قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ امەريكا قۇراما شتاتتارىنىڭ پرەزيدەنتى باراك وباماعا كوڭىل ايتۋ جەدەلحاتىن جولدادى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
مەملەكەت باسشىسى ورلاندو قالاسىنداعى تەرروريستىك اكت سالدارىنان كوپتەگەن ادامنىڭ قازا بولعانى جانە زارداپ شەككەنى تۋرالى حاباردى زور كۇيزەلىسپەن قابىلدادى.
جەدەلحاتتا: «قازاقستان تەرروريزمنىڭ كەز كەلگەن ءتۇرىن قاتاڭ ايىپتايدى, قانداي ماقساتتا بولسا دا جازىقسىز قان توگۋدى اقتاۋعا بولمايدى دەپ سانايدى», – دەلىنگەن.
نۇرسۇلتان نازارباەۆ بارشا قازاقستاندىقتاردىڭ جانە جەكە ءوزىنىڭ اتىنان ب.وباماعا, امەريكا حالقىنا, قازا بولعانداردىڭ وتباسىلارىنا جانە جاقىندارىنا كوڭىل ايتىپ, زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.