[caption id="attachment_49293" align="aligncenter" width="560"] akorda.kz[/caption]
Akorda.kz-ءتىڭ حابارلاۋىنشا, قازاقستان پرەزيدەنتى نۇرسۇلتان نازارباەۆ «قازاقستان رەسپۋبليكاسى جەر كودەكسىنىڭ جەكە نورمالارىنىڭ قولدانىسىن جانە «قازاقستان رەسپۋبليكاسىنىڭ جەر كودەكسىنە وزگەرىستەر مەن تولىقتىرۋلار ەنگىزۋ تۋرالى» 2015 جىلعى 2 قاراشاداعى زاڭىنىڭ قولدانىسقا ەنگىزىلۋىن توقتاتا تۇرۋ تۋرالى» زاڭعا قول قويدى.
قابىلدانعان زاڭ «جەر زاڭناماسىنىڭ كەيبىر نورمالارىن قولدانۋعا موراتوري ەنگىزۋ تۋرالى» 2016 جىلعى 6 مامىرداعى № 248 جارلىقتى ىسكە اسىرۋعا باعىتتالعان.
زاڭمەن «قازاقستان رەسپۋبليكاسىنىڭ جەر كودەكسىنە وزگەرىستەر مەن تولىقتىرۋلار ەنگىزۋ تۋرالى» 2015 جىلعى 2 قاراشاداعى قازاقستان رەسپۋبليكاسىنىڭ زاڭىنىڭ قولدانىسى 2016 جىلدىڭ 31 جەلتوقسانىنا دەيىن توقتاتىلادى.
بۇدان بولەك, جەر كودەكسىنىڭ كەيبىر نورمالارىنىڭ قولدانىسى توقتاتىلادى, ولارعا سايكەس 2016 جىلدىڭ سوڭىنا دەيىن: اۋىل شارۋاشىلىعى ماقساتىنداعى جەر ۋچاسكەلەرى جالداۋ شارتتارىمەن شەتەلدىكتەرگە, ازاماتتىعى جوق ادامدارعا, شەتەلدىك زاڭدى تۇلعالارعا, سونداي-اق, شەتەلدىكتەر قاتىساتىن زاڭدى تۇلعالارعا, مەملەكەتتىك مەنشىكتەگى اۋىل شارۋاشىلىعى ماقساتىنداعى جەر ۋچاسكەلەرىنە مەنشىك قۇقىعى بەرىلمەيتىن بولادى.
زاڭنىڭ ءماتىنى باسپاسوزدە جاريالانادى.
تالعات رايىمبەك.