2015 جىلعى 28 مامىر , استانا قالاسى
تەڭiز كولiگi, تەڭىز وقۋ-ترەناجەر ورتالىقتارى ماماندارىن دايارلاۋدى
(قايتا دايارلاۋدى) جانە ولاردىڭ بىلىكتىلىگىن ارتتىرۋدى جۇزەگە اسىراتىن ءبىلىم بەرۋ ۇيىمدارىن كۋالاندىرۋ قاعيدالارىن جانە ولارعا قويىلاتىن تالاپتاردى
بەكىتۋ تۋرالى
«ساۋدا ماقساتىندا تەڭىزدە ءجۇزۋ تۋرالى» 2002 جىلعى 17 قاڭتارداعى قازاقستان رەسپۋبليكاسىنىڭ زاڭى 4-بابىنىڭ 3-تارماعى 55-30) تارماقشاسىنا سايكەس بۇيىرامىن:
1. قوسا بەرىلىپ وتىرعان تەڭiز كولiگi, تەڭىز وقۋ-ترەناجەر ورتالىقتارى ماماندارىن دايارلاۋدى (قايتا دايارلاۋدى) جانە ولاردىڭ بىلىكتىلىگىن ارتتىرۋدى جۇزەگە اسىراتىن ءبىلىم بەرۋ ۇيىمدارىن كۋالاندىرۋ قاعيدالارىن جانە ولارعا قويىلاتىن تالاپتارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ كولىك كوميتەتى ء(ا.ا.اساۆباەۆ):
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپتە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ
«كەلىسىلدى»:
قازاقستان رەسپۋبليكاسىنىڭ
ءبىلىم جانە عىلىم ءمينيسترى
________________ ا.ءسارىنجىپوۆ
2016 جىلعى 5 اقپان «كەلىسىلدى»:
قازاقستان رەسپۋبليكاسىنىڭ
ۇلتتىق ەكونوميكا ءمينيسترى
________________ ە.دوساەۆ
2015 جىلعى 3 قىركۇيەك
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 28 مامىرداعى №663 بۇيرىعىمەن بەكىتىلگەن
تەڭiز كولiگi, تەڭىز وقۋ-ترەناجەر ورتالىقتارى ماماندارىن دايارلاۋدى (قايتا دايارلاۋدى) جانە
ولاردىڭ بىلىكتىلىگىن ارتتىرۋدى جۇزەگە اسىراتىن ءبىلىم بەرۋ ۇيىمدارىن كۋالاندىرۋ قاعيدالارى جانە ولارعا قويىلاتىن تالاپتار
1. جالپى ەرەجەلەر
1. وسى تەڭiز كولiگi, تەڭىز وقۋ-ترەناجەر ورتالىقتارى ماماندارىن دايارلاۋدى (قايتا دايارلاۋدى) جانە ولاردىڭ بىلىكتىلىگىن ارتتىرۋدى جۇزەگە اسىراتىن ءبىلىم بەرۋ ۇيىمدارىن كۋالاندىرۋ قاعيدالارى جانە ولارعا قويىلاتىن تالاپتار (بۇدان ءارى – قاعيدالار) «ساۋدا ماقساتىندا تەڭىزدە ءجۇزۋ تۋرالى» 2002 جىلعى 17 قاڭتارداعى قازاقستان رەسپۋبليكاسى زاڭىنىڭ 4-بابى 3-تارماعىنىڭ 55-30) تارماقشاسىنا سايكەس ازىرلەندى جانە تەڭiز كولiگi, تەڭىز وقۋ-ترەناجەر ورتالىقتارى ماماندارىن دايارلاۋدى (قايتا دايارلاۋدى) جانە ولاردىڭ بىلىكتىلىگىن ارتتىرۋدى جۇزەگە اسىراتىن ءبىلىم بەرۋ ۇيىمدارىن (بۇدان ءارى – ءبىلىم بەرۋ ۇيىمدارى) كۋالاندىرۋ ءتارتىبىن جانە ولارعا قويىلاتىن تالاپتاردى ايقىندايدى.
2. تەڭiز كولiگi, تەڭىز وقۋ-ترەناجەر ورتالىقتارى ماماندارىن دايارلاۋدى (قايتا دايارلاۋدى) جانە ولاردىڭ بىلىكتىلىگىن ارتتىرۋدى جۇزەگە اسىراتىن ءبىلىم بەرۋ ۇيىمدارىن كۋالاندىرۋ ءبىلىم بەرۋ ۇيىمدارىنىڭ, تەڭىز وقۋ-ترەناجەر ورتالىقتارىنىڭ وسى قاعيدالاردىڭ تالاپتارىنا سايكەستىگىن ايقىنداۋ ءۇشىن جۇرگىزىلەدى.
