الماتى قالاسىنداعى ءال-فارابي اتىنداعى قازاق ۇلتتىق ۋنيۆەرسيتەتىنىڭ بازاسىندا «اق جول» پارتياسىنىڭ ءداستۇرلى «ءححى عاسىرداعى الاشتىڭ اق جولى» اتتى جالپىۇلتتىق بايقاۋىنىڭ ءىى كەزەڭى ءوتتى.
قازاقستاننىڭ «اق جول» دەموكراتيالىق پارتياسى الاش مۇراسى مەن تاعىلىمىن زەرتتەپ, زەردەلەۋ ىسىنە ۇلەس قوسىپ كەلەدى. بۇل بايقاۋدىڭ باستى ماقساتى – جاس عالىمدار مەن زەرتتەۋشىلەردىڭ عىلىمعا دەگەن كوزقاراستارى مەن سۇيىسپەنشىلىگىن ارتتىرىپ, الاش مۇراسىنىڭ تۇبەگەيلى قاراستىرىلۋىنا جول اشۋ. بايقاۋعا رەسپۋبليكانىڭ جانە قحر, رف باشقۇرستان رەسپۋبليكالارى بويىنشا سەكسەننەن استام جۇمىس قابىلدانىپ, سونىڭ جيىرما بەسى ءىى كەزەڭگە ءوتتى. ءىى كەزەڭدەگى بايقاۋ جۇمىستارىنا تاريح عىلىمدارىنىڭ دوكتورى, قازۇۋ-ءدىڭ پروفەسسورى تالاس وماربەكوۆ, تاريح عىلىمدارىنىڭ كانديداتى, ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ باس عىلىمي قىزمەتكەرى قايدار الداجۇمانوۆ, تاريح عىلىمدارىنىڭ دوكتورى, پروفەسسور, ش.ءۋاليحانوۆ اتىنداعى تاريح جانە ەتنولوگيا ينستيتۋتى ديرەكتورىنىڭ ورىنباسارى سۆەتلانا سماعۇلوۆا, ل.ن.گۋميلەۆ اتىنداعى ەۇۋ-ءدىڭ «الاش» عزي ديرەكتورى, ءاليحانتانۋشى سۇلتانحان اققۇل ۇلى سىندى الاشتانۋشى عالىمدار قازىلىق ەتتى. بايقاۋدى عىلىمي جوبانىڭ اۆتورى, الاشتانۋشى ءسابيت بايدالى جۇرگىزدى. بايقاۋ جۇمىستارى 4 نوميناتسيا بويىنشا قورعالىپ, تىڭدالدى. 12 جۇمىس بايقاۋدىڭ فينالىنا جولداما الدى. قالعان 12 جۇمىسقا پارتيا توراعاسى, پارلامەنت ءماجىلىسىنىڭ توراعاسى ازات پەرۋاشەۆتىڭ «العىس حاتى» جانە 25 مىڭ تەڭگە كولەمىندە قارجىلاي سىياقى بەرىلدى.
وسىمەن بەس جىل بويى ءداستۇرلى تۇردە ۇيىمداستىرىلىپ جاتقان بايقاۋ ارقىلى كوپتەگەن جاس عالىمداردىڭ ەڭبەگى ەلەنىپ, ەسىمدەرى كوپكە تانىلدى. مىسالى, ەرجان شاعيمولدين, الما سايلاۋقىزى, ەركىن راحماتۋللين, الماس جۇنىسباەۆ, كۇنسۇلۋ قۇرمانوۆا, مارحاببات قوزىباەۆا, ەلدوس توقتارباي سياقتى جاس عالىمداردىڭ شوعىرى وسى بايقاۋ ناتيجەسى ارقاسىندا قالىپتاستى. وسى اتالعان بايقاۋ جاڭا ەسىمدەردىڭ اتىن شىعارىپ, ولاردىڭ عىلىمي ورتاعا تانىلۋىنا جول اشتى.
«ەگەمەن-اقپارات»