بۇل قارجىعا جىل سوڭىنا دەيىن 725 قاسقىردى اتۋ جوسپارلانعان. وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى نۇرجان اققۇلدىڭ ايتۋىنشا, قازىرگى كۇنى 200 جىرتقىشتىڭ كوزى جويىلعان.
– وبلىستا شالعاي, ءۇيى از اۋىلدار بار. دالادان ازىق تاپپاعان اش-قۇرساق قاسقىرلار اۋىلعا كىرىپ, مال مەن ادامعا شابۋى مۇمكىن. وڭىردە جانۋارلار دۇنيەسىن, سونىڭ ىشىندە كيىكتەر پوپۋلياتسياسىن, تۇرعىندار دەنساۋلىعىن قورعاۋ جانە قۇتىرما اۋرۋىنىڭ الدىن الۋ ماقساتىندا قاسقىر اتۋ جۇمىستارىنا وسىنشاما قارجى ءبولىندى, – دەيدى ول.
ونىڭ مالىمدەۋىنشە, ءبىر قاسقىردى اتۋ شامامەن 15 مىڭ تەڭگەگە تۇسەدى. بۇل قارجى جانار-جاعارماي, تەحنيكاعا, ياعني جول شىعىنىنا, وق-دارىگە جۇمسالادى ەكەن. قاسقىر اتۋمەن مەملەكەتتىك ساتىپ الۋ بايقاۋىنا قاتىسىپ, جەڭىمپاز اتانعان مەكەمە اينالىسۋدا. تابيعاتتىڭ اراسالماعىن تەڭەستىرىپ قويماساڭ, ءتۇز تاعىسىنىڭ زيانى دا بولماي قالمايدى.
ساتىبالدى ءساۋىرباي,
«ەگەمەن قازاقستان»
اقتوبە وبلىسى