2015 جىلعى 26 ماۋسىم , استانا قالاسى
«كەمەلەردى جانە ولارعا قۇقىقتاردى مەملەكەتتىك تىركەۋ قاعيدالارىن بەكىتۋ تۋرالى»
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 24 اقپانداعى № 165 بۇيرىعىنا تولىقتىرۋ ەنگىزۋ تۋرالى
«ساۋدا ماقساتىندا تەڭiزدە ءجۇزۋ تۋرالى» قازاقستان رەسپۋبليكاسىنىڭ 2002 جىلعى 17 قاڭتارداعى زاڭى 212-بابىنىڭ 1 جانە 2-تارماقتارىنا سايكەس بۇيىرامىن:
1. «كەمەلەردى جانە ولارعا قۇقىقتاردى مەملەكەتتىك تىركەۋ قاعيدالارىن بەكىتۋ تۋرالى» قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 24 اقپانداعى № 165 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11125 بولىپ تىركەلگەن جانە 2015 جىلعى 18 ماۋسىمدا «ادىلەت» اقپاراتتىق-قۇقىقتىق جۇيەسىندە جاريالانعان) مىناداي تولىقتىرۋ ەنگىزىلسىن:
كورسەتىلگەن بۇيرىقپەن بەكىتىلگەن كەمەلەردى جانە ولارعا قۇقىقتاردى مەملەكەتتىك تىركەۋ قاعيدالارى مىناداي مازمۇنداعى 35-1-تارماقپەن تولىقتىرىلسىن:
«35-1. كەمەنىڭ نەمەسە جاسالىپ جاتقان كەمەنىڭ يپوتەكاسى «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسى زاڭىنىڭ 61-4-بابىندا كوزدەلگەن تارتىپپەن وپەراتسيا جۇزەگە اسىرىلعان جاعدايدا, سونداي-اق ەكىنشى دەڭگەيدەگى بانكتەر ەكىنشى دەڭگەيدەگى بانكتەردىڭ كرەديتتىك پورتفەلدەرىنىڭ ساپاسىن جاقسارتۋعا ماماندانعان, داۋىس بەرەتىن اكتسيالارىنىڭ ءجۇز پايىزى قازاقستان رەسپۋبليكاسىنىڭ ۇلتتىق بانكىنە تيەسىلى ۇيىمنىڭ پايداسىنا قۇقىقتاردى (تالاپتاردى) بەرگەن كەزدە كەپىل ۇستاۋشىنىڭ ءوتىنىشى نەگىزىندە تىركەلەدى.
وسى تارماعىنىڭ ەكىنشى بولىگىندە كوزدەلگەن جاعدايدا, كەمەنىڭ نەمەسە جاسالىپ جاتقان كەمەنىڭ يپوتەكاسىن مەملەكەتتىك تىركەۋ تۋرالى وتىنىشكە اكتيۆتەر مەن مىندەتتەمەلەردى ءبىر مەزگىلدە بەرۋ تۋرالى شارتتىڭ (تاپسىرۋ اكتىسىن نەمەسە ودان ءۇزىندى كوشىرمەنى قوسا بەرە وتىرىپ), تالاپ ەتۋ قۇقىعىن باسقاعا بەرۋ تۋرالى شارتتىڭ نوتاريات كۋالاندىرعان كوشىرمەسى قوسا بەرىلەدى.».
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ كولىك كوميتەتى ء(ا.ا. اساۆباەۆ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى جانە 2015 جىلعى 31 جەلتوقسانعا دەيىن قولدانىستا بولادى.
قازاقستان رەسپۋبليكاسىنىڭ ينۆەستيتسيالار جانە دامۋ
ءمينيسترىنىڭ مىندەتىن اتقارۋشى ا. راۋ
«كەلىسىلدى»:
قازاقستان رەسپۋبليكاسىنىڭ ۇلتتىق ەكونوميكا ءمينيسترى
________________ ە. دوساەۆ
2015 جىلعى 26 تامىز
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 13 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12165 بولىپ ەنگىزىلدى.