2015 جىلعى 17 ماۋسىم, استانا قالاسى
استانانىڭ, رەسپۋبليكالىق ماڭىزى بار قالالاردىڭ كوشەلەرىن, وبلىستىق جانە اۋداندىق ماڭىزى بار اۆتوموبيل جولدارىن جوندەۋ مەن كۇتىپ-ۇستاۋدى قارجىلاندىرۋ نورماتيۆتەرىن بەكىتۋ تۋرالى
«اۆتوموبيل جولدارى تۋرالى» 2001 جىلعى 17 شىلدەدەگى قازاقستان رەسپۋبليكاسى زاڭىنىڭ 12-بابى 2-تارماعىنىڭ 38) تارماقشاسىنا سايكەس بۇيىرامىن:
1. قوسا بەرىلىپ وتىرعان استانانىڭ, رەسپۋبليكالىق ماڭىزى بار قالالاردىڭ كوشەلەرىن, وبلىستىق جانە اۋداندىق ماڭىزى بار اۆتوموبيل جولدارىن جوندەۋگە جانە كۇتىپ ۇستاۋعا قارجىلاندىرۋ نورماتيۆتەرى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اۆتوموبيل جولدارى كوميتەتى (م.ق. پىشەمباەۆ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترىنىڭ
مىندەتىن اتقارۋشى ج. قاسىمبەك
«كەلىسىلدى»
قازاقستان رەسپۋبليكاسىنىڭ
قارجى ءمينيسترى
_____________________ ب. سۇلتانوۆ
2015 جىلعى 7 شىلدە «كەلىسىلدى»
قازاقستان رەسپۋبليكاسىنىڭ
ۇلتتىق ەكونوميكا ءمينيسترى
_____________________ ە. دوساەۆ
2015 جىلعى 14 شىلدە
قازاقستان رەسپۋبليكاسى ينۆەستيتسيالار جانە دامۋ ءمينيسترى مىندەتىن اتقارۋشىنىڭ
2015 جىلعى 17 ماۋسىمداعى №711 بۇيرىعىمەن بەكىتىلگەن
استانانىڭ, رەسپۋبليكالىق ماڭىزى بار قالالاردىڭ كوشەلەرىن, وبلىستىق جانە اۋداندىق ماڭىزى بار اۆتوموبيل جولدارىن جوندەۋ مەن كۇتىپ-ۇستاۋدى قارجىلاندىرۋ نورماتيۆتەرى
№ وبلىستاردىڭ اتاۋى اعىمداعى جوندەۋ
(1 كيلومەترگە مىڭ تەڭگە) كۇتىپ ۇستاۋ
(1 كيلومەترگە مىڭ تەڭگە)
1 2 3 4
1 اقمولا 440,5 324,9
2 اقتوبە 402,3 308,6
3 الماتى 343,8 281,6
4 اتىراۋ 343,9 165,9
5 شىعىس قازاقستان 370,2 335,4
6 جامبىل 375,8 275,0
7 باتىس قازاقستان 391,4 290,6
8 قاراعاندى 432,2 296,3
9 قىزىلوردا 360,5 187,0
10 قوستاناي 386,6 283,9
11 ماڭعىستاۋ 356,9 155,0
12 پاۆلودار 375,7 295,1
13 سولتۇستىك قازاقستان 366,5 302,5
14 وڭتۇستىك قازاقستان 360,0 190,7
15 استانا ق. 1 370,156 1 171,27
16 الماتى ق. 1 207,09 1 072,80
ەسكەرتپە:
1. استانانىڭ, رەسپۋبليكالىق ماڭىزى بار قالالاردىڭ كوشەلەرىن, وبلىستىق جانە اۋداندىق ماڭىزى بار اۆتوموبيل جولدارىن كۇتىپ-ۇستاۋدى قارجىلاندىرۋ نورماتيۆتەرىندە جۇمىستاردى جىكتەۋگە سايكەس قىسقى كۇتىپ ۇستاۋ جۇمىستارى قوسىلدى.
2. قارجىلاندىرۋ نورماتيۆتەرى قوسىلعان قۇن سالىعىنسىز (ارى قاراي - ققس) 2001 جىلعى بازالىق باعالارمەن كەلتىرىلگەن
3. اعىمدىق باعالار دەڭگەيىنە ءوتۋ بيۋدجەت زاڭناماسىنا سايكەس جىل سايىن بەلگىلەنەتىن ايلىق ەسەپتىك كورسەتكىشتىڭ وزگەرۋ يندەكسى ارقىلى جۇزەگە اسىرىلادى.
4. ققس قازاقستان رەسپۋبليكاسىنىڭ سالىق زاڭناماسىمەن ءتيىستى جىلعا بەلگىلەنەتىن مولشەردە قابىلدانادى.
5. قارجىلاندىرۋ نورماتيۆتەرى ءىىى تەحنيكالىق ساناتتاعى جولدىڭ 1 كيلومەترى ءۇشىن كەلتىرىلگەن. تالاپ ەتىلەتىن ساناتتىڭ ءنورماتيۆىن ەسەپتەۋ ءۇشىن جول ساناتتارى بويىنشا تومەندە كەلتىرىلگەن سارالاۋ كوەففيتسيەنتتەرى قولدانىلادى:
جۇمىس ءتۇرى اۆتوموبيل جولدارىنىڭ ساناتتارى
Iا/Iب 8 جولاق Iا/Iب 6 جولاق Iا/Iب 4 جولاق II III IV V
سارالاۋ كوەففيتسيەنتتەرى
اعىمداعى جوندەۋ 5,06/3,37 3,90/2,60 2,73/1,82 1,13 1 0,74 0,47
كۇتىپ ۇستاۋ 4,59/3,06 3,63/2,42 2,67/1,78 1,24 1 0,89 0,73
6. قارجىلاندىرۋ نورماتيۆتەرى ءجۇرۋ جولاعىنىڭ ەنى 3,5 مەتردى قۇرايتىن استانانىڭ, رەسپۋبليكالىق ماڭىزى بار قالالار كوشەلەرىنىڭ 1 كيلومەترى ءۇشىن كەلتىرىلگەن. استانانىڭ, رەسپۋبليكالىق ماڭىزى بار قالالار كوشەلەرىنىڭ تالاپ ەتىلەتىن پارامەترلەرى ءنورماتيۆىن ەسەپتەۋ ءۇشىن اۆتوموبيل جولدارىنىڭ مىناداي ساناتتارى بويىنشا جوعارىدا كورسەتىلگەن سارالاۋ كوەففيتسيەنتتەرى قولدانىلادى:
1) جىلدام قوزعالىستاعى ماگيسترالدىق جولدار ءجۇرۋ جولاعىنا بايلانىستى Iا/Iب ساناتتارى بويىنشا;
2) ۇزدىكسىز قوزعالىستاعى جالپى قالالىق ماڭىزى بار ماگيسترالدىق كوشەلەر II سانات بويىنشا;
3) جاياۋ جۇرگىنشى-كولىكتىك اۋداندىق ماڭىزى بار ماگيسترالدىق كوشەلەر V سانات بويىنشا;
4) تۇرعىن ءۇي قۇرىلىسى سالىناتىن اۋدانداعى جەرگىلىكتى ماڭىزى بار جولدار مەن كوشەلەر IV سانات بويىنشا;
5) ساياباق جولدارى IV سانات بويىنشا;
6) نەگىزگى ءوتۋ جولدارى IV سانات بويىنشا;
7) ۆەلوسيپەد جولاعى جانە جاياۋ جۇرگىنشىلەر كوشەلەرى V سانات بويىنشا.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 13 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11875 بولىپ ەنگىزىلدى.