اۆسترياداعى ادولفتىڭ ءۇيى ءسۇرىلۋى مۇمكىن

قازىرگى تاڭدا اۆستريانىڭ ىشكى ىستەر ءمينيسترى ۆولف­گانگ سوبوتكا ادولف گيتلەر تۋعان ءۇيدىڭ ءسۇرىلۋ جوباسىنا قاتىستى ناقتىلاۋ جۇمىستارىن جۇرگىزۋدە. بۇعان دەيىن وسى ەلدىڭ ىشكى ىستەر مينيسترلىگى اتالعان ءۇيدى ساتۋ جونىندە شەشىم قابىلداپ, جارنامالاعانىمەن, گيتلەردەن قالعان جادىگەردى ساتىپ الاتىن ەشكىم تابىلماعان. – مەنىڭ كوزقاراسىم بويىنشا, ەڭ دۇرىسى, بۇل ءۇيدى بۇزۋ كەرەك, – دەيدى مينيستر سوبوتكا. دەگەنمەن, جەرگىلىكتى بيلىك تاريحي باسپانانىڭ كوزىن جويۋعا ق ۇلىقسىزدىق تانىتىپ وتىر. ولار ءالى دە بولسا, ساتىپ الۋشى تابىلىپ قالار دەگەن ۇمىتتە. ءۇش عاسىردىڭ كۋاسى بولعان ءۇش قاباتتى تۇرعىن ءۇي اۆستريانىڭ براۋناۋ-ەم-ينن قالاسىندا قو­نىس تەپكەن. مۇندا 1889 جىلى بولا­شاق ۇلتشىل-ديكتاتور ادولف گيتلەر تۋعان. ايتا كەتەيىك, ىشكى ىستەر مي­نيس­ترلىگى 1972 جىلدان بەرى بۇل ءۇيدى جالعا بەرۋمەن اينالىسىپ كەلەدى. وسى ارالىقتا عيمارات قالالىق كىتاپحاناعا دا, مەكتەپكە دە اينالىپ, قارجى تابۋدىڭ ءبىر كوزى بولدى. كەيىن جالعا الۋشى­لاردىڭ باعىتى وزگەرىپ, اتالعان ءۇي انالار ورتالىعىنا اينالدى. ال 2011 جىلدان بەرى بۇل قونىسجاي قوجايىنسىز قالدى. ءمينيستردىڭ ايتۋىنشا, عيماراتتىڭ 1 ايداعى جالعا بەرۋ قۇنى 4 مىڭ 800 ەۋرونى قۇرايدى. تالعات رايىمبەك, «ەگەمەن قازاقستان»