3. وسى قاعيدالاردا كەلەسى ۇعىمدار پايدالانىلانىلادى:
1) تەڭىز وقۋ-ترەناجەر ورتالىعى – حالىقارالىق تالاپتارىنا سايكەس تەڭىز كولىگى ماماندارىن دايارلاۋدى (قايتا دايارلاۋدى) جانە بىلىكتىلىگىن ارتتىرۋدى جۇزەگە اسىراتىن زاڭدى تۇلعا;
2) ۋاكىلەتتى ورگان – ساۋدا ماقساتىندا تەڭىزدە ءجۇزۋ سالاسىنداعى, سونداي-اق, قازاقستان رەسپۋبليكاسىنىڭ زاڭىندا كوزدەلگەن شەڭبەرىندە سالاارالىق ۇيلەستىرۋدەگى باسشىلىقتى جۇزەگە اسىراتىن ورتالىق اتقارۋ ورگانى.
2. تەڭiز كولiگi, تەڭىز وقۋ-ترەناجەر ورتالىقتارى ماماندارىن دايارلاۋدى (قايتا دايارلاۋدى) جانە ولاردىڭ بىلىكتىلىگىن ارتتىرۋدى جۇزەگە اسىراتىن ءبىلىم بەرۋ ۇيىمدارىن كۋالاندىرۋ ءتارتىبى
4. ءبىلىم بەرۋ ۇيىمدارىن, تەڭىز وقۋ-ترەناجەر ورتالىقتارىن كۋالاندىرۋ قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 28 مامىرداعى № 664 «تەڭىز كولىگى, تەڭىز وقۋ-ترەناجەر ورتالىقتارى ماماندارىن دايارلاۋدى (قايتا دايارلاۋدى) جانە ولاردىڭ بىلىكتىلىگىن ارتتىرۋدى جۇزەگە اسىراتىن ءبىلىم بەرۋ ۇيىمدارىن كۋالاندىرۋ جونىندەگى ۋاكىلەتتى ۇيىمدى ايقىنداۋ قاعيدالارىن بەكىتۋ تۋرالى» بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 12008 بولىپ تىركەلگەن) سايكەس تەڭiز كولiگi ماماندارىن دايارلاۋدى (قايتا دايارلاۋدى) جانە بىلىكتىلىگىن ارتتىرۋ بويىنشا ۋاكىلەتتى ورگانمەن ايقىندالاتىن تەڭiز كولiگi, تەڭىز وقۋ-ترەناجەر ورتالىقتارى ماماندارىن دايارلاۋدى (قايتا دايارلاۋدى) جانە ولاردىڭ بىلىكتىلىگىن ارتتىرۋدى جۇزەگە اسىراتىن ءبىلىم بەرۋ ۇيىمدارىن (بۇدان ءارى – ءبىلىم بەرۋ ۇيىمدارى) كۋالاندىرۋ بويىنشا ۋاكىلەتتى ۇيىممەن جۇرگىزىلەدى.
5. ءبىلىم بەرۋ ۇيىمدارىن, تەڭىز وقۋ-ترەناجەر ورتالىقتارىن كۋالاندىرۋ كەزىندە ۋاكىلەتتى ۇيىمدارمەن:
1) تەڭىزشىلەردى دايارلاۋدى جۇرگىزەتىن وقۋ باعدارلامالارى;
2) پروفەسسورلىق-وقىتۋشىلار قۇرامى, سونداي-اق, ينسترۋكتورلار;
3) قولدانىلاتىن وقۋ قۇرال-جابدىقتارى, سونىڭ ىشىندە بولعان جاعدايدا ترەناجەرلەر.
6. ءبىلىم بەرۋ ۇيىمدارىمەن, تەڭىز وقۋ-ترەناجەر ورتالىقتارىمەن كۋالاندىرۋدىڭ باستالۋىنان ەكى اي بۇرىن ۋاكىلەتتى ۇيىمعا كەلەسى اقپارات ۇسىنىلادى:
1) ۇيىمدىق قۇرىلىم جانە ءار ءتۇرلى كونسۋلتاتيۆتىك كەڭەستەردىڭ قۇرامى تۋرالى (بولعان جاعدايدا);
2) قولدانىلاتىن تەورەتيكالىق جانە پراكتيكالىق دايىندىقتار تۋرالى مالىمەت;
3) قىزمەتكەرلەر جانە ستۋدەنتتەر تۋرالى اقپارات;
4) وقۋ قۇرال-جابدىقتاردىڭ سيپاتتاماسى;
5) كەلەسىلەرگە قاتىستى ساياساتتىڭ جانە پروتسەدۋرالاردىڭ جالپى مازمۇنداماسى:
ستۋدەنتتەردى قابىلداۋ;
جاڭا كۋرستاردى ازىرلەۋ جانە بار كۋرستاردى قايتا قاراۋ;
ەمتيحانداردى, سونىڭ ىشىندە اپەللياتسيالار جانە قايتا تاپسىراتىن ەمتيحان جۇرگىزۋ جۇيەسى;
قىزمەتكەرلەردى جۇمىسقا قابىلداۋ, دايارلاۋ, بىلىكتىلىكتى ارتتىرۋ, باعالاۋ جانە قىزمەتتە جوعارلاتۋ.
7. ۋاكىلەتتى ۇيىممەن الىنعان ماتەريالدار ءاناليزى جۇرگىزىلەدى جانە كۋالاندىرۋدى وتكىزۋدىڭ الدىن الا مەرزىمى حابارلانادى.
8. كۋالاندىرۋدى جۇرگىزۋ الدىندا ءبىلىم بەرۋ ۇيىمى جانە ۋاكىلەتتى ۇيىم اراسىندا كۋالاندىرۋدى وتكىزۋ نەگىزگى شارتتارى, كۋالاندىرۋدىڭ باستالۋ جانە اياقتالۋ مەرزىمى بەكىتىلگەن كەلىسىم جاسالادى.
9. كۋالاندىرۋ جۇرگىزۋ كەزىندە ۋاكىلەتتى ۇيىمعا قاجەتتى جاي بەرىلەدى.
10. كۋالاندىرۋ قورىتىندىسى بويىنشا ۋاكىلەتتى ۇيىمىمەن:
1) ءبىلىم بەرۋ ۇيىمى نەمەسە تەڭىز وقۋ-ترەناجەر ورتالىعى تۋرالى قىسقا انىقتامالىق اقپارات جانە ولارمەن قولدانۋعا جوسپارلانعان وقۋ باعدارلامالارى;
2) قولدانىلاتىن باعالاۋ پروتسەدۋراسىنىڭ سيپاتى;
3) وسى قاعيدالاردىڭ جانە 2010 جىلعى تۇزەتۋلەرمەن 1978 جىلعى تەڭىزشىلەردى دايارلاۋ جانە ديپلومداۋ جانە ۆاحتادا تۇرۋ تۋرالى حالىقارالىق كونۆەنتسياسىنىڭ (بۇدان ءارى – كونۆەنتسيا) تالاپتارىنا سايكەستىگى نەمەسە سايكەس كەلمەۋى جانە قويىلعان ماقساتتارعا جانە مىندەتتەرگە جەتۋ كوزقاراسىنان ىشكى ستاندارتتار ساپاسىنىڭ تيىمدىلىگى تۋرالى اقپارات;
4) تەڭىزشىلەردى دايارلاۋ ساپاسىن جاقسارتۋ ءۇشىن ۇسىنىستار قۇرايتىن قورىتىندى دايىندايدى.
11. جاعىمدى قورىتىندى العاننان كەيىن ءبىلىم بەرۋ ۇيىمى, تەڭىز وقۋ-ترەناجەر ورتالىعى تەڭiز كولiگi ماماندارىن دايارلاۋدى (قايتا دايارلاۋدى) جانە بىلىكتىلىگىن ارتتىرۋ بويىنشا قىزمەتتىڭ باستالۋى تۋرالى ۋاكىلەتتى ورگانعا قورىتىندىنىڭ كوشىرمەسىن قوسا حابارلاندىرۋ قاعازىن جىبەرەدى.
12. جاعىمسىز قورىتىندى بولسا ءبىلىم بەرۋ ۇيىمى, تەڭىز وقۋ-ترەناجەر ورتالىعى قورىتىندىنى العاننان كەيىن بەس جۇمىس كۇن ىشىندە ۋاكىلەتتى ۇيىمعا بەكىتۋ ءۇشىن تۇزەتۋشى ارەكەتتەر جوسپارىن ۇسىنادى.
13. بەكىتىلگەن تۇزەتۋشى ارەكەتتەر جوسپارىنا سايكەس سايكەسسىزدىكتەردى جويعاننان كەيىن ءبىلىم بەرۋ ۇيىمى, تەڭىز وقۋ-ترەناجەر ورتالىعى وسى تۋرالى اقپاراتتى كۋالاندىرۋ جۇرگىزگەن ۋاكىلەتتى ۇيىمعا جولدايدى.
ۋاكىلەتتى ۇيىم ءبىلىم بەرۋ ۇيىمىنان, تەڭىز وقۋ-ترەناجەر ورتالىعىنان حابارلاندىرۋ قاعازىن العاننان كەيىن بەس جۇمىس كۇن ىشىندە قايتا كۋالاندىرۋ جۇرگىزەدى.
كۋالاندىرۋدىڭ ناتيجەسى بويىنشا سايكەسسىزدىكتەردى جويۋ تۋرالى قورىتىندى جاسالادى, قوسىمشاسىمەن ءبىلىم بەرۋ ۇيىمى, تەڭىز وقۋ-ترەناجەر ورتالىعى ۋاكىلەتتى ورگاندى تەڭiز كولiگi ماماندارىن دايارلاۋدى (قايتا دايارلاۋدى) جانە بىلىكتىلىگىن ارتتىرۋ بويىنشا قىزمەتتىڭ باستالۋى تۋرالى حابارلايدى.
3. ءبىلىم بەرۋ ۇيىمدارىنا, تەڭىز وقۋ-ترەناجەر ورتالىقتارىنا قويىلاتىن تالاپتار
14. ءبىلىم بەرۋ ۇيىمدارىنا, تەڭىز وقۋ-ترەناجەر ورتالىقتارىنا كەلەسى تالاپتار قويىلادى:
1) تەڭىز كولىگى ماماندارىن دايارلاۋ, بىلىكتىلىگىن قولداۋ بويىنشا كەلەسىلەردى قۇرايتىن باسشالاقتىن بولۋى:
تەڭiز كولiگi ماماندارىن دايارلاۋ (قايتا دايارلاۋ) جانە بىلىكتىلىگىن ارتتىرۋ تۇرلەرىن كۋالاندىرۋعا وتىنىشتەردىڭ جالپى سيپاتتاماسى;
قولدانىستاعى باعدارلامالىق قامتاماسىز ەتۋ جانە وقۋ كۋرسىن ىسكە اسىرۋ ءۇشىن جابدىقتار سيپاتتاماسىن قوسا ۇسىنعان وقۋ باعدارلامالارىنىڭ مازمۇنى;
ساپانى قامتاماسىز ەتۋ جۇيەسىنىڭ جالپى سيپاتتاماسى;
ءبىلىم بەرۋ ۇيىمىندا بار جاي, قۇرال-جابدىقتار سيپاتتاماسى;
ينسترۋكتورلار قىزمەتىنىڭ سالاسىن كەڭەيتۋ جانە بىلىكتىلىگىن ۇستاۋ ءۇشىن قولدانبالى پروتسەدۋرالارىنىڭ سيپاتتاماسى;
ينسترۋكتورلاردى دايارلاۋ تۋرالى ەسەپ بەرۋ قۇجاتتاماسىن جۇرگىزۋ جانە ساقتاۋ ءتارتىبىنىڭ سيپاتتاماسى.
2) كەلەسىلەردى قامتيتىن مەنەدجمەنت ساپاسىنىڭ جۇيەسىنىڭ بارى:
ساپانى قامتاماسىز ەتۋ كونتسەپتسياسى;
ساپانى باسقارۋ;
ساپانى قامتاماسىز ەتۋ بويىنشا باسشىلىق;
تەكسەرۋ ءادىسى;
ەسەپتى جۇرگىزۋ جانە ەسەپتىلىك.
3) «ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى 14-بابىنىڭ 8-1-تارماعى جانە كونۆەنتسيا نەگىزىندە ۋاكىلەتتى ورگانمەن بەكىتىلەتىن ۇلگىگە سايكەس وقۋ باعدارلامالارىنىڭ ءبىلىم بەرۋ ۇيىمدارىندا بولۋى;
4) كەلەسى قۇجاتتارى بار ينسرۋكتورلاردىڭ بولۋى:
ينسترۋكتورلاردى وقىتاتىن كۋرسىن ءوتۋىن راستايتىن قۇجات (حالىقارالىق تەڭىز ۇيىمىنىڭ (حتۇ) 6.09 مودەلدىك كۋرسى);
كونۆەنتسياعا سايكەس ناقتى ۇلگىلەر جانە دايارلاۋ دارەجەلەرى ءۇشىن كاسىبي ديپلوم نەمەسە تەڭىز كولىگى ماماندارىن دايارلاۋ كۋالىكتەرى;
ەكى جىلدان كەم ەمەس ءجۇزۋ ستاجى;
ترەناجەرلەردى قولدانعان جاعدايلاردا, ترەناجەرلەردى قولداناتىن ينسترۋكتورلار جانە سىناۋشى وقىتۋ كۋرسىن ءوتۋ تۋرالى كۋالىك (حتۇ 6.10 مودەلدىك كۋرسى).
5) وقۋ قۇرال-جابدىقتارىنىڭ, سونىڭ ىشىندە كونۆەنتسيانىڭ II (تەڭىز) جانە III (تەحنيكالىق) تاراۋلارىنا سايكەس تاجىريبەلىك داعدىلاردى الۋ ءۇشىن شىنايى جاعدايلار جاسايتىن ترەنجەرلەر بولۋى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 10 ناۋرىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13429 بولىپ ەنگىزىلدى.