2015 جىلعى 16 ماۋسىم,استانا قالاسى
حيميالىق ءونىمدى تىركەۋ جانە ەسەپكە الۋ قاعيدالارىن بەكىتۋ تۋرالى
«حيميالىق ءونىمنىڭ قاۋىپسىزدىگى تۋرالى» 2007 جىلعى 21 شىلدەدەگى قازاقستان رەسپۋبليكاسى زاڭىنىڭ 8-1-بابىنا سايكەس, بۇيىرامىن:
1. قوسا بەرىلىپ وتىرعان حيميالىق ءونىمدى تىركەۋ جانە ەسەپكە الۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتى (ا.ق.ەرجانوۆ):
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترىنىڭ مىندەتىن اتقارۋشى ج.قاسىمبەك
«كەلىسىلدى»
قازاقستان رەسپۋبليكاسىنىڭ
اۋىل شارۋاشىلىعى ءمينيسترى
______________ ا.مامىتبەكوۆ
2015 جىلعى 9 شىلدە
«كەلىسىلدى»
قازاقستان رەسپۋبليكاسىنىڭ
ۇلتتىق ەكونوميكا ءمينيسترى
______________ ە.دوساەۆ
2015 جىلعى 14 شىلدە «كەلىسىلدى»
قازاقستان رەسپۋبليكاسىنىڭ
ىشكى ىستەر ءمينيسترى
______________ ق.قاسىموۆ
2015 جىلعى 1 شىلدە
«كەلىسىلدى»
قازاقستان رەسپۋبليكاسىنىڭ
ەنەرگەتيكا ءمينيسترى
______________ ۆ. شكولنيك
2015 جىلعى 14 شىلدە
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ
2015 جىلعى 16 ماۋسىمداعى №694 بۇيرىعىمەن بەكىتىلگەن
حيميالىق ءونىمدى تىركەۋ جانە ەسەپكە الۋ قاعيدالارى
1. جالپى ەرەجەلەر
1. وسى حيميالىق ءونىمدى تىركەۋ جانە ەسەپكە الۋ قاعيدالارى (بۇدان ءارى - قاعيدالار) «حيميالىق ءونىمنىڭ قاۋىپسىزدىگى تۋرالى» 2007 جىلعى 21 شىلدەدەگى قازاقستان رەسپۋبليكاسىنىڭ زاڭىنىڭ 8-1-بابىنا (بۇدان ءارى - زاڭ) سايكەس ازىرلەندى جانە حيميالىق ءونىمدى تىركەۋ جانە ەسەپكە الۋ ءتارتىبىن ايقىندايدى.
2. وسى قاعيدالاردىڭ قولدانىسى اينالامىنا, وڭدەۋىنە, قايتا وندەۋىنە, وندىرۋىنە, ساتىپ الۋىنا, وتكىزۋىنە, ساقتاۋىنا, پايدالانۋىنا, جويۋىنا قاتىستى «رۇقساتتار جانە حابارلامالار تۋرالى» 2014 جىلعى 16 مامىرداعى قازاقستان رەسپۋبليكاسىنىڭ زاڭىنا (بۇدان ءارى - «رۇقساتتار جانە حابارلامالار تۋرالى» زاڭ) سايكەس رۇقسات بەرۋ ءتارتىبى بەلگىلەنگەن حيميالىق ونىمدەرگە قولدانىلمايدى:
1) ەسىرتكى قۇرالدار, پسيحوتروپتىق زاتتار, پرەكۋرسورلار;
2) جارىلعىش جانە پيروتەحنيكالىق زاتتار;
3) ۋلار;
4) پەستيتسيدتەر (ۋلى حيميكاتتار);
5) بوياعىشتار, سينتەتيكالىق جۋعىش قۇرالدار;
6) دەزينفەكتسيالاۋ, دەزينسەكتسيالاۋ جانە دەراتيزاتسيالاۋ قۇرالدارى;
7) تاماققا قوسپالار.
3. وسى قاعيدالاردىڭ تالاپتارىنا سايكەس تىركەلمەگەن حيميالىق ءونىم, زاڭنىڭ 3-بابىنىڭ 2-تارماعىندا كورسەتىلگەن حيميالىق ءونىمدى قوسپاعاندا, قازاقستان رەسپۋبليكاسىنىڭ اۋماعىندا اينالىمعا جىبەرىلمەيدى.
4. وسى قاعيدالاردا زاڭدا پايدالانىلاتىن نەگىزگى ۇعىمدار, سونداي-اق مىناداي ۇعىمدار قولدانىلادى:
1) حيميالىق ءونىمدى تىركەۋ تۋرالى كۋالىكتەر ءتىزىلىمى (بۇدان ءارى – ءتىزىلىم) – ونىڭ تىركەلۋى تۋرالى قاجەتتى مالىمەتتەردى قامتيتىن جانە حيميالىق ءونىمنىڭ قاۋىپسىزدىگى سالاسىنداعى مەملەكەتتىك رەتتەۋدى جۇزەگە اسىراتىن ۋاكىلەتتى ورگان (بۇدان ءارى - ۋاكىلەتتى ورگان) جۇرگىزەتىن حيميالىق ءونىمنىڭ تىزبەسى;
2) حيميالىق ءونىمدى تىركەۋ - ۋاكىلەتتى ورگاننىڭ مالىمدەلگەن قۇجاتتاردى قاراۋ ناتيجەلەرى بويىنشا تىزىلىمگە حيميالىق ءونىم تۋرالى مالىمەتتەردى ەنگىزۋ جانە حيميالىق ءونىمدى تىركەۋ تۋرالى كۋالىكتى بەرۋ;
3) حيميالىق ءونىمدى تىركەۋ تۋرالى كۋالىك - حيميالىق ونىمگە ونىڭ تىركەۋ راستاۋ جانە تىزىلىمگە ەنگىزۋ ماقساتىندا ۋاكىلەتتى ورگان بەرەتىن قۇجات.
2. حيميالىق ءونىمدى تىركەۋ جانە ەسەپكە الۋ ءتارتىبى
5. حيميالىق ءونىمدى تىركەۋ جانە ەسەپكە الۋ پروتسەسى وزىنە مىنالاردى قامتيدى:
1) حيميالىق ءونىمدى تىركەۋ ءۇشىن ءوتىنىم بەرۋشى ء(وندىرۋشى, جەتكىزۋشى, يمپورتتاۋشى) ۇسىناتىن قۇجاتتاردى قابىلداۋ;
2) قۇجاتتاردى قاراۋ جانە حيميالىق ءونىمدى تىركەۋ نەمەسە باس تارتۋ تۋرالى شەشىم قابىلداۋ;
3) حيميالىق ءونىم تۋرالى مالىمەتتەردى تىزىلىمگە ەنگىزۋ نەمەسە دالەلدى باس تارتۋدى دايىنداۋ;
4) وسى قاعيدالارعا 1-قوسىمشاعا سايكەس حيميالىق ءونىمدى تىركەۋ تۋرالى كۋالىكتى نەمەسە دالەلدى باس تارتۋدى بەرۋ.
6. حيميالىق ءونىمدى ەسەپكە الۋ تىزىلىمگە مالىمەتتەردى ەنگىزۋ ارقىلى ۋاكىلەتتى ورگان جۇرگىزەدى.
7. حيميالىق ءونىمدى تىركەۋ جانە ەسەپكە الۋ ءۇشىن ءوتىنىم بەرۋشى ء(وندىرۋشى, جەتكىزۋشى, يمپورتتاۋشى) ۋاكىلەتتى ورگانعا مىناداي قۇجاتتاردى ۇسىنادى:
1) وسى قاعيدالارعا 2-قوسىمشاعا سايكەس نىسان بويىنشا حيميالىق ءونىمدى تىركەۋ تۋرالى كۋالىكتى الۋعا ءوتىنىم;
2) زاننىڭ 15-بابىندا بەلگىلەنگەن تالاپتارعا سايكەس كەلەتىن, مەملەكتەتتىك جانە ورىس تىلدەرىندە حيميالىق ءونىم قاۋىپسىزدىگىنىڭ پاسپورتى.
8. شەتەل تۇلعالارى جانە شەتەلدىك زاڭدى تۇلعالار قازاقستان رەسپۋبليكاسىنىڭ ازاماتتارىمەن جانە زاڭدى تۇلعالارىمەن تەڭ دارەجەدە ءوتىنىم بەرۋشى ء(وندىرۋشى, جەتكىزۋشى, يمپورتتاۋشى) بولا الادى.
9. ۋاكىلەتتى ورگان ءوتىنىم تۇسكەن كۇننەن باستاپ بەس جۇمىس كۇنى ىشىندە قۇجاتتاردى قارايدى جانە حيميالىق ءونىمدى تىركەۋ نەمەسە دالەلدى باس تارتۋدى بەرۋ تۋرالى شەشىم قابىلدايدى.
باس تارتىلعان جاعدايدا, ۋاكىلەتتى ورگان ءوتىنىم بەرۋشى ء(وندىرۋشى, جەتكىزۋشى, يمپورتتاۋشى) ۇسىنعان بارلىق قۇجاتتاردى قايتارادى جانە ونى باس تارتۋ سەبەبىن كورسەتە وتىرىپ, جازباشا تۇردە حاباردار ەتەدى.
10. حيميالىق ءونىمدى تىركەۋدەن باس تارتۋ ءۇشىن نەگىز مىنالار بولىپ تابىلادى:
1) حيميالىق ءونىمنىڭ قاۋىپسىزدىگى سالاسىنداعى قازاقستان رەسپۋبليكاسى زاڭناماسىنىڭ تالاپتارىنا حيميالىق ءونىمنىڭ سايكەسسىزدىگى;
2) حيميالىق ءونىمنىڭ قاۋىپسىزدىگى پاسپورتىندا زاننىڭ 15-بابىندا كورسەتىلگەن تولىق ەمەس اقپاراتتى ۇسىنۋ;
3) حيميالىق ءونىمنىڭ قاۋىپسىزدىگى پاسپورتىندا حيميالىق ءونىم تۋرالى دۇرىس ەمەس مالىمەتتەر ۇسىنۋ.
11. حيميالىق ءونىمدى تىركەۋدەن باس تارتۋ تۋرالى شەشىمگە «رۇقساتتار جانە حابارلامالار تۋرالى» زاڭنىڭ 20-بابىنىڭ 1-تارماعىنىڭ 2) تارماقشاسىنا سايكەس ءوتىنىم بەرۋشى ء(وندىرۋشى, جەتكىزۋشى, يمپورتتاۋشى) شاعىمدانا الادى.
12. ۋاكىلەتتى ورگاننىڭ ەسكەرتۋلەرىن جويعان جاعدايدا, ءوتىنىم بەرۋشى ء(وندىرۋشى, جەتكىزۋشى, يمپورتتاۋشى) وسى قاعيدالاردا بەكىتىلگەن تارتىپتە ۋاكىلەتتى ورگانعا قايتا جۇگىنەدى.
13. حيميالىق ءونىمدى تىركەۋ تۋرالى كۋالىكتىڭ قولدانىلۋ مەرزىمى بەس جىل.
حيميالىق ءونىمدى تىركەۋ جانە ەسەپكە الۋ قاعيدالارىنا 1-قوسىمشا
نىسان
حيميالىق ءونىمدى تىركەۋ تۋرالى كۋالىك
قر-حپ-N_________ ____________________
ء(وتىنىم بەرۋشى, ەل)
قولدانۋ سالاسى ________________________________________________________________________________
______________________________________________________________________________________تۇرىندەگى
(شىعارۋ نىسانى)
_____________________________________________________________________________________________
ء(وندىرۋشى فيرما)
_______________________________________________________________________________________________
(حيميالىق ءونىمنىڭ تولىق اتاۋى)
_________________________________________________حيميالىق ءونىمى قازاقستان رەسپۋبليكاسىندا تىركەلگەن.
تىركەلگەن كۇنى _____________________________________________________
قۇجات _______________________________________________ دەيىن جارامدى.
ۋاكىلەتتى تۇلعا__________________________________م.و.
حيميالىق ءونىمدى تىركەۋ جانە ەسەپكە الۋ قاعيدالارىنا 2-قوسىمشا
نىسان
قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ
يندۋستريالىق دامۋ جانە ونەركاسىپتىك قاۋىپسىزدىك كوميتەتى
________________________________________________________
(كورسەتىلەتىن قىزمەتتى الۋشىنىڭ تولىق اتاۋى)
مەكەنجايى ______________________________________________
(يندەكس, قالا, اۋدان, وبلىس, كوشە, ءۇي №, تەلەفون)
كورسەتىلەتىن قىزمەتتى الۋشىنىڭ دەرەكتەمەلەرى ________________
(زت/دك مەملەكەتتىك تىركەۋ تۋرالى كۋالىك №, بسن, جسن)
حيميالىق ءونىمدى تىركەۋ تۋرالى كۋالىكتى الۋعا ارنالعان ءوتىنىم
________________________________________________حيميالىق ءونىمدى تىركەۋ تۋرالى كۋالىك بەرۋدى سۇرايمىز.
قاعاز تاسىعىشتا ______ (ەگەر, كۋالىكتى قاعاز تاسىعىشتا الۋ قاجەت بولسا, ح بەلگىسىن قويۋ)
قوسىمشا: ____ پاراقتا.
اقپاراتتىق جۇيەلەردە قامتىلعان, زاڭمەن قورعالاتىن قۇپيانى قۇرايتىن مالىمەتتەردى پايدالانۋعا كەلىسەمىن
20___ جىلعى «___»___________ _____________ (قول قويۋ)
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 23 شىلدەدەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 11737 بولىپ ەنگىزىلدى.