2015 جىلعى 25 ماۋسىم ,استانا قالاسى
دارىلىك زاتتارعا مەديتسينالىق ماقساتتاعى بۇيىمدارعا جانە مەديتسينالىق تەحنيكاعا جاتپايتىن تاۋارلاردىڭ تىزبەسىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 69-بابىنىڭ 3 - تارماعىنا سايكەس بۇيىرامىن:
1. قوسا بەرىلىپ وتىرعاڭ دارىلىك زاتتارعا مەديتسينالىق ماقساتتاعى بۇيىمدارعا جانە مەديتسينالىق تەحنيكاعا جاتپايتىن تاۋارلاردىڭ تىزبەسى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك
دامۋ ءمينيسترى ت. دۇيسەنوۆا
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 25 ماۋسىمداعى № 516 بۇيرىعىمەن بەكىتىلگەن
دارىلىك زاتتارعا مەديتسينالىق ماقساتتاعى بۇيىمدارعا جانە
مەديتسينالىق تەحنيكاعا جاتپايتىن تاۋارلاردىڭ تىزبەسى
1. ناۋقاستاردى كۇتۋگە ارنالعان زاتتار:
1) اپليكاتورلار, سونىڭ ىشىندە ماگنيتوفورلىق رەزەڭكەدەن جاسالعاندارى;
2) قان سوراتىن بانكىلەر;
3) پەرگامەنتتى, بالاۋىز, كومپرەستىك قاعاز;
4) كوزدى شايۋعا ارنالعان ۆاننوچكالار;
5) بوي ولشەۋىشى بار بالالارعا ارنالعان, ەدەنگە قوياتىن (ەلەكتروندىق), مەحانيكالىق پورتاتيۆتىك, ۇستەلگە قوياتىن, جاڭا تۋعان نارەستەلەرگە جانە 1,5 جاسقا دەيىنگى بالالارعا ارنالعان جانە باسقا تيپتەگى مەديتسينالىق تارازى;
6) گيپس;
7) رەزەڭكە گرەلكالار;
8) رەزەڭكە ماتادان جاسالعان, كومپرەستىك, مەديتسينالىق جانە پلاستيكات كومپرەستىك توسەمە كلەەنكا;
9) ماگنيتتى بۇيىمدار;
10) مەديتسينالىق ماقساتتارعا ارنالعان مەتالدان, پلاستماسسادان, فارفوردان, فايانستان, جارتىلاي فارفوردان جانە مايوليكتەن جاسالعان بۇيىم: مەديتسينالىق استاۋشالار, ءتۇرلى سۋارعىشتار, ءدارى قابىلداۋعا ارنالعان شاعىن ستاكاندار;
11) جاتىرعا ارنالعان ساقينالار (ماتوچنىە كولتسا), بالالارعا ارنالعان ءتۇرلى, ءتىس, ءمۇيىز ساقينالار;
12) بالداقتار, تاياقتار, بالداعى بار تىرەۋلەر, تاياققا ارنالعان ۇشتىقتار, بالداققاپتار;
13) توسەمە شەڭبەرلەر;
14) كوز قالاقشالارى;
15) ماسساجەرلەر;
16) ماتراستار جانە ويىلۋعا قارسى جابدىقتار;
17) ساۋساققا كيىلەتىندەر, تامىر تارتقىشتار;
18) كوز تامشۋىرلارى;
19) جاڭا تۋعان نارەستەلەردىڭ كۇتىمىنە ارنالعان ىدىستار مەن زاتتار;
20) ورتوپەديالىق توسەمەلەر;
21) ءبىر رەتتىك مەديتسينالىق اقجايمالار;
22) رەزەڭكە بالوندار;
23) ءتۇرلى ماقساتتا پايدالانىلاتىن مەديتسينالىق رەسپيراتورلار;
24) ەمىزىكتەر, بالالار بوتەلكەسىنە ارنالعان ەمىزىكتەر;
25) ءتۇرلى ماقساتتا قولدانىلاتىن, سونىڭ ىشىندە ورتوپەديالىق ۇلتاراقتار;
26) اۋىرسىنۋعا قارسى ستيمۋلياتورلار;
27) مەتالل, رەزەڭكە, فارفور, پلاستماسسادان توسەمە ىدىستار, بالالاردىڭ دارەت ىدىسى;
28) سۋپيناتورلار;
29) سۋسپەنزوريلەر;
30) ۆانناعا, اۋاعا ارنالعان, ەلەكتروندى, سىناپ جانە باسقا تۇردەگى تەرمومەترلەر, گيگرومەترلەر;
31) ينسۋليندىك شپريتستەردى ساقتاۋعا ارنالعان ساۋىتتار;
32) ماقتا-ماتا, زىعىردان جاسالعان, سينتەتيكالىق, ءبىر رەتتىك مەديتسينالىق حالاتتار جانە باسقالار;
33) نارەستەلەردى جۇرگىزۋگە ارنالعان قۇرىلعى (حودۋنكي);
34) كەۋدەگە كيەتىن توستاعاندار;
35) ەرەكتورلار.
2. سانيتاريالىق-گيگيەنالىق ماقساتتاعى زاتتار:
1) دارەتحانا قاعازى;
2) رەزەڭكە گۋبكالار;
3) دەپيلياتسياعا ارنالعان جابدىقتار;
4) ستانوكقا ارنالعان لەزۆيا, لەزۆيا;
5) قايشى;
6) قول جۋعا ارنالعان ششەتكالار, اياق تەرىسىنىڭ كۇتىمىنە ارنالعان قىسقىش ششەتكالار;
7) ايەلدەرگە ارنالعان گيگيەنالىق پاكەتتەر, ايەلدەرگە ارنالعان تامپوندار;
8) پامپەرستەر, بالالارعا ارنالعان جورگەكتەر;
9) مۇرىن سۇرتەتىن ورامالدار, سۋلى سالفەتكالار, قاعاز ورامالدار;
10) جاڭا تۋعان نارەستەلەرگە ارنالعان گيگيەنالىق زاتتار;
11) زارارسىزداندىرعىش زاتتار.
3. اۋىز قۋىسىنىڭ كۇتىمىنە ارنالعان زاتتار:
1) ءتىس پاستاسى, ءتىس ۇنتاقتارى;
2) ەمدىك-پروفيلاكتيكالىق اسەرى بار شاينايتىن ساعىز;
3) ءتىس ششەتكالارى;
4) اۋىز قۋىسىنىڭ كۇتىمىنە ارنالعان زاتتار;
4. كوسمەتيكالىق قۇرالدار:
1) كرەمدەر;
2) لوسوندار, سپرەيلەر, دەزودورانتتار, اەروزولدەر;
3) گيگيەنالىق دالاپ;
4) سەپپەلەر;
5) شاش, بەت, دەنە, قول, اياق تەرىسى كۇتىمىنە ارنالعان زاتتار;
6) مەديتسينالىق, كوسمەتيكالىق, گيگيەنالىق, باكتەرياعا قارسى ءيىس سابىن, كىر سابىن.
5. كوزىلدىرىك وپتيكاسىنىڭ بۇيىمدارى:
1) كوزىلدىرىككە ارنالعان اكسەسسۋارلار (ساۋىتتار, سۇرتكىلەر جانە باسقالار);
2) لينزالار;
3) جۇمساق جاناسپالى لينزالار;
4) كوزىلدىرىكتىڭ قۇرساۋى;
5) قورعايتىن كوزىلدىرىك.
6. سالاۋاتتى ءومىر سالتىن قامتاماسىز ەتۋگە ارنالعان زاتتار مەن قۇرالدار:
1) ەمدىك, اسحانالىق, ەمدىك-اسحانالىق, ىشەتىن مينەرالدى سۋ;
2) مەديتسينالىق ماقساتتاعى ترەناجەرلەر;
3) «دەنساۋلىق» كالكۋلياتورلارى.
7. بالالارعا ارنالعان ەمدام جانە ەمدەۋ-پروفيلاكتيكالىق تاماقتانۋ ونىمدەرى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 31 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11806 بولىپ ەنگىزىلدى.