋشى مامانداردى قامتيتىن جانە ۇشۋ ەكيپاجىنىڭ مۇشەلەرى, سەرتيفيكاتتالعان اۆياتسيالىق وقۋ ورىندارىندا (ورتالىقتارىندا) ارنايى باعدارلامالار بويىنشا باستاۋىش جانە كەزەڭ-كەزەڭمەن دايىندىق تۇرلەرىنەن ءوتۋى ءتيىس.
باعدارلامالار تەحنيكالىق نۇسقاۋلىقتار تالاپتارىنا سايكەس ازىرلەنەدى جانە جاڭارتىلادى.».
نۇسقاۋلىقتىڭ 14-تارماعى مىناداي رەداكتسيادا جازىلسىن:
«14. دايىندىقتان وتكەن پەرسونالدا ءتيىستى سەرتيفيكات (كۋالىك) بولۋى قاجەت. سەرتيفيكاتتىڭ (كۋالىكتىڭ) جارامدىلىق مەرزىمى 2 جىلدى قۇرايدى.
پەرسونالدى دايارلاۋ تۋرالى مالىمەت سوڭعى دايىندىقتان ءوتۋدىڭ اياقتالۋ كۇنىنەن باستاپ 3 جىل ىشىندە ساقتالادى جانە ازاماتتىق اۆياتسيا سالاسىنداعى ۋاكىلەتتى ورگانعا ونىڭ سۇراتۋى بويىنشا بەرىلەدى.».
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى (ب.ك.سەيداحمەتوۆ):
1) وسى بۇيرىقتى زاڭنامادا بەلگىلەنگەن تارتىپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق ونىڭ رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشى س.سارسەنوۆ
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 28 تامىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11967 بولىپ ەنگىزىلدى